完整藏文原文 · 德格版页 当前仅加载第 41 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཞེན་པའོ། །གང་ལྷག་པར་ཞེ་ན་པ་དེ་ནི་ཀུན་ཏུ་སྦྱོར་བའོ། །གང་ཀུན་ཏུ་སྦྱོར་བ་དེ་ནི་མངོན་པར་འགྲུབ་པའོ། །གང་མངོན་པར་འགྲུབ་པ་དེ་ནི་འཆིང་བ་སྟེ། དེ་ཡང་དག་པ་མ་ཡིན་པ་འདྲིད་པའོ། །དེ་ལྟར་ཀྱེ་མའོ་སེམས་ཅན་འདི་དག་ནི་ཡང་དག་པ་མ་ཡིན་པ་འདྲིད་པའི་
D56.041.0089b01.01འཆིང་བས་བཅིངས་པ་སྟེ། བཅིངས་པ། ངེས་པར་བཅིངས་པ། ཤིན་ཏུ་ངེས་པར་བཅིངས་པའོ། །ཅིས་བཅིངས་ཤེ་ན། གཟུགས་ཀྱི་བཅིང་བས་བཅིངས་པ་ནི་བཅིངས་ཞེས་བྱ་བ་ནས་སྒྲ་དང་། དྲི་དང་། རོ་དང་། རེག་གི་བར་གྱི་འཆིང་བས་བཅིངས་པ་ནི་བཅིངས་ཞེས་བྱའོ། །
D56.041.0089b02.01གཟུགས་ཀྱིས་བཅིངས་པ་གང་ཞེ་ན། འདི་ལྟ་སྟེ། ལུས་ཐོབ་པའི་གཟུགས་དེ་ལ་གང་བདག་ཏུ་འདུ་ཤེས་པ་དང་། སྲོག་ཏུ་འདུ་ཤེས་པ་དང་། གང་ཟག་ཏུ་འདུ་ཤེས་པ་དང་། རྟག་པར་འདུ་ཤེས་པ་དང་། བརྟན་པར་འདུ་ཤེས་པ་དང་། ཐེར་ཟུག་ཏུ་འདུ་ཤེས་པ་དང་།
D56.041.0089b03.01རྫས་སུ་འདུ་ཤེས་པ་དང་། རིལ་པོར་འདུ་ཤེས་པ་དང་། གོང་བུར་འདུ་ཤེས་པ་དེ་ནི་གཟུགས་ཀྱིས་བཅིངས་པ་ཞེས་བྱའོ། །ཡང་གཟུགས་ཀྱི་འཆིང་བ་གང་ཞེ་ན། འདི་ལྟ་སྟེ། ལུས་མངོན་པར་གྲུབ་པ་དེ་ལ་རིམ་གྲོ་བྱའོ་སྙམ་ནས། དེ་བདག་ལ་བྱམས་པས་ཆུང་མ་ལ་མངོན་པར་
D56.041.0089b04.01ཆགས་པར་བྱེད་དེ། གཟུགས་ཀྱི་འཆིང་བས་བཅིངས་ནས། འདོད་པའི་ལོངས་སྤྱོད་ཐོབ་པས་མི་དགེ་བའི་ལས་མངོན་པར་འདུ་བྱེད་དེ། འདོད་པའི་ཉེས་པ་མི་ཤེས་སོ། །དེ་ལ་འདོད་པའི་ཉེས་པ་གང་ཞེ་ན། ཉེས་པ་དག་ལ་འདོད་པ་དང་། ཉེས་པ་ལ་འདོད་པ་མེད་མོད་
D56.041.0089b05.01ཀྱིས། གང་ངན་སོང་དུ་གཞོལ་བའི་འདོད་པའི་ཉེས་པ་དེ་དག་བསྟན་པར་བྱའོ་སྙམ་མོ། །དེ་ལ་ངན་སོང་དུ་གཞོལ་བའི་འདོད་པའི་ཉེས་པ་གང་ཞེ་ན། ཤཱ་རིའི་བུ་འདོད་པ་བསྟེན་པ་ནི་སྡིག་པ་མི་བྱེད་པ་ཅུང་ཟད་ཀྱང་མེད་དེ། དེའི་རྣམ་པར་སྨིན་པས་སྡུག་བསྔལ་ཡོངས་སུ་བཟུང་བར་
D56.041.0089b06.01མ་གྱུར་པ་གང་ཡང་མེད་ཅེས་བཤད་དོ། །དེ་ལྟར་ཤཱ་རིའི་བུ་སྟོང་གི་འཇིག་རྟེན་གྱི་ཁམས་སུ་རབ་ཏུ་བརྟགས་ན། ཇི་ལྟར་བདག་གི་ཆུང་མ་ལྟ་བུར་དགྲར་གྱུར་པ་ནི་གཞན་གང་ཡང་མེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་ནི་ཡེ་ཤེས་དང་ལྡན་ནོ།།སེམས་ཅན་
D56.041.0089b07.01