完整藏文原文 · 德格版页 当前仅加载第 41 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། ཡང་ཤཱ་རིའི་བུ་འདོད་པ་ལ་ལོག་པར་གཡེམ་པ་སྐྱེས་བུ་གང་ཟག་ཆུང་མ་འགྲན་ཟླ་ཡོད་པ་རྙེད་པ་དེ་ནི་གནས་ཡིན་ཏེ་སྐབས་ཡོད་དོ། །ཤཱ་རིའི་བུ་གནས་མ་ཡིན་ཞིང་སྐབས་མེད་དེ། གང་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག་ཆུང་མ་འགྲན་ཟླ་དང་བཅས་པ་རྙེད་
D56.041.0012b01.01པ་དེ་ནི་གནས་མ་ཡིན་ནོ། །ཡང་ཤཱ་རིའི་བུ་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག་ཆུང་མ་འགྲན་ཟླ་མེད་པ་རྙེད་པ་དེ་ནི་གནས་ཡིན་ཏེ་སྐབས་ཡོད་དོ། །གོང་མ་བཞིན་དུ་སྦྱར་ཏེ། དགེ་བ་དང་མི་དགེ་བའི་ལས་ཀྱི་ལམ་གསུམ་པོ་དེ་དག་བསྟན་པ་དེ་བཞིན་དུ་མི་དགེ་བ་བཅུའི་ལས་ཀྱི་
D56.041.0012b02.01ལམ་ཐམས་ཅད་ལའང་བྱའོ། །གང་{བརྫུན་,རྫུན་}དུ་སྨྲ་བ་དེས་སྐུར་པ་ཐོབ་པར་མི་འགྱུར་བ་དེ་ནི་གནས་མ་ཡིན་ནོ། །གང་ཐོབ་པར་འགྱུར་བ་དེ་ནི་གནས་སོ། །གང་{བརྫུན་,རྫུན་}དུ་སྨྲ་བ་སྤངས་པས་སྐུར་པ་ཐོབ་པར་འགྱུར་བ་དེ་ནི་གནས་མ་ཡིན་ནོ། །གང་ཐོབ་པར་མི་འགྱུར་བ་དེ་ནི་གནས་སོ། །གང་ཕྲ་མ་ཟེར་
D56.041.0012b03.01བས་མི་ཕྱེད་པའི་གཡོག་རྙེད་པ་དེ་ནི་གནས་མ་ཡིན་ནོ། །གང་རྙེད་པར་མི་འགྱུར་བ་དེ་ནི་གནས་སོ། །གང་ཕྲ་མ་སྤངས་པའི་གཡོག་ཕྱེད་པར་འགྱུར་བ་དེ་ནི་གནས་མ་ཡིན་ནོ། །གང་གཡོག་མི་ཕྱེད་པ་རྙེད་པ་དེ་ནི་གནས་སོ། །གང་ཚིག་རྩུབ་པོ་སྨྲ་བས་རྟག་པར་ཡིད་དུ་འོང་བ་ཐོས་པར་འགྱུར་བ་དེ་ནི་གནས་
D56.041.0012b04.01མ་ཡིན་ནོ། །གང་ཡིད་དུ་མི་འོང་བ་ཐོས་པར་འགྱུར་བ་དེ་ནི་གནས་སོ། །གང་ཚིག་རྩུབ་པོ་སྤངས་པས་ཡིད་དུ་མི་འོང་བ་ཐོས་པར་འགྱུར་བ་དེ་ནི་གནས་མ་ཡིན་ནོ། །གང་ཡིད་དུ་འོང་བ་ཐོས་པར་འགྱུར་བ་དེ་ནི་གནས་སོ། །གང་ཚིག་ཀྱལ་པ་སྨྲ་བས་ཤིན་ཏུ་གདོན་མི་ཟ་བའི་སྤོབས་པར་འགྱུར་བ་ནི་
D56.041.0012b05.01གནས་མ་ཡིན་ནོ། །གང་མི་འགྱུར་བ་དེ་ནི་གནས་སོ། །གང་ཀྱལ་པར་སྨྲ་བ་སྤངས་པས་ཤིན་ཏུ་གདོན་མི་ཟ་བའི་སྤོབས་པར་མི་འགྱུར་བ་ནི་གནས་མ་ཡིན་ནོ། །གང་ཤིན་ཏུ་གདོན་མི་ཟ་བའི་སྤོབས་པར་འགྱུར་བ་ནི་གནས་སོ། །གང་བརྣབ་སེམས་ཅན་ལོངས་སྤྱོད་རབ་ཏུ་ཉམས་པར་མི་འགྱུར་བ་ནི་གནས་མ་
D56.041.0012b06.01ཡིན་ནོ། །གང་འགྱུར་བ་ནི་གནས་སོ། །གང་བརྣབ་སེམས་སྤངས་པ་ལོངས་སྤྱོད་རབ་ཏུ་ཉམས་པར་འགྱུར་བ་ནི་གནས་མ་ཡིན་ནོ། །གང་མི་འགྱུར་བ་ནི་གནས་སོ། །གང་གནོད་སེམས་ཅན་སེམས་ཅན་དམྱལ་བར་མི་འགྲོ་བ་ནི་གནས་མ་ཡིན་ནོ། །གང་འགྲོ་བ་ནི་གནས་སོ། །གང་གནོད་སེམས་
D56.041.0012b07.01