完整藏文原文 · 德格版页 当前仅加载第 41 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ། །ལམ་དག་ལས་ཀྱང་རྨོངས་པར་བྱེད། །འདི་འདྲ་བ་ཡི་ཆོས་ཐོས་ནས། །གང་དུ་སྟོང་པ་ཉིད་བསྔགས་ཤིང་། །ནན་ཏན་ལ་ནི་གང་གནས་ལ། །བར་དུ་གཅོད་པ་འབྱུང་བར་འགྱུར། །འདི་མཆོག་ཡང་དག་འདི་ཡིན་ཞེས། །
D56.041.0108a01.01ཡང་དག་མིན་ལ་ཡང་དག་འཛིན། །དམ་པའི་ཆོས་རྣམས་སྨོད་པ་ལ། །བར་དུ་གཅོད་པ་མི་འབྱུང་ངོ་། །སངས་རྒྱས་ལ་ནི་དགའ་བ་དང་། །གུས་པ་བརྟན་པར་གང་འགྱུར་བ། །དེ་དག་འདི་འདྲའི་ཆོས་ཐོས་ནས། །བཟང་པོ་རྣམས་ནི་དགའ་བར་འགྱུར། །
D56.041.0108a02.01དགའ་བ་སྐྱེས་པར་རིག་ནས་ནི། །བདུད་རྣམས་ཡིད་ནི་མི་བདེ་ནས། །དེ་ལ་དེ་དག་བར་ཆད་རྣམས། །རབ་ཏུ་འཇིགས་པ་བྱེད་པར་འགྱུར། །དགེ་སློང་ཆ་བྱད་བསྒྱུར་བྱས་ནས། །འདི་ནི་བྱང་ཆུབ་ལམ་མིན་ན། །ཅི་ཕྱིར་འདི་ལ་ཡོངས་རྒྱུག་ཅེས། །དེ་ནི་རབ་ཏུ་འགྱོད་
D56.041.0108a03.01པར་བྱེད། །མདོ་སྡེ་འདི་ལ་རྒྱུ་ཡོད་དེ། །སྙིང་པོ་བརྟན་པར་རབ་གནས་ལ། །འཁྲུག་པར་འགྱུར་བ་བསྐྱེད་བྱས་ནས། །ཕྱིས་ནི་རབ་ཏུ་སྤོང་བར་འགྱུར། །བདུད་ཀྱིས་ཀུན་ནས་བསླང་གྱུར་ནས། །ཇི་ལྟར་བདེ་བ་བཞིན་དུ་བཟུང་། །འདི་ནི་ཆོས་མིན་ཞེས་སྨྲས་ནས། །
D56.041.0108a04.01དེས་ནི་མྱ་ངན་འདས་པ་སྤངས། །དེ་དག་སྟོན་པ་བཏང་ནས་ནི། །ཆོས་ལ་དོན་དུ་གཉེར་བ་མེད། །བདག་ལ་སྲེད་པ་བསྐྱེད་བྱས་ནས། །སེམས་ཅན་དམྱལ་བར་མྱུར་དུ་འགྲོ། །གང་དག་ཆུང་ངུ་བྱུང་བ་ནི། །སྟོང་པའི་ཆོས་རྣམས་མི་གཉེར་ཏེ། །ཡུལ་ནི་སོ་སོར་
D56.041.0108a05.01གནས་གྱུར་ནས། །མི་འདུམ་པ་དང་ལྡན་པར་འགྱུར། ཆོས་རྣམས་ཀྱི་ནི་མཆོག་འདི་ཡང་། །མཉན་ནས་འགལ་བ་སྨྲ་བར་བྱེད། །དངངས་ཤིང་སྐྲག་ནས་རབ་འབྲོས་པ། །ཕྱི་མའི་དུས་ན་བྱེད་པར་འགྱུར། །མི་ཆུང་བ་དག་གཞན་རྣམས་ནི། །སྟོན་པར་བྱེད་པར་
D56.041.0108a06.01མི་འབྱུང་སྟེ། །གང་དག་ཆུང་ངུར་གྱུར་པ་རྣམས། །དེ་དག་རྣམས་ཀྱང་བཏང་སྙོམས་འགྱུར། །འཇིག་རྟེན་མགོན་གྱི་བསྟན་པ་ལ། །འདི་ལྟ་བུ་ཡི་ཆོས་འདི་ཡི། །བར་དུ་གཅོད་པ་མང་འབྱུང་སྟེ། །མེ་ལྕེ་ཅི་འདྲ་བཞིན་དུ་འགྱུར། །དེ་ནི་རབ་ཏུ་ངེས་པ་རྣམས། །
D56.041.0108a07.01