完整藏文原文 · 德格版页 当前仅加载第 39 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །དེ་ལྟ་བས་ན་གལ་ཏེ་བྱང་ཆུབ་ཡོངས་སུ་མི་གཏོང་ན་ཆོས་ཀྱི་རྣམ་གྲངས་འདི་གཟུང་བར་བྱ། བཅང་བར་བྱ། བཀླག་པར་བྱ། ཀུན་ཆུབ་པར་བྱ་ཞིང་འདུན་པ་དྲག་པོ་དང་། འབད་པ་དང་། སྤྲོ་བ་དང་། རབ་ཏུ་སྤྲོ་བ་དང་། མངོན་པར་བརྩོན་པར་བྱའོ། །དེ་
D48.039.0237a01.01ནས་འཁོར་དེ་གང་དག་བྱང་ཆུབ་ལས་ཕྱིར་ལྡོག་པར་འདོད་པ། སྐྲག་པ། སྒྱིད་ལུག་པ། སོམ་ཉི་དང་བཅས་པ། ཐེ་ཙོམ་དང་བཅས་པ། ཁྱིམ་གྱི་གནས་སུ་འགྲོ་འདོད་པ། བདུད་ཀྱི་ལས་དང་ལས་ཀྱི་སྒྲིབ་པ་མི་ཤེས་པའི་བྱང་ཆུབ་སེམས་དཔའ་ཁྲིས་བཅོམ་ལྡན་
D48.039.0237a02.01འདས་ཀྱི་སྤྱན་སྔ་ནས་ཆོས་ཀྱི་རྣམ་གྲངས་འདི་ཐོས་ནས་སྐྱོན་ཡོངས་སུ་སྤངས་ཤིང་། ལྷག་པའི་བསམ་པ་རྣམ་པར་སྦྱངས་ཏེ། དེ་དག་འཇིག་རྟེན་གྱི་ཁམས་གཞན་དུ་སྐྱེ་བར་འགྱུར་ཞིང་དེ་དག་ཐམས་ཅད་བྱང་ཆུབ་སེམས་དཔའ་བྱམས་པ་དང་ལྷན་ཅིག་ཏུ་མངོན་པར་རྫོགས་
D48.039.0237a03.01པར་འཚང་རྒྱ་བར་འགྱུར་ཏེ། དེ་དག་གིས་ནི་བསྐལ་པ་ཉི་ཤུར་བདུད་ཀྱི་ལས་རྣམ་པར་སྦྱོང་བར་འགྱུར་རོ། །གང་དག་འཇིག་རྟེན་གྱི་ཁམས་གཞན་དུ་སྐྱེས་པ་སྐྱེ་བ་གཅིག་གིས་ཐོགས་པ་ལ་གནས་པ་སྟན་ལ་འཁོད་པ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་
D48.039.0237a04.01བྱམས་པ་དང་ལྷན་ཅིག་ཏུ་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་དག་གིས་ནི་བསྐལ་པ་ཉི་ཤུར་བདུད་ཀྱི་ལས་དང་། ལས་ཀྱི་སྒྲིབ་པ་རྣམ་པར་སྦྱངས་སོ། །དེ་ལྟར་ན་ཆོས་ཀྱི་རྣམ་གྲངས་འདི་ཐོས་པ་ཡང་བྱང་ཆུབ་སེམས་དཔའ་
D48.039.0237a05.01རྣམས་ཀྱིས་གཅེས་སྤྲས་བྱེད་པ་ཡིན་ན། འཛིན་པ་དང་། སྟོན་པ་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་རྡོ་རྗེས་རབ་འཇོམས་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་
D48.039.0237a06.01བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་རྨི་ལམ་བསྟན་པའི་ལེའུ་ཞེས་བྱ་བ་སྟེ་བཞི་པ་རྫོགས་སོ།། །།
D48.039.0237a07.01