完整藏文原文 · 德格版页 当前仅加载第 39 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བར་ཆད་མང་བ་ཡིན་པས་དེས་སངས་རྒྱས་རྗེས་སུ་དྲན་པ་བསྒོམ་པར་བྱ་ཞིང་དད་པར་ཡང་བྱ། བྱ་བ་ཐམས་ཅད་ལ་དད་པའི་སྦྱིན་པས་མོས་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་མཚན་མའི་བྱ་བ་
D48.039.0231b01.01དེ་དག་བྱི་དོར་མ་བྱས་པར་མཐོང་ན་དེ་ནི་ས་དང་པོར་རོ། །གང་གིས་བྱི་དོར་བྱས་པར་མཐོང་ན་དེ་ནི་ས་གཉིས་པར་རོ། །གང་གིས་རྒྱན་གྱིས་བརྒྱན་པར་མཐོང་ན་དེ་ནི་ས་གསུམ་པར་རོ། །འཁོར་བཞི་པོ་དག་འདུས་ན་དེ་ནི་ས་ལྔ་པར་རོ། །ལྷའི་འཁོར་དག་འདུས་ན་དེ་ནི་ས་དྲུག་པར་རོ། །
D48.039.0231b02.01རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། གདུགས་རྙེད་ན་དེ་ནི་ས་དང་པོ་བདུན་པོ་དག་ཏུ་བལྟ་སྟེ། །སངས་རྒྱས་ཀྱི་བྱིན་གྱིས་བརླབས་ཀྱང་ཡོད། བར་ཆད་ཀྱང་མང་། མི་ཆོམས་པ་ཡང་ཡིན་ནོ། །དེས་ནི་ཆོས་སྨྲ་བ་ལ་བརྙས་པར་མི་བྱ་སྟེ། དེས་ན་དེའི་
D48.039.0231b03.01ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་ལོ་མའི་གདུགས་ཀྱིས་ནི་ས་དང་པོར་རོ། །འོད་མའི་གདུགས་ཀྱིས་ནི་ས་གཉིས་པར་རོ། །གྲོ་བའི་གདུགས་ཀྱིས་ནི་ས་གསུམ་པར་རོ། །རས་ཀྱི་གདུགས་ཀྱིས་ནི་ས་བཞི་པར་རོ། །
D48.039.0231b04.01ཁྲ་བོས་ནི་ས་ལྔ་པར་རོ། །དྲིལ་བུ་གཡེར་ཀས་ཡོངས་སུ་བསྐོར་བས་ནི་ས་དྲུག་པར་རོ། །རིན་པོ་ཆེའི་དྲ་བས་གླགས་པས་ནི་ས་བདུན་པར་རོ། །བདུད་ཀྱི་ལས་དང་། མངོན་པར་མི་བརྩོན་པ་ནི་མ་གཏོགས་སོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་
D48.039.0231b05.01ལམ་ན་བདག་སྐྱེ་བོ་ཕལ་པོ་ཆེའི་དབུས་ན་འདུག་སྟེ་ཆོས་སྟོན་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་བཅུ་པོ་ཐམས་ཅད་དུ་བལྟ་སྟེ། དེས་ས་དག་ལ་བདུད་ཀྱི་ལས་དང་ལས་ཀྱི་སྒྲིབ་པ་ཡང་། ཇི་ལྟ་བ་བཞིན་དུ་རྟོགས་པར་བྱ་ཞིང་། དེས་སྤོབས་པ་ཡོངས་སུ་བཙལ་བར་བྱ་སྟེ།
D48.039.0231b06.01སྤོབས་པ་རྙེད་ནས་ཀྱང་རྣམ་པར་ངེས་པར་སྒྲུབ་པའི་ལུང་དབོག་པར་བྱའོ། །དངོས་པོ་ཐམས་ཅད་ལ་ཡང་ལྷག་པར་ཞེན་པ་མེད་པར་བྱ་ཞིང་། དེས་དངོས་པོ་རྙེད་པ་ལ་ཡང་ཡང་དག་པར་དགའ་བར་འགྱུར་བའི་ངང་ཚུལ་ཅན་དུ་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་
D48.039.0231b07.01