完整藏文原文 · 德格版页 当前仅加载第 39 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཡང་འགྱུར་རོ། །ལུས་ཐམས་ཅད་མི་གཙང་བའི་རྫབ་ཀྱིས་བསྐུས་ན་ས་དང་པོ་པར་རོ། །ལུས་ཀྱི་གཞོགས་ཕྱེད་བསྐུས་ན་ས་གཉིས་པར་རོ། །ཡན་ལག་དང་ཉིང་ལག་བསྐུས་ན་ས་གསུམ་པར་རོ། །ས་དྲུག་པའི་བར་དག་ལ་ནི་བདུད་ཀྱི་ལས་སུ་རྟོགས་པར་བྱའོ། །རྡོ་རྗེས་
D48.039.0230b01.01རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རྒྱལ་པོར་གྱུར་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་བཅུ་པོ་ཐམས་ཅད་ལས་ས་གང་ཡང་རུང་བར་བལྟ་སྟེ། དེ་ལ་དགེ་བའི་རྩ་བ་སྟུག་ལ་བར་ཆད་ཀྱང་སྟུག་པ་ཡིན་པས་དེས་ན་རློམ་སེམས་མེད་པར་
D48.039.0230b02.01བྱ་ཞིང་གཞན་ལ་གཡོ་མི་བྱ་བ་དང་། ཀུན་བགེད་པའི་ངང་ཚུལ་ཅན་དང་། བདག་ལ་མི་བསྟོད་པ་དང་། གཞན་ལ་མི་སྨད་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གྲོང་ན་འདུག་སྟེ་རྒྱལ་པོར་
D48.039.0230b03.01ཀུན་ཏུ་ཤེས་ན་དེ་ནི་ས་དང་པོ་པར་བལྟའོ། །གཙུག་ལག་ཁང་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་གཉིས་པར་བལྟའོ། །སྐྱེད་མོས་ཚལ་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་གསུམ་པར་བལྟའོ། །ལྷ་ཁང་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་བཞི་པར་བལྟའོ། །
D48.039.0230b04.01གྲོང་ཁྱེར་ཆེན་པོ་ན་འདུག་སྟེ། རྒྱལ་པོར་ཀུན་ཏུ་ཤེས་ན་དེ་ནི་ས་ལྔ་པར་བལྟའོ། །རིའི་རྩེ་མོ་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་དྲུག་པར་བལྟའོ། །འཛམ་བུའི་གླིང་གི་རྒྱལ་པོར་ཀུན་ཏུ་ཤེས་ན་དེ་ནི་ས་བདུན་པར་བལྟའོ། །འཁོར་ལོས་སྒྱུར་བའི་རྒྱལ་པོར་
D48.039.0230b05.01ཀུན་ཏུ་ཤེས་ན་དེ་ནི་ས་བརྒྱད་པར་བལྟའོ། །རྒྱ་མཚོའི་དབུས་སུ་ན་དེ་ནི་ས་དགུ་པར་བལྟའོ། །རི་རབ་ཀྱི་རྩེ་མོར་ན་དེ་ནི་ས་བཅུ་པར་བལྟ་སྟེ། བདུད་ཀྱི་ལས་ལ་མངོན་པར་བརྩོན་པ་དང་། སངས་རྒྱས་དང་། བྱང་ཆུབ་སེམས་དཔས་མ་དགོངས་པ་ནི་མ་གཏོགས་སོ། །
D48.039.0230b06.01རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རྒྱལ་པོའི་སྤྱན་སྔ་འམ། རྒྱལ་པོའི་བློན་པོ་ཆེན་པོའམ། །སྐྱེ་བོ་ཕལ་པོ་ཆེའི་མདུན་ན་འདུག་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། ཀུན་ནས་ཉོན་
D48.039.0230b07.01