完整藏文原文 · 德格版页 当前仅加载第 39 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པར་འགྱུར་ཞིང་། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ལས་ས་གང་ཡང་རུང་བར་བལྟའོ། །གལ་ཏེ་ནམ་མཁའ་ལ་སྦྱིན་པ་སྦྱིན་ཞིང་འགྲོ་བར་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །དྲང་
D48.039.0220b01.01སྲོང་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །དགེ་སྦྱོང་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །ཀླུ་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །ལྷ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །ཚངས་པ་
D48.039.0220b02.01མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །བྱང་ཆུབ་སེམས་དཔའ་འམ། དེ་བཞིན་གཤེགས་པ་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟ་སྟེ། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་
D48.039.0220b03.01ན་བདག་གི་ལག་པ་ན་སྒྲོན་མ་ཐོགས་པར་ཀུན་ཏུ་ཤེས་ན་དེས་ཆོས་ཀྱི་སྣང་བ་བསྒྲུབ་པར་བྱ་སྟེ། བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ཏུ་བལྟའོ། །གལ་ཏེ་དེས་ལུས་དང་། སྲོག་ལ་མི་ལྟ་བར་ཟང་ཟིང་མེད་པ་ལ་རབ་ཏུ་སྦྱོར་བར་བྱེད་ཅིང་ཡེ་ཤེས་ཀྱི་སྤྱོད་པ་ལ་ཡང་ནེམ་ནུར་མེད་པར་
D48.039.0220b04.01བྱས་ན། དེས་ན་དེའི་ལས་ཀྱི་སྒྲིབ་པ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་ས་དང་པོ་ལ་གནས་པ་ནི་དམིགས་པ་ལ་མངོན་པར་བརྩོན་པ་ལ་དགའ་བར་བྱེད་དོ། །ས་གཉིས་པ་ལ་གནས་པ་ནི་བསམ་གཏན་ལ་མངོན་པར་དགའ་བར་བྱེད་དོ། །
D48.039.0220b05.01ས་གསུམ་པ་ལ་གནས་པ་ནི་བྱམས་པ་ལ་དགའ་བར་བྱེད་དོ། །ས་བཞི་པ་ལ་གནས་པ་ནི་སྙིང་རྗེ་ལ་དགའ་བར་བྱེད་དོ། །ས་ལྔ་པ་ལ་གནས་པ་ནི་བཏང་སྙོམས་ལ་དགའ་བར་བྱེད་དོ། །ས་དང་པོ་ལ་གནས་པ་སྣང་བར་འདོད་པས་ནི་སངས་རྒྱས་རྗེས་སུ་དྲན་པ་བསྒོམ་པར་བྱའོ། །ས་གཉིས་
D48.039.0220b06.01པ་ལ་གནས་པས་ནི་མཆོག་ཏུ་དགའ་བ་སྦྱིན་པར་བྱའོ། །ས་གསུམ་པ་ལ་གནས་པས་ནི་ཐོས་པ་བཙལ་བར་བྱའོ། །ས་བཞི་པ་ལ་གནས་པས་ནི་གཟུངས་བསྒོམ་པར་བྱའོ། །ས་ལྔ་པ་ལ་གནས་པས་ནི་སྟོང་པ་ཉིད་བསྒོམ་པར་བྱ་སྟེ། དེས་ན་སྣང་བ་འཐོབ་པར་འགྱུར་རོ། །རྡོ་རྗེས་
D48.039.0220b07.01