完整藏文原文 · 德格版页 当前仅加载第 39 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ལས་ས་གང་ཡང་རུང་བར་བལྟ་སྟེ། སངས་རྒྱས་རྣམས་ལས་མངོན་སུམ་དུ་གཟུངས་ཐོབ་པ་ཡིན་ནོ། །བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་
D48.039.0221b01.01ཆུང་ལ་བདུད་ཀྱི་ལས་མང་བ་ཡིན་པས་དེས་ན་སྤོབས་པ་སྦྱིན་བར་བྱ་ཞིང་གླགས་ལྟ་བ་མེད་པ་ལ་བརྩོན་པར་ཡང་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གལ་ཏེ་ཚིགས་སུ་བཅད་པས་མངོན་པར་བསྒྲུབས་པའི་
D48.039.0221b02.01གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །ཡི་གེས་མངོན་པར་བསྒྲུབས་པའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །ལེགས་པར་བྲིས་པས་མངོན་པར་བསྒྲུབས་པའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་
D48.039.0221b03.01ནི་ས་གསུམ་པར་བལྟའོ། །ཀླུས་ཡོངས་སུ་བཟུང་བའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །ལྷས་ཡོངས་སུ་བཟུང་བའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་དོན་དམ་པའི་གཟུངས་ཀྱི་སྒྲ་ཐོས་ན་
D48.039.0221b04.01བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ཏིང་ངེ་འཛིན་གྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟ་སྟེ། དེས་ནི་འཇིག་རྟེན་གསུམ་ལ་
D48.039.0221b05.01ལྷག་པར་ཆགས་པ་མེད་པར་བྱ་ཞིང་རྟག་ཏུ་དབེན་བ་ལ་མངོན་པར་དགའ་བར་ཡང་བྱའོ། །དེ་ལ་ནི་ལས་ཀྱི་སྒྲིབ་པ་ཆུང་ཞིང་དེ་ལ་བདུད་ཀྱི་ལས་ཀྱང་ཆུང་མོད་ཀྱི། འོན་ཀྱང་དེ་ལ་ཉོན་མོངས་པའི་སྒྲིབ་པ་ཤས་ཆེ་བས་དེས་ཆོས་སྣ་ཚོགས་དག་མཉན་པར་བྱ་ཞིང་སོ་སོར་བརྟག་
D48.039.0221b06.01པ་མང་དུ་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་རྟོག་པ་དང་བཅས། དཔྱོད་པ་དང་བཅས་པའི་ཏིང་ངེ་འཛིན་ནི་ས་དང་པོ་ལ་གནས་པའི་འོ། །རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་ནི་
D48.039.0221b07.01