完整藏文原文 · 德格版页 当前仅加载第 39 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་རྨི་ལམ་ན་དེ་བཞིན་གཤེགས་པའི་སྐུ་གདུང་དག་རྙེད་ན་དེ་ནི་ས་གསུམ་པར་བལྟ་སྟེ། ཚེ་རྗེས་ན་ཡང་སངས་རྒྱས་དང་ཕྲད་པར་འགྱུར་ཞིང་ལུང་བསྟན་པ་ཡང་ཐོབ་པར་འགྱུར། ཕ་རོལ་ཏུ་ཕྱིན་པ་དག་ཀྱང་ཡོངས་སུ་རྫོགས་པར་འགྱུར་རོ། །ས་གཞན་ལ་གནས་པ་ཞིག་གིས་རྨི་ལམ་ན་
D48.039.0209b01.01དེ་བཞིན་གཤེགས་པའི་སྐུ་གདུང་དག་རྙེད་ན་དེའི་མཚན་མ་ནི་འདི་དག་ཡིན་ཏེ། གང་གིས་དབུ་སྐྲ་དག་རྙེད་ན་དེ་ནི་ས་དང་པོ་པར་བལྟའོ། །སེན་མོས་ནི་ས་གཉིས་པར་རོ། །རིང་བསྲེལ་གྱིས་ནི་ས་གསུམ་པར་རོ། །ཚེམས་ཀྱིས་ནི་ས་བཞི་པར་རོ། །མཆེ་བས་ནི་ས་ལྔ་པར་རོ། །
D48.039.0209b02.01མཛོད་སྤུས་ནི་ས་དྲུག་པར་རོ། །ཕྱག་གིས་ནི་ས་བདུན་པར་རོ། །གཙུག་ཏོར་གྱིས་ནི་ས་བརྒྱད་པར་རོ། །སྐུ་སོ་སོར་ཕྱེ་བས་ནི་ས་དགུ་པར་རོ། །སྐུ་རིལ་པོས་ནི་ས་བཅུ་པར་རོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་
D48.039.0209b03.01དབུ་སྐྲ་འཐོར་བ་དག་རྙེད་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟ་སྟེ། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་བྱང་ཆུབ་ཏུ་ལུང་བསྟན་པ་ཡིན་ལ། དེའི་ལས་ཀྱི་སྒྲིབ་པ་ཐམས་ཅད་ཀྱང་ཚེ་རྗེས་པས་རྣམ་པར་དག་
D48.039.0209b04.01པར་འགྱུར་རོ། །གལ་ཏེ་ཁྱིམ་པའི་ཚུལ་དུ་གནས་པ་ཞིག་གིས་དབུ་སྐྲ་དག་རྙེད་ན་དེ་ནི་ས་དང་པོ་པར་བལྟའོ། །གལ་ཏེ་ཁྱིམ་ནས་ངེས་པར་བྱུང་བ་ཞིག་གིས་རྙེད་ན་ས་གཉིས་པར་བལྟའོ། །སྲང་དུ་སོང་བ་ཞིག་གིས་རྙེད་ན་ས་གསུམ་པར་བལྟའོ། །གལ་ཏེ་སུམ་མདོར་རྙེད་ན་ས་བཞི་པར་
D48.039.0209b05.01བལྟའོ། །གྲོང་ཁྱེར་གྱི་སྒོར་རྙེད་ན་ས་ལྔ་པར་བལྟའོ། །ཕྱིར་བྱུང་བས་རྙེད་ན་ས་དྲུག་པར་བལྟའོ། །སྐྱེད་མོས་ཚལ་ན་འདུག་པས་རྙེད་ནས་བདུན་པར་བལྟའོ། །སྐྱེ་བོའི་ནང་ན་འདུག་པས་རྙེད་ན་ས་བརྒྱད་པར་བལྟའོ། །ནམ་མཁའ་ལས་རྙེད་ན་ས་དགུ་པར་བལྟའོ། །སྙོམས་
D48.039.0209b06.01པར་ཞུགས་པས་རྙེད་ན་ས་བཅུ་པར་བལྟའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྔོན་མ་མཐོང་བའི་མཆོད་རྟེན་དག་མཐོང་ན་བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་ཞིང་དེ་ལ་བདུད་ཀྱི་ལས་ཀྱང་ཆུང་བར་རིག་པར་བྱ་སྟེ། གལ་ཏེ་དེ་དགེ་བའི་བཤེས་
D48.039.0209b07.01