完整藏文原文 · 德格版页 当前仅加载第 39 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གྲུ་འདྲེན་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དྲུག་པོ་དག་ཏུ་བལྟ་སྟེ། ཕ་རོལ་ཏུ་ཕྱིན་པ་དྲུག་པོ་ཐམས་ཅད་ལ་ཆ་མཉམ་པར་སྤྱོད་ཅིང་བར་ཆད་དང་བཅས་པ་ཡིན་པས་དེས་ནི་མི་གནས་པར་
D48.039.0233a01.01ཕ་རོལ་ཏུ་ཕྱིན་པ་དྲུག་པོ་ཐམས་ཅད་ལ་བསྟེན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གྲུའི་ཤིང་མ་སྦྱངས་པ་འདྲེན་པར་ཀུན་ཏུ་ཤེས་ན་ས་དང་པོར་རོ། །སྦྱངས་པས་ནི་ས་གཉིས་པར་རོ།། །།
D48.039.0233a02.01གཤིབས་པས་ནི་ས་གསུམ་པར་རོ། །མ་གཤིབས་པས་ནི་ས་བཞི་པར་རོ། །སྐྱེ་བོ་ཞུགས་པས་ནི་ས་ལྔ་པར་རོ། །སྒྲོལ་བས་ནི་ས་དྲུག་པར་རོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྤྲིན་ལས་འབྲུག་གྲག་པའམ། གློག་འབྱུང་བར་
D48.039.0233a03.01བདག་གིས་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ཏུ་བལྟ་སྟེ། །དེ་ལ་བདུད་ཀྱི་ལས་ནི་ཤས་ཆེ་ལ་ལས་ཀྱི་སྒྲིབ་པ་ནི་ཆུང་བས་དེས་ངེས་པར་བརྟག་པ་མང་དུ་བྱ་ཞིང་སྡུག་པའི་དངོས་པོ་ཡོངས་སུ་བཏང་སྟེ། གཟུངས་ཡང་དག་པར་བསྒྲུབ་པར་བྱའོ། །དེས་
D48.039.0233a04.01ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་སྤྲིན་ནམ་གློག་མཐོང་ནས་སྐྲག་ན་དེ་ནི་ས་དང་པོར་རོ། །གང་མི་སྐྲག་ན་དེ་ནི་ས་གཉིས་པར་རོ། །གང་ཆོས་ཡིད་ལ་བྱེད་ན་དེ་ནི་ས་གསུམ་པར་རོ། །གང་སངས་རྒྱས་
D48.039.0233a05.01ཡིད་ལ་བྱེད་ཅིང་རིའི་རྩེ་མོ་ན་འདུག་ན་དེ་ནི་ས་བཞི་པར་རོ། །གང་ནམ་མཁའ་ལ་ན་དེ་ནི་ས་ལྔ་པར་ཏེ། དེ་ལ་བདུད་ཀྱི་ལས་ནི་མ་གཏོགས་སོ། །ཀླུ་འོངས་ཤིང་བྱི་དོར་རམ་སྒོམ་པར་བྱེད་ནས་གོང་མ་དག་ཏུའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་
D48.039.0233a06.01རྨི་ལམ་ན་མཚོན་ཆའམ་གོ་ཆ་རྙེད་ན་བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ཏུ་བལྟ་སྟེ། དེ་ལ་བདུད་ཀྱི་ལས་དང་ལས་ཀྱི་སྒྲིབ་པ་ཆེ་བ་ཡིན་པས་དེས་ནི་བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཀུན་དུ་བསྟེན་པར་བྱའོ། །དེས་ན་དེའི་ལས་ཀྱི་
D48.039.0233a07.01