完整藏文原文 · 德格版页 当前仅加载第 39 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
པོར་སོང་སྟེ་རྔ་བོ་ཆེ་རྡུང་བར་བྱེད་ན་དེ་ནི་ས་དང་པོ་པར་རོ། །གང་ས་མཉམ་པར་སོང་སྟེ་རྡུང་ན་དེ་ནི་ས་གཉིས་པར་རོ། །གང་གྲོང་དུ་སོང་སྟེ་རྡུང་ན་དེ་ནི་ས་གསུམ་པར་རོ། །གང་གྲོང་ཁྱེར་ཆེན་པོར་ན་དེ་ནི་ས་བཞི་པར་རོ། །གང་སྐྱེ་བོ་ཕལ་པོ་ཆེའི་དབུས་སུ་ན་དེ་ནི་ས་ལྔ་པར་
D48.039.0230a01.01རོ། །གང་སྐྱབས་སུ་སོང་སྟེ་ན་དེ་ནི་ས་དྲུག་པར་རོ། །གང་རི་ལ་ན་དེ་ནི་ས་བདུན་པར་རོ། །གང་རི་བོའི་རྩེ་མོར་ན་དེ་ནི་ས་བརྒྱད་པར་རོ། །གང་ནམ་མཁའ་ལ་འདུག་སྟེ་ན་དེ་ནི་ས་དགུ་པར་རོ། །ཡེ་ཤེས་ལ་བརྩོན་པ་ལ་བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས་
D48.039.0230a02.01གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ཉི་མ་གཟས་ཟིན་པའམ་ཟླ་བ་གཟས་ཟིན་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟ་སྟེ། ཆོས་ཀྱིས་ཕོངས་པར་འགྱུར་བའི་ལས་དང་ལྡན་ཞིང་ཉོན་མོངས་པ་མང་བ་ཡིན་པས་དེས་ནི་དངོས་པོ་
D48.039.0230a03.01ཐམས་ཅད་ཡོངས་སུ་བཏང་བར་བྱ་ཞིང་། རྣམ་པར་སྨིན་པ་མི་འདོད་པ་ལ་ཡང་མངོན་པར་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །ཉི་མ་འམ་ཟླ་བ་འཆར་ཀར་གཟས་ཟིན་པར་ཀུན་
D48.039.0230a04.01ཏུ་ཤེས་ན་དེ་ནི་ས་དང་པོ་པར་བལྟའོ། །སྔ་དྲོའི་དུས་སུ་ན་ས་གཉིས་པར་རོ། །སྤྲིན་ཡང་འཁྲུགས་ན་ས་གསུམ་པར་རོ། །རླུང་ཡང་འཁྲུགས་ན་ས་བཞི་པར་རོ། །རྡུལ་གྱིས་ངེས་པར་བཅོམ་ན་ས་ལྔ་པར་རོ། །ཉི་མ་ཕྱེད་པའི་དུས་སུ་ན་ས་དྲུག་པར་ཏེ། ལས་ཀྱི་སྒྲིབ་པ་
D48.039.0230a05.01དང་། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་མི་གཙང་བས་བསྐུས་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ཏུ་བལྟ་སྟེ། སྔོན་འཕགས་པ་ལ་སྐུར་པ་བཏབ་པའི་
D48.039.0230a06.01བྱང་ཆུབ་སེམས་དཔའ་དམུ་རྒོད་ཡིན་པས་དེས་ལོ་གསུམ་དུ་ཕུང་པོ་གསུམ་པ་ལ་ཇི་ལྟར་ལུང་ཕོག་པ་བཞིན་དུ་གདོན་པར་བྱ་ཞིང་། གང་ལ་ཡང་མ་དད་པར་མི་བྱ་བར་མོས་པ་ཡང་མང་དུ་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་
D48.039.0230a07.01