完整藏文原文 · 德格版页 当前仅加载第 39 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པར་འགྱུར་ཞིང་། །བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གྲོང་ཁྱེར་དང་པོ་བརྩིགས་མ་ཐག་པ་མཐོང་ན་ས་དང་པོ་པར་བལྟའོ། །གྲོང་ཁྱེར་ཕྱིས་བྱི་དོར་བྱས་པ་མཐོང་ན་ས་གཉིས་པར་རོ། །ར་བ་ཕུན་སུམ་ཚོགས་པས་ནི་ས་གསུམ་པར་རོ། །སྐྱེད་མོས་ཚལ་ཕུན་སུམ་
D48.039.0227b01.01ཚོགས་པས་ནི་ས་བཞི་པར་རོ། །འབབ་ཆུ་ཕུན་སུམ་ཚོགས་པས་ནི་ས་ལྔ་པར་རོ། །རྫིང་བུ་ཕུན་སུམ་ཚོགས་པས་ནི་ས་དྲུག་པར་ཏེ། སྡིག་པའི་གྲོགས་པོའི་ལག་ཏུ་སོང་བ་དང་། དམིགས་པ་ཅན་དང་། མངོན་པར་མི་བརྩོན་པ་དང་། བདུད་ཀྱི་ལས་ནི་མ་གཏོགས་སོ། །ས་གོང་
D48.039.0227b02.01མ་དག་ལ་ནི་ཐམས་ཅད་ཕུན་སུམ་ཚོགས་པར་མཐོང་ངོ་། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་མཚོ་མ་དྲོས་པ་མཐོང་ན་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། དེ་ལ་ཉོན་མོངས་པ་ནི་ཆུང་ངོ་། །གལ་ཏེ་ལྷག་པའི་བསམ་པས་བརྩོན་པར་བྱེད་ཅིང་ལུས་དང་།
D48.039.0227b03.01སྲོག་དང་། ཡོ་བྱད་དག་ལ་ལྷག་པར་ཆགས་པར་མི་བྱེད་ན་དེ་ལ་མྱུར་དུ་སྣང་བ་སྐྱེ་བར་འགྱུར་རོ། །དེས་གཞན་གྱི་བསམ་པ་ཡོངས་སུ་རྫོགས་པར་བྱ་བ་ལ་མངོན་པར་བརྩོན་པར་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་
D48.039.0227b04.01འགྱུར་རོ། །གང་གིས་མཚོ་མ་དྲོས་པའི་འགྲམ་མཐོང་ན་དེ་ནི་ས་དང་པོ་པར་བལྟའོ། །གང་གིས་དབུས་མཐོང་ན་དེ་ནི་ས་གཉིས་པར་རོ། །གང་གིས་ཐམས་ཅད་མཐོང་ན་དེ་ནི་ས་གསུམ་པར་རོ། །གང་གིས་ལག་པས་རེག་ན་དེ་ནི་ས་བཞི་པར་རོ། །གང་གིས་ཁྲུས་བྱས་
D48.039.0227b05.01ན་དེ་ནི་ས་ལྔ་པར་རོ། །གང་འགྲམ་ན་འདུག་ན་དེ་ནི་ས་དྲུག་པར་རོ། །གང་གིས་མཚོ་མ་དྲོས་པའི་ཀླུ་མཐོང་ན་དེ་ནི་ས་བདུན་པར་རོ། །གང་གིས་གནས་དང་གཟི་བྱིན་སྦྱིན་པར་མཐོང་ན་དེ་ནི་ས་བརྒྱད་པར་རོ། །ས་དྲུག་པོ་དག་ལ་ནི་བདུད་ཀྱི་ལས་མ་གཏོགས་སོ། །རྡོ་རྗེས་རབ་འཇོམས་
D48.039.0227b06.01གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ལྷའི་བུ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ས་གང་ཡང་རུང་བར་བལྟའོ། །དེ་ལ་ལས་ཀྱི་སྒྲིབ་པ་དང་བདུད་ཀྱི་ལས་ནི་ཆུང་ལ་འདོད་པ་ཙམ་ནི་ཡོད་དེ། དེས་ཟླ་བ་གསུམ་དུ་བརྩོན་པར་བྱས་ན་ལས་ཀྱི་
D48.039.0227b07.01