完整藏文原文 · 德格版页 当前仅加载第 99 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་སེམས་དཔའ་རྣལ་འབྱོར་མཆོག །ཀུན་ཀྱང་སེམས་དཔའ་རྣལ་འབྱོར་མཆོག །ཆོས་ཀུན་མིང་ཙམ་རྣལ་འབྱོར་ཡིན། །མིང་ཙམ་རྣལ་འབྱོར་མ་ཡིན་པར། །སེམས་དཔའ་རྣལ་འབྱོར་འགའ་ཡང་མེད། །དེ་ཉིད་དུས་གསུམ་རང་བཞིན་ཏེ། །དེ་ཉིད་
D836.099.0034a01.01ཀུན་དུ་བཟང་མོ་མཆོག །སྒྱུ་འཕྲུལ་དྲ་བའི་རྒྱུད་དག་ལས། །སེམས་མ་རྡོ་རྗེ་དེ་དག་ལས། །གསང་བའི་ངེས་དོན་གང་ཡང་མེད། །ཅེས་ཆོས་ཐམས་ཅད་འདུས་པ་ཆེན་མོར་མཁྱེན་ཏོ། །དེ་བཞིན་གཤེགས་པ་ཐམས་ཅད་ཀྱི་ཧེ་རུ་ཀ་འདུས་པ་ཆེན་མོའི་དཀྱིལ་འཁོར་ཏེ་
D836.099.0034a02.01ལེའུ་བཅུ་གཉིས་པའོ།། །།ཨ་ཧོཿརྒྱུ་ཉིད་སྟོང་པས་འབྲས་བུ་མངོན་སུམ་པ། །བྱིན་གྱིས་བརླབ་ཏུ་མེད་པས་བྱིན་གྱིས་བརླབ་པས་འགྲུབ། །སངས་རྒྱས་མཛད་པ་ཉིད་ཀྱང་སེམས་ཅན་ཡིན་ཞེས་རྒྱལ་བས་གསུངས། །དེ་ཉིད་མི་མཛད་མེད་པར་ཤེས་པ་ཀུན་གྱི་
D836.099.0034a03.01ནང་ན་རབ་ཏུ་བསྔགས། །ཆགས་པ་མི་གཏོང་ཆགས་པ་མངོན་སུམ་དགོངས་པ་ཡིན་པས་དཀྱིལ་འཁོར་གོང་མ་ཀུན་གྱི་དང་། །སྒྲུབ་ལ་དགའ་བས་བསྒྲུབ་ཏུ་མེད་ཕྱིར་བསྒྲུབས་པས་འགྲུབ་ཅེས་རྒྱལ་བས་རབ་ཏུ་གསུངས། །ཕོ་མོ་མེད་ཕྱིར་ཕོ་མོ་སྣང་ལ་དགའ་བ་སྤྱོད་
D836.099.0034a04.01བརྩོན་རྒྱལ་བས་འགྲུབ་ཅེས་བསྒྲུབ་པ་ཀུན་གྱིས་གསུངས། །སྟོང་པར་རྟོགས་ལ་སྤྱོད་ལ་གཡེལ་བ་རྣལ་འབྱོར་མིན་ཞེས་རྒྱལ་བས་གསུངས། །མེད་ལ་གཏོད་ཅིང་དགེ་སྡིག་འཆོལ་བ་སྡིག་ཅན་ཡིན་པར་རབ་ཏུ་གསལ། །དགེ་སྡིག་ཡོད་ཕྱིར་བརྩོན་པས་འགྲུབ་ཅེས་ཐེག་
D836.099.0034a05.01པ་ཀུན་ལས་འབྱུང་། །བག་དང་མི་ལྡན་རང་བཞིན་མེད་པར་གནས་པ་ལ། །གཙོ་མཆོག་མི་བཀུར་ཁུངས་ཕྱིན་ཆོས་ལ་མི་བརྩོན་སེམས་ཅན་ཡིན་པར་མངོན་སུམ་གསལ་བར་སྣང་། །དེ་བས་སྒྱུ་འཕྲུལ་གསང་བ་མཆོག་འདི་བུ་རྣམས་གང་ཞིག་ཉན་བརྩོན་པས། །
D836.099.0034a06.01འགྲུས་པ་བསླབས་པ་བག་དང་ལྡན་པ་ལོབས་པ་དང་པོར་ངོ་ཤེས་བྱ། །སྐད་ཅིག་གཟུགས་ལ་འཕངས་པ་མེད་པར་གུས་ལྡན་གསང་བའི་སྡུད་པ་ཡིན། །རྡོ་རྗེ་སློབ་དཔོན་མཆོག་ལ་དད་པས་སངས་རྒྱས་མ་ལུས་ཀུན་ལ་མཆོད་པ་ཆེན་པོ་ཡིན། །ལམ་ལ་
D836.099.0034a07.01