完整藏文原文 · 德格版页 当前仅加载第 99 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེ། །མདངས་བཀྲག་བརྟགས་ན་ཕྱི་ཕྱིར་ཆེ། །སྦྱིན་ལ་དགའ་ཞིང་ཆོས་ལ་དད། །རིན་ཆེན་རིགས་ཀྱི་ཏིང་འཛིན་གྱིས། །བག་ཆགས་ཡི་གེས་རྩད་གཅོད་ཅིང་། །ཏིང་འཛིན་བློ་ལ་གསལ་བ་ན། །བསྒྲུབ་པ་དུས་ལ་བབ་པ་སྟེ། །དེ་ཚེ་རབ་ཏུ་བརྩོན་པ་ཡིས། །
D836.099.0009b01.01ཡུམ་གྱི་པདྨ་ཁ་ཕྱེ་སྟེ། །བདེ་བ་ཐུགས་ཀྱི་འདུ་འཕྲོ་ཡིས། །ཕན་ཚུན་དུ་ནི་དགའ་སྤྱད་ན། །རིགས་ཀྱི་རིན་ཆེན་འགྲུབ་པ་ནི། །ཚེ་འདི་ཉིད་ལ་ཐོབ་པར་འགྱུར། །ཐུགས་རྗེ་མཛད་སྤྱོད་བྱེ་བྲག་གིས། །འཇིག་རྟེན་དག་ན་དམན་པའི་རིགས། །རབ་ཏུ་བཀུག་སྟེ་དགའ་སྤྱོད་ན། །
D836.099.0009b02.01སྙིང་རྗེ་མཆོག་དང་ཐབས་ལྡན་པ། །རྣལ་འབྱོར་སྤྱོད་པ་ཆེན་པོར་གསུངས། །ཤན་པ་རིགས་ངན་སྨད་འཚོང་བ། །ངན་པའི་རིགས་དང་ལོངས་སྤྱོད་རྣམས། །འཇོམས་པ་པོ་ཡིས་ཏིང་འཛིན་གྱིས། །མྱུར་དུ་སྤྱད་ན་འགྲུབ་པར་གསུངས། །{ཡི་དགས་,ཡི་དྭགས་}གནོད་སྦྱིན་བྱོལ་སོང་
D836.099.0009b03.01དང་། །ཁྱི་དང་རུས་སྦལ་སྤྲེའུ་ལ་སོགས། །མི་དང་ལྷ་ཡི་གནས་མཆོག་ཀུན། །སོ་སོར་འཚམ་པར་དགའ་སྤྱད་ན། །དྲེགས་པ་ཅན་ལ་ཞི་བ་ཆེ། །བརྩོན་ལ་དགའ་བ་བརྩོན་པར་མཛད། །ཐབས་ཀྱི་མཛད་སྤྱོད་ཀུན་གྱི་མཆོག །སེམས་ཅན་འདི་དག་དོན་གྱི་ཕྱིར། །ཕྱིན་
D836.099.0009b04.01ཅི་ལོག་ཏུ་གང་སྤྱོད་རྣམས། །འདུལ་བའི་མཛད་པ་སྣ་ཚོགས་ཀྱིས། །མི་མཛད་པ་ནི་ཅི་ཡང་མེད། །ཤིན་ཏུ་གཏུམ་པའི་ཆ་ལུགས་ཀྱིས། །གཏུམ་པོ་ཐམས་ཅད་དབང་དུ་མཛད། །ཤིན་ཏུ་ཞི་བའི་ཆ་ལུགས་ཀྱིས། །དྲེགས་པ་ཅན་རྣམས་དབང་དུ་མཛད། །ཤིན་ཏུ་མདངས་
D836.099.0009b05.01ལྡན་ཆ་ལུགས་ཀྱིས། །ཆགས་པའི་ཡིད་རྣམས་དབང་དུ་མཛད། །ཨེ་མ་ཤིན་ཏུ་ངོ་མཚར་ཆེ། །ཅི་ཡང་ཡིན་པས་ཅིར་མི་དགོངས། །ཞེས་གསུངས་པས་ཐམས་ཅད་རབ་ཏུ་བརྩོན་པ་ཆེན་པོ་དང་ལྡན་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པ་བསམ་གྱིས་
D836.099.0009b06.01མི་ཁྱབ་པ་ནམ་མཁའ་དང་མཉམ་པ་རྡུལ་ཕྲ་མོའི་རྡུལ་སྙེད་རབ་ཏུ་འདུན་པའི་ཐུགས་ཀྱིས་མཉན་པ་བརྩོན་པར་མཛད་དོ། །རྡོ་རྗེ་ཆོས་ཀྱི་མཆོག་ལ་སོགས་པ་རིགས་བསམ་གྱིས་མི་ཁྱབ་པ་རབ་ཏུ་མཉན་པ་དང་གུས་པ་མཆོག་དང་ལྡན་པས་ཡོངས་སུ་གཟུང་བའི་ལེའུ་མཛད།
D836.099.0009b07.01