完整藏文原文 · 德格版页 当前仅加载第 99 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
ཀཱ་རུ་ཎཱི་ཀ །མ་ཧ་སུ་ཁེ་ན། བ་ཐ་ར་སུ་ཁེ་ནས་མ་ཡ་ཡོ་ག་ཛཱ་ལ་ཨ་སུ་ཨཱ། །བོ་ག་ཡོ་གི་སིདྡྷི། ཨ་ལ་ལ་ཧོཿ། མུ་ཁཱ་གསོད་བྱེད་སེང་གེའི་མགོ། །སེར་ནག་གྱད་ཀྱི་འགྱིང་སྟབས་ཀྱིས། །ཕྱག་གི་ཐལ་མོ་བསྣོལ་ནས་ནི། །ཁྲག་འཐུང་ཆེན་པོའི་ཞལ་དུ་
D836.099.0024b01.01སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ཞེ་སྡང་འཇོམས་མའི་ཟ་བྱེད་མ། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །མཐིང་ནག་
D836.099.0024b02.01སེང་གེའི་རལ་པ་ཕྱར། །ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ན། །མི་འཇིགས་སྦྱོར་བའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་ནས། །ཚམ་ངམ་
D836.099.0024b03.01བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བྷན་དྷ་རཀྟས་ཞལ་དུ་སྟོབས། །རྡོ་རྗེ་ཀླད་
D836.099.0024b04.01འགེམས་རྔེའུ་ཆུང་རྡུང་། །ཞིང་ཆེན་ཟ་བའི་མུ་ཁཱ་སྟེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །
D836.099.0024b05.01ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་
D836.099.0024b06.01བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་སྟག་གི་མགོ། །དམར་ནག་གྱད་ཀྱི་འགྱིང་སྟབས་ཅན། །ཕྱག་གཉིས་བདུད་རྩི་ཐལ་སྦྱར་ཞིང་། །ཤིན་ཏུ་དགའ་བའི་མདངས་ཀྱིས་འཁྲིལ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་
D836.099.0024b07.01