完整藏文原文 · 德格版页 当前仅加载第 99 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་འཛིན་པ་དང་བཅས་པ་ནི་ཅིར་ཡང་སྟོན་པའི་གཟུགས་ཀྱིས་ཁ་དོག་བཞི་དང་ལྡན་ཏེ་འདུག་པའི་ཆ་ལུགས་ཀྱིས་ཅོད་པན་ལྔ་དང་ལྡན་ཏེ། མ་བསྒྲིབས་མི་སྒྲིབ་བསྒྲིབ་པ་མི་འགོག་སྒྲིབ་ཏུ་མེད་པའི་དབྱིངས་ནས་ཡང་དག་པའི་
D836.099.0002a01.01གཞལ་ཡས་ཆེན་པོ་ན་མཉམ་པ་ཆེན་པོའི་ཚུལ་རྡོ་རྗེས་སྐུ་མ་བཀག་པས་མཛད་པ་བསམ་གྱིས་མི་ཁྱབ་པས་བཞུགས་སོ། །དེ་ཡང་འདི་ལྟར་སོ་སོར་གསལ་བར་མཉམ་པ་ཆེན་པོ་དང་འཁོར་དང་བཅས་པ་མཉམ་པ་ཆེན་པོས་ཡོ་བྱད་ཆེན་པོ་ནི་ཀུན་གྱི་གདུང་འཛིན་
D836.099.0002a02.01པའི་རང་བཞིན་དུ་གནས་པ་ནི་བརྟེན་པས་ཕྱིན་ཅི་མ་ལོག་པ་དང་གཉིས་སུ་དུ་མ་མེད་པ་ནི་གཟུངས་རྣལ་འབྱོར་མ་ཆེན་མོ་སྟེ། བྱང་ཆུབ་ཆེན་མོ་ནམ་མཁའ་ཞེས་བྱ་བ་དང་། བྱང་ཆུབ་ཆེན་མོ་ནམ་མཁའ་འཛིན་མ་ཞེས་བྱ་བ་དང་། བྱང་ཆུབ་ཆེན་མོ་ས་སྲུང་མ་
D836.099.0002a03.01ཞེས་བྱ་བ་དང་། བྱང་ཆུབ་ཆེན་མོ་རླན་པར་བྱེད་པ་ཆེན་མོ་དང་། བྱང་ཆུབ་ཆེན་མོ་རྣམ་པར་ཁེངས་པ་སྤང་བ་ཞེས་བྱ་བ་དང་། བྱང་ཆུབ་ཆེན་མོ་ལས་གྲུབ་པར་མཛད་མ་ཞེས་བྱ་བ་དང་། བྱང་ཆུབ་ཆེན་མོ་རྡོ་རྗེ་རབ་ཏུ་ཆགས་པ་ཆེན་པོ་འཛིན་ཞེས་བྱ་བ་དང་།
D836.099.0002a04.01རབ་ཏུ་མ་ཆགས་པ་གསོད་ཅེས་བྱ་བ་དང་། བྱང་ཆུབ་ཆེན་མོ་རབ་ཏུ་རྨོངས་སེལ་ཞེས་བྱ་བ་དང་། བྱང་ཆུབ་ཆེན་མོ་གསུང་གི་འཁོར་ལོ་མ་ཞེས་བྱ་བ་སྟེ། དེ་དག་ཀྱང་འདི་ལྟ་སྟེ། ཤིན་ཏུ་ཨུཏྤ་ལ་ལྟ་བུའི་མདོག་དང་། ཤག་ཀྲ་དང་། བཻཌཱུརྱ་དང་།
D836.099.0002a05.01པདྨ་རཱ་ག་དང་། ཨསྨ་གར་བ་ལ་སོགས་པ་རྫས་ཀྱི་བསྔགས་པས་འཕགས་པར་འཚེར་བ་མ་སྨིན་པ་མེད་པར་བཞུགས་པ་ནི་རྣལ་འབྱོར་མ་ཀུན་དུ་བཟང་པོ་འཁོར་དང་བཅས་པའོ། །དེ་ཡང་གུས་པ་ཆེན་པོ་གསང་བ་དང་། གུས་པ་ཆེན་པོ་སྣ་ཚོགས་པའི་
D836.099.0002a06.01