lha mo sgyu 'phrul dra ba chen mo zhes bya ba'i rgyud/
当前为德格木刻版 6b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 6b
- 可引用原文
- 7 行
- 全文规模
- 全经 462 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 99 函 · 德格 6b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཨཱཿཧཱུྃ། བྱང་ཆུབ་སེམས་ཀྱི་ཆར་ཆེན་ནི། །ཡི་གེ་གཉིས་པ་རྩ་དམར་སྐུ། །གཉིས་སུ་མེད་པར་ལྡན་པ་ན། །བདུད་ཀུན་རྣམ་པར་བཏུལ་བ་དང་། །དབྱིངས་ཀྱི་བདེ་ལ་གསལ་བ་ནི། །སྒོ་དབྱེ་བ་ཡི་ཚུལ་གྱིས་ནི། །པདྨ་དབྱེ་བ་སྣ་ཚོགས་བྱ། །སྤྲོ་བ་དང་ནི་བསྡུ་བ་ཡིས། །བྱ་བ་ནན་ཏན་ཡེ་ཤེས་བསྐྱེད། །འདི་ལྟར་རྒྱལ་བ་ཀུན་མཛད་པ། །སྤྲུལ་པ་བསམ་གྱིས་མི་ཁྱབ་ལས། །མཆོད་པ་མང་པོ་ལྷ་མོར་ལྡན། །ཨོྃ་སུ་ར་ཏྭ་སུ་ཁེ་ན་དུཥྚ་ཛྙཱ་ན་བཛྲ་སྭ་བྷཱ་བ་ཨོྃ་ཨཱཿཧཱུྃ། རྣལ་འབྱོར་སྐལ་ལྡན་ཆེན་པོ་ནི། །སྐལ་ངན་ཀུན་གྱི་
གསོས་སུ་གསུངས། །གཉིས་སུ་མེད་པའི་བྱང་ཆུབ་སེམས། །མཾ་ས་བཤང་གཅི་རྫས་རྣམས་ནི། །དོགས་པ་མེད་པའི་དངོས་གྲུབ་སྟེ། །རྒྱལ་བ་ཉིད་ལ་རྒྱལ་བས་མཆོད། །དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ལས་བག་ཆགས་གཏན་ལ་འབེབས་པ་གཉིས་སུ་མེད་པར་གླེང་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་གསང་བའི་སྙིང་པོ་རྡོ་རྗེ་རྣལ་འབྱོར་མ་དང་གཉིས་སུ་མེད་པའི་ཕྱག་རྒྱའི་མཆོག་ནི་འདི་ལྟ་སྟེ། སྒྱུ་འཕྲུལ་དྲ་བའི་ཕྱག་རྒྱ་ལས། །མཛེས་པར་
གསལ་བ་ཡབ་ཡུམ་བཅུ། །སོར་མོ་ཕན་ཚུན་སྤེལ་ལེགས་པ། །རྡོ་རྗེ་ཐལ་མོ་བྱང་ཆུབ་རྒྱ། །གསང་བ་རྣལ་འབྱོར་ཐུགས་ཀྱི་མཆོག །དམ་ཚིག་སྡོམ་པ་འདའ་བར་དཀའ། །རྣལ་འབྱོར་པ་ལ་ཨ་ལཱི་གསལ། །ཀུན་དུ་བཟང་ལ་ཀ་ར་བྱེད། །ལྔ་ཆར་ཟུར་དུ་ལྡན་པ་ནི། །གཅིག་ཏུ་གྱུར་པས་གར་གྱི་གཞི། །ཨོྃ་ཧཱུྃ་ཏྲྃ་ཨཱཿཧཱུྃ། མཱ་ཨཱ་ཀཱ་ཧཱུྃ་རཱ། ཐལ་མོ་བཏང་སྙོམས་ཚུལ་གྱིས་ནི། །མཛེས་པའི་མཐའ་ན་གར་གྱིས་བྱ། །སྙིང་གར་བཅིངས་པས་རྣལ་འབྱོར་དོན། །གར་གྱི་ཕྱག་རྒྱ་དང་ཉིད་པས། །གར་དུ་བྱས་
པས་ཐལ་མོ་བསྣོལ། །མཇུག་ཏུ་དབུལ་བའི་ཚུལ་གྱིས་བསྟོད། །རྡོ་རྗེ་གར་གྱི་ཕྱག་རྒྱ་ལས། །གཡོན་པ་རྩེ་གསུམ་གཡས་པས་གཟུང་། །དེ་ཉིད་གཞན་དུ་འབིགས་པར་བྱ། །རྡོ་རྗེ་གར་གྱི་ཕྱག་རྒྱ་ལས། །དགའ་བའི་མདངས་དང་ལྡན་པ་ཡིས། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D836
- 德格版页
- 6b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0830 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。