完整藏文原文 · 德格版页 当前仅加载第 99 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ང་རྒྱལ་འཇོམས་པའི་ཟ་བྱེད་མ། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་
D836.099.0025a01.01སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སེ་རལ་ཁ་ཡི་ཚུལ་དག་ཏུ། །ཐོད་རློན་ཕྲེང་བས་ལུས་བརྒྱན་ཅིང་། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །
D836.099.0025a02.01བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བྷན་དྷ་རཀྟ་ཞལ་དུ་སྟོབས། །དགྲ་སྟས་ཀླད་འགེམས་ལྕགས་ཀྱུས་འདྲེན། །རྔེའུ་ཆུང་རྡུང་ཞིང་སྟིར་ཆེན་ཟ། །འཇིགས་སུ་རུང་བའི་
D836.099.0025a03.01རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །རབ་ཏུ་
D836.099.0025a04.01གཅོད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟབས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་དུར་རྐུན་མགོ །སྔོ་གནག་གྱད་ཀྱི་འགྱིང་སྟབས་ཀྱིས། །སྟིར་ཆུང་ཟ་
D836.099.0025a05.01ཞིང་གཙོ་ལ་སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོ་འཁོར་དུ་བྱས། །འདོད་ཆགས་འཇོམས་མའི་ཟ་བྱེད་མ། །ཐལ་ཆེན་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་
D836.099.0025a06.01བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སེ་རལ་ཁ་ཡི་ཚུལ་དག་ཏུ། །ཐོད་རློན་མང་པོའི་ཕྲེང་བས་བརྒྱན། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་
D836.099.0025a07.01