完整藏文原文 · 德格版页 当前仅加载第 99 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་ནི་ཀུན་དུ་ལྷན་ནེ་བ། །སྐུ་ནི་ཀུན་ལ་ཁྱབ་པར་གསལ། །ཨེ་མ་མི་སྐྱེ་མི་འགག་མཆོག །ཨེ་མ་མི་སེལ་མི་ལེན་མཆོག །ཨེ་མ་ཚམ་ངམ་དྲག་ཤུལ་སྤྱོད། །ཨེ་མ་གཤེགས་པའི་སྟབས་དང་བཅས། །ཨེ་མ་མཚན་མ་སེལ་བར་སྟོན། །ཨེ་མ་
D836.099.0005b01.01གསུང་རབ་རྒྱ་མཚོ་སྒྲོགས། །ཨེ་མ་བྱོལ་སོང་སྤྲོ་བ་བསྐྱེད། །ཨེ་མ་སྤྲུལ་པ་བསམ་ཡས་མཆོག །ཨེ་མ་མྱ་ངན་འདས་པར་མཛད། །ཨེ་མ་གསང་བ་ངེས་དོན་མཛད། །ཨེ་མ་གཟུངས་དང་མཉམ་པར་སྦྱོར། །ཨེ་མ་ཅི་ཡང་མི་མཛད་མཆོག །ངོ་
D836.099.0005b02.01མཚར་སྤྲིན་ལས་འདི་དག་གིས། །ས་ཡི་རིམ་པ་འབྱོངས་པར་འགྱུར། །ཞེས་སངས་རྒྱས་པ་ཉིད་མངོན་པར་སངས་རྒྱས་པ་ལ་གླེང་སྟེ་མཉེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྣལ་འབྱོར་བ་དེ་བ་ཆོས་ཀྱི་འཁོར་
D836.099.0005b03.01ལོ་ཞེས་བྱ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་བདེ་བ་ཆེན་པོ་ཀུན་དུ་བཟང་མོ་རྣལ་འབྱོར་མ་ལ་འཇུག་པར་དགྱེས་ཏེ་རབ་ཏུ་འདྲིས་པ་ཆེན་པོ་དགོངས་པ་དང་། ཀུན་དུ་བཟང་མོ་རྣལ་འབྱོར་མས། ཞལ་འཛུམ་པ་དང་བཅས་པ། ཨེ་
D836.099.0005b04.01མ་སེམས་དཔའ་ཐིག་ལེ་ཆེ། །བག་ཆགས་ཀུན་གྱི་གཉེན་པོར་གསུངས། །འདི་ལས་འཇུག་པའི་ཆོས་འགའ་མེད། །ཞེས་བརྗོད་དོ། །དེ་ནས་གསང་བ་ཆེན་མོ་དང་གཉིས་སུ་མེད་པར་འཁྲིལ་བར་གྱུར་ཏེ། གཡོན་པ་བསྐྱེད་པ་རྣམ་པ་མང་པོས་མཉེས་
D836.099.0005b05.01པ་དང་པདྨ་སྦས་པ་ལ་སོགས་པ་འབྱུང་བ་སྤེལ་བར་མཛད་ནས་རབ་ཏུ་དགྱེས་ཏེ་གླུ་འདི་བླངས་སོ། །ཨེ་མ་བདེ་བ་མཆོག་ལས་སྐྱེས་པ་ཕྱག་ན་རྡོ་རྗེ་ཅན། །ཆོས་ཀུན་དངོས་པོ་མེད་པར་གསལ་བ་ལ། །འབྱུང་གནས་ཆེན་པོས་ཡ་མཚན་འབྱུང་བར་མཁྱེན་པ་ཨེ་མ་
D836.099.0005b06.01ངོ་མཚར་ཆེ། །རྒྱུ་ཉིད་སྟོང་པས་འབྲས་བུ་བཙལ་མེད་པའི། །རྒྱུ་དང་འབྲས་བུ་ཉིད་ཀྱང་རྒྱལ་བས་ཡོང་མི་རྙེད། །སྟོང་པ་ཉིད་ལ་དགའ་བའི་ཆགས་པའི་ཆོ་འཕྲུལ་བ། །དེ་ཕྱིར་སྐྱེ་འགག་མེད་ཅེས་རྒྱལ་བ་རྣམས་ཀྱིས་འདི་ལ་བརྗོད། །ཆོས་ཀུན་དབྱེར་
D836.099.0005b07.01