完整藏文原文 · 德格版页 当前仅加载第 99 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
ན་བསྣམས་ཏེ་ཤ་ཁྲག་གསོལ། །གཟུགས་ཁམས་ལྷ་ཚོགས་མང་པོ་དག །དགྲ་བཅོམ་བྱང་ཆུབ་སེམས་དཔའ་ཡིས། །མགོ་ཡི་ཕྲེང་བས་རྒྱན་དུ་བྱས། །དགོངས་ངེས་བཙན་ཐབས་ཆེན་པོས་མྱོས། །འདོད་ཆགས་བསྙེངས་པའི་དགོངས་པ་ཡིས། །གཟུགས་
D836.099.0015b01.01ཅན་བུད་མེད་ལུས་ཀུན་སྡུད། །ང་རྒྱལ་བསྙེངས་པའི་མཐུ་ཡིས་ནི། །བསོད་ནམས་ཅན་རྣམས་ཐམས་ཅད་གནོན། །ཕྲག་དོག་བསྙེངས་པའི་དགོངས་པ་ཡིས། །གཟུགས་ཀུན་ཀུན་བསྡུས་འཕྲོག་ཅིང་སྦྱོར། །གཏི་མུག་བསྙེངས་པའི་དགོངས་པ་ཡིས། །དབྱེ་
D836.099.0015b02.01བསལ་མི་མཛད་ངེས་པའི་ཐུགས། །མཆོད་དོ་མཆོད་དོ་སྟོབས་ཆེན་པོ། །བདག་ལ་བདག་མཆོད་མཉེས་པ་ཆེ། །ཁྲོ་མོ་པདྨའི་དཀྱིལ་འཁོར་དུ། །འཇིགས་པའི་སྟབས་དང་གར་མཛད་པས། །མི་བཟད་མཁའ་འགྲོའི་ཀློང་ཆེན་འབྱུང་། །སྟབས་གླུ་ཕྱག་
D836.099.0015b03.01རྒྱ་སྔགས་ཚིག་གིས། །ཞིང་བཅུ་གསོད་ཅིང་ཚུལ་བཞིན་དུ། །དངོས་ལ་ལོངས་སྤྱོད་ཆེན་པོར་མཛད། །ཧ་ཧ་ཧ་ས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །ཞབས་བཞི་
D836.099.0015b04.01བདུད་བཞི་སྒྲོལ་ཞིང་གནོན། །གཞལ་ཡས་དམར་ནག་ཆེན་པོར་ནི། །འཇིག་རྟེན་ཁམས་གསུམ་གྱུར་བ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་པགས་ཆེན་ཡང་། །ཚམ་ངམ་ཆེན་པོའི་ན་བཟར་
D836.099.0015b05.01གསོལ། །ཅིར་ཡང་སྦྱར་བའི་གཟུགས་ཆེན་ཏེ། །འཇིགས་བྱེད་སྐུ་སྟེ་ཆོ་འཕྲུལ་པ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་མཆོད་པ་ལ། །ཤིན་
D836.099.0015b06.01ཏུ་དགྱེས་པ་ཆེན་པོར་སྟོན། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧེ་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀ་ར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། དྲག་པོའི་དངོས་གྲུབ་སྦྱིན་མཛད་པ། །དཀྱིལ་འཁོར་འབར་བའི་ཕྱོགས་དག་ཏུ། །
D836.099.0015b07.01