完整藏文原文 · 德格版页 当前仅加载第 68 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
འོད་གསལ་བའི་ལས་གང་གིས་བྱང་ཆུབ་སེམས་དཔའ་དེ་དག་གིས་སངས་རྒྱས་ཀྱི་ཡེ་ཤེས་ཐོབ་པ་དང་། འཐོབ་པ་དང་། འཐོབ་པར་འགྱུར་བ་དེ་དག་ཐམས་ཅད་ལ་བདག་རྗེས་སུ་ཡི་རང་ངོ་། །འདས་པ་དང་། མ་བྱོན་པ་དང་། ད་ལྟར་བྱུང་
D284.068.0074a01.01བའི་སངས་རྒྱས་བཅོམ་ལྡན་འདས་བྱང་ཆུབ་བརྙེས་པ་དེ་དག་གི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་ཟག་པ་མ་མཆིས་པ་དང་། སྟོབས་མི་ཐུལ་བ་རྣམས་དང་། མི་འཇིགས་པ་
D284.068.0074a02.01ཕྱིར་མི་ལྡོག་པ་རྣམས་དང་། སངས་རྒྱས་ཀྱི་ཆོས་ཆགས་པ་མ་མཆིས་པ་རྣམས་དང་། ཀུན་དུ་མི་འབྱུང་བའི་བྱམས་པ་ཆེན་པོ་དང་། སྙིང་རྗེ་ཆེན་པོ་གཞན་གྱི་དྲིང་ལ་མི་འཇོག་པ་དང་། སྤྱི་གཙུག་བལྟར་མི་མཐོང་བ་ནམ་མཁའ་དང་མཚུངས་པ་གང་ལགས་པ་དང་།
D284.068.0074a03.01གཉིས་སུ་མ་མཆིས་པའི་བསོད་ནམས་རྣམ་པར་སྨིན་པའི་མཚན་ཉིད་དང་། ལུས་དང་། ངག་དང་། སེམས་ཀྱི་རྒྱུད་བཅོས་མ་མ་ལགས་པ་ནམ་མཁའ་ལྟར་ཡོངས་སུ་དག་པ་དང་། བརྒྱ་བྱིན་དང་། ཚངས་པ་ཐམས་ཅད་ཀྱིས་བསྐུལ་བའི་ཆོས་ཀྱི་འཁོར་ལོ་དང་།
D284.068.0074a04.01བརྗོད་པ་མ་མཆིས་པ་དང་ལྡན་པའི་ཆོས་བསྟན་པ་དང་། སེམས་ཅན་ཐམས་ཅད་ལ་ཤེས་པ་སྣང་བ་རྣམ་པར་ཤེས་པ་ལས་གཞན་མ་ལགས་པ་དེ་དག་ཐམས་ཅད་ལ་རྗེས་སུ་ཡི་རང་ངོ་། །སེམས་ཅན་ཐམས་ཅད་ལ་ཕན་གདགས་པའི་སླད་དུ། ཐབས་མཁས་པའི་གནས་
D284.068.0074a05.01ལ་གནས་པ་དག་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་བཞུགས་པའམ། ཡོངས་སུ་མྱ་ངན་ལས་འདས་པ་ཡང་རུང་སྟེ། དམ་པའི་ཆོས་ནུབ་ཀྱི་བར་དུ་དེ་དག་ལ་མཆོད་པ་བགྱིས་པ་དང་། བགྱིད་པ་དང་། བགྱིད་
D284.068.0074a06.01པར་འགྱུར་བ་གང་ལགས་པ་དེ་དག་ཐམས་ཅད་ལ་རྗེས་སུ་ཡི་རང་ངོ་། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་པ་དེ་དག་གི་ཉན་ཐོས་འདུས་པ་སེམས་ཅན་ཐམས་ཅད་ལས་ཡང་དག་པར་འདས་པ་རྣམས་དང་། དད་པས་རྗེས་སུ་འབྲང་བ་རྣམས་དང་།
D284.068.0074a07.01