完整藏文原文 · 德格版页 当前仅加载第 68 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱརྱ་ཏྲི་སྐནདྷ་ཀ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཕུང་པོ་གསུམ་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་
D284.068.0057a03.01དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཆོས་ཀྱི་དབྱེ་དགོན་པ་ན་བཞུགས་ཏེ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཡེ་ཤེས་ཆེན་པོས་
D284.068.0057a04.01ལེགས་པར་ཐུགས་སུ་ཆུད་པའི་བློ་མངའ་བ། སངས་རྒྱས་ཐམས་ཅད་དང་མཉམ་པ་ཉིད་བརྙེས་པ། ཆོས་ཀྱི་སྐུ་གཉིས་སུ་མེད་པ་ལ་རྟེན་ཅིང་གནས་པ། ནམ་མཁའི་དཀྱིལ་ཡུལ་དུ་གྱུར་ཅིང་ཐུག་པ་མེད་པའི་ཡེ་ཤེས་མངའ་བ། ཆོས་ཀྱི་དབྱིངས་ཐམས་ཅད་དུ་རབ་ཏུ་ཞུགས་པའི་སྐུ་
D284.068.0057a05.01དང་ལྡན་པ་ཆོས་ཀྱི་ཅོད་པན་ཆགས་པ་མེད་པ་མཆོག་དམ་པ་དྲི་མ་མེད་པས་བཅིངས་པ། སོ་སོ་ཡང་དག་པར་རིག་པ་ཆེན་པོ་རྗེས་སུ་བསྒྲགས་པས་ཤིན་ཏུ་རྣམ་པར་དབྱེ་བའི་དབྱངས་ཅན། བསོད་ནམས་མི་ཟད་པའི་མཛོད་ཀྱིས་ཡེ་ཤེས་ཀྱི་དཀྱིལ་འཁོར་ཡངས་ཤིང་འོད་གསལ་བ།
D284.068.0057a06.01ཉོན་མོངས་པ་མེད་པའི་ཆོས་ཐུགས་སུ་ཆུད་པས་མི་རྟེན་པར་གནས་པ། ཆོས་ཀྱི་དབྱིངས་ཐམས་ཅད་དུ་ཤིན་ཏུ་རྣམ་པར་གྲོལ་བའི་ཡེ་ཤེས་ཀྱི་སྐུ་དང་ལྡན་པ། བསྐལ་པ་བྱེ་བ་དཔག་ཏུ་མེད་པར་ཡོན་ཏན་གྱི་ཆོས་ཡོངས་སུ་བརྗོད་ཀྱང་མི་ཟད་ཅིང་ཐུག་པ་མེད་པའི་ཡོན་ཏན་གྱི་བསྔགས་པ་
D284.068.0057a07.01