完整藏文原文 · 德格版页 当前仅加载第 68 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་བསྐྱེད་པ་དེ་བཞིན་དུ་བདག་ཀྱང་བྱང་ཆུབ་ཏུ་སེམས་བསྐྱེད་པར་བགྱིའོ། །ཇི་ལྟར་བཅོམ་ལྡན་འདས་དེ་བཞིན་གཤེགས་པ་མི་འཁྲུགས་པས་སེམས་ཐོགས་པ་མ་མཆིས་པ་དང་། སེམས་མི་འཁྲུགས་པ་དང་། ཚེ་རབས་ཐམས་ཅད་དུ་རབ་ཏུ་འབྱུང་བ་དང་། མངོན་
D284.068.0068b01.01པར་འབྱུང་བའི་སེམས་ཀྱིས་སེང་གེའི་སྒྲ་མངོན་པར་བསྒྲགས་ཏེ། དེ་བཞིན་གཤེགས་པ་སྤྱན་རབ་ཏུ་དང་བ་ལས་བྱང་ཆུབ་ཏུ་ཐུགས་བསྐྱེད་པ་དེ་བཞིན་དུ་བདག་ཀྱང་སེམས་བསྐྱེད་པར་བགྱིའོ། །ཇི་ལྟར་བཅོམ་ལྡན་འདས་དེ་བཞིན་གཤེགས་པ་དཔལ་བཟང་པོས་བཅོམ་ལྡན་
D284.068.0068b02.01འདས་དེ་བཞིན་གཤེགས་པ་རྒྱ་མཚོའི་དཔལ་ལ་དགེ་བའི་རྩ་བའི་རྣམ་པ་མང་པོ་བསྐྱེད་ནས་བྱང་ཆུབ་ཏུ་ཐུགས་བསྐྱེད་པ་དེ་བཞིན་དུ་བདག་ཀྱང་སེམས་བསྐྱེད་པར་བགྱིའོ། །ཇི་ལྟར་བྱང་ཆུབ་སེམས་དཔའ་བྱམས་པ་རྒྱལ་པོ་གསེར་མདོག་ལྟ་བུར་གྱུར་པ་ན་བཅོམ་ལྡན་འདས་དེ་
D284.068.0068b03.01བཞིན་གཤེགས་པ་གསེར་གྱི་མཆོད་སྡོང་གི་འོད་ལ་བཀོད་པ་དུ་མས་མཆོད་པ་དང་། རིམ་གྲོ་བགྱིས་ནས་བྱང་ཆུབ་ཏུ་ཐུགས་བསྐྱེད་པ་དེ་བཞིན་དུ་བདག་ཀྱང་སེམས་བསྐྱེད་པར་བགྱིའོ། །ཇི་ལྟར་བྱང་ཆུབ་སེམས་དཔའ་བློ་གྲོས་རྒྱ་མཚོ་ཡུལ་ཤིན་ཏུ་རྣམ་པར་དག་པའི་འཁོར་ལོས་
D284.068.0068b04.01སྒྱུར་བའི་རྒྱལ་པོར་གྱུར་པ་ན། དེ་བཞིན་གཤེགས་པ་ཡོན་ཏན་གྱི་འོད་ཟེར་མཐའ་ཡས་ལ་བཀུར་སྟི་བགྱིས་ནས་བྱང་ཆུབ་ཏུ་ཐུགས་བསྐྱེད་པ་དེ་བཞིན་དུ་བདག་ཀྱང་སེམས་བསྐྱེད་པར་བགྱིའོ། །ཇི་ལྟར་བྱང་ཆུབ་སེམས་དཔའ་ནམ་མཁའ་མཛོད་ལྷས་དབང་བསྐུར་ཏེ། སྟོང་
D284.068.0068b05.01གསུམ་གྱི་འཁོར་ལོས་སྒྱུར་བའི་རྒྱལ་པོར་གྱུར་པ་ན། དེ་བཞིན་གཤེགས་པ་སྨོན་ལམ་ཐམས་ཅད་ལས་ཡང་དག་པར་བྱུང་བ་རིན་པོ་ཆེའི་གཟི་བརྗིད་མངོན་པར་འཕགས་པའི་རྒྱལ་པོ་ལ་གདུགས་གཅིག་བཞིན་དུ་རིན་པོ་ཆེའི་ཕུང་པོ་རི་རབ་ཙམ་པས་པར་བགྱིས་ཏེ། བར་གྱི་བསྐལ་པ་
D284.068.0068b06.01བཞི་བཅུར་མཆོད་པ་དང་། རིམ་གྲོ་བགྱིས་ནས་བྱང་ཆུབ་ཏུ་སེམས་བསྐྱེད་པ་དེ་བཞིན་དུ་བདག་ཀྱང་སེམས་བསྐྱེད་པར་བགྱིའོ། །ཇི་ལྟར་འཇམ་དཔལ་གཞོན་ནུར་གྱུར་པ་འཁོར་ལོས་སྒྱུར་བའི་རྒྱལ་པོར་གྱུར་པ་ན། བཅོམ་ལྡན་འདས་དེ་བཞིན་གཤེགས་པ་སྒྲ་དབྱངས་
D284.068.0068b07.01