完整藏文原文 · 德格版页 当前仅加载第 68 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱས་པ་དང་ལྡན་པ་ཁོང་དུ་མི་ཆུད་པ་དང་། སྨོན་ལམ་ཆེན་པོ་ལས་ནུར་བར་འགྱུར་བ་དང་། སྤྱོད་པ་ཡོངས་སུ་དག་པ་མི་འཐོབ་པ་དང་། གཟུངས་ཀྱི་རྒྱན་གྱི་སྣང་བ་མི་འཐོབ་པ་དང་། སྤོབས་པའི་རྒྱན་གྱི་སྣང་བ་ཁོང་དུ་མི་ཆུད་པ་དང་། བྱང་ཆུབ་
D284.068.0060a01.01སེམས་དཔའ་ཀུན་དུ་བཟང་པོའི་སྤྱོད་པའི་སྨོན་ལམ་ལ་ཡོངས་སུ་འདྲིས་པར་བགྱི་བ་ཁོང་དུ་མི་ཆུད་པ་དང་། ཆོས་མཉམ་པ་ཉིད་མི་རྟོགས་པ་དང་། བསོད་ནམས་མཉམ་པ་ཉིད་མི་སྐྱེད་པ་དང་། ཡེ་ཤེས་མཉམ་པ་ཉིད་ཁོང་དུ་མི་ཆུད་པ་དང་། འཁོར་བའི་ཆོས་རྣམས་ཀྱིས་ཀུན་
D284.068.0060a02.01དུ་གཞོམ་པར་འགྱུར་བའི་སྒྲིབ་པ་དེ་ལྟ་བུ་ལ་སོགས་པ་དང་། བྱང་ཆུབ་སེམས་དཔའི་སྤྱོད་པ་དང་། ཡོན་ཏན་གྱི་ཆོས་ཐམས་ཅད་ཀུན་དུ་སྒྲུབ་པ་ལ་མི་ཕྱོགས་པར་འགྱུར་བའི་སྒྲིབ་པའི་འགེབས་པ་གྲངས་མ་མཆིས་པ་འབུམ་ཕྲག་བཅུ་པོ་དེ་དག་དུས་གསུམ་དུ་གཏོགས་པའི་དེ་བཞིན་
D284.068.0060a03.01གཤེགས་པ་ཐམས་ཅད་ཆོས་ཀྱི་དབྱིངས་སུ་འདུས་པ། ཡེ་ཤེས་གཟིགས་པ་སྒྲིབ་པ་མི་མངའ་བ། ཆགས་པ་མ་མཆིས་པའི་མིག་གི་ཡུལ་བརྙེས་པ། མཉམ་པ་ཉིད་ཀྱི་རྗེས་སུ་ཞུགས་པའི་སྐུ་དང་ལྡན་པ་ཆོས་ཀྱི་དབྱིངས་མུན་པ་མ་མཆིས་པར་ཞུགས་པའི་ཡེ་ཤེས་ཀྱི་སྤྱན་བརྙེས་
D284.068.0060a04.01པའི་དེ་བཞིན་གཤེགས་པ་དེ་དག་ཐམས་ཅད་ཀྱི་སྤྱན་སྔར་བདག་མངོན་སུམ་དུ་གྱུར་པར་མོས་ནས། དེ་བཞིན་གཤེགས་པའི་ཡུལ་ཚད་མེད་པར་བརྟགས་ཏེ། སྐྲའི་རྩེ་མོའི་ཆ་ཤས་བཞག་པའི་ཁྱོན་ཙམ་རེ་རེ་ལ་དེ་བཞིན་གཤེགས་པ་སེམས་ཅན་ཐམས་ཅད་སྙེད་དུ་ལྷག་པར་མོས་སོ། །
D284.068.0060a05.01སྐྲའི་རྩེ་མོའི་ཆ་ཤས་གཅིག་བཞག་པའི་ཁྱོན་ལ་ཇི་ལྟ་བ་དེ་བཞིན་དུ་ཆོས་ཀྱི་དབྱིངས་ཐམས་ཅད་དུ་ཡང་དེ་བཞིན་གཤེགས་པ་སེམས་ཅན་ཐམས་ཅད་སྙེད་དུ་ལྷག་པར་མོས་སོ། །དེ་བཞིན་གཤེགས་པ་རེ་རེ་ལ་ཡང་ལུས་ཐོབ་པ་འགྲོ་བ་ཐམས་ཅད་ཀྱི་སེམས་སྙེད་ཀྱིས་ཞབས་ཀྱི་འོག་ཏུ་
D284.068.0060a06.01གཏུགས་ཏེ་ཕྱག་འཚལ་ལོ། །ལུས་ཐོབ་པ་རེ་རེ་ལ་ཡང་མགོ་དག་གི་ལམ་ངེས་པའི་ཚིག་སྙེད་དུ་ལྷག་པར་མོས་སོ། །མགོ་རེ་རེ་ལ་ཡང་ཁའི་སྒོ་ཞིང་ཐམས་ཅད་ཀྱི་རྡུལ་ཕྲ་རབ་ཏུ་དབྱེ་བ་སྙེད་དུ་ལྷག་པར་མོས་སོ། །ཁའི་སྒོ་རེ་རེ་ལ་ཡང་ལྕེའི་རྩེ་མོ་ཞིང་ཐམས་ཅད་ཀྱི་རྡུལ་ཕྲ་རབ་ཏུ་
D284.068.0060a07.01