完整藏文原文 · 德格版页 当前仅加载第 68 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པའི་ཁྱད་པར་བརྙེས་པ་དེ་དག་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་ཐམས་ཅད་སྙེད་ཀྱིས་སངས་རྒྱས་བཅོམ་ལྡན་འདས་གང་རྣམས་ལས་དེ་བཞིན་གཤེགས་པ་རེ་རེའི་ཚུལ་ཁྲིམས་ཀྱི་ཡོན་ཏན་གྱི་བསྔགས་པ་ཕུན་སུམ་ཚོགས་པ་ལས་བརྩམས་ཏེ། བསྐལ་
D284.068.0057b01.01པ་མཐའ་ཡས་པར་བསྔགས་པ་བརྗོད་ཀྱང་དེ་བཞིན་གཤེགས་པ་དེའི་ཚུལ་ཁྲིམས་ཀྱི་ཡོན་ཏན་གྱི་བསྔགས་པ་ཕུན་སུམ་ཚོགས་པ་ཡང་མི་ཟད་ཅིང་ཐུག་པ་མ་མཆིས་ལ་དེ་བཞིན་གཤེགས་པ་དེ་དག་གི་སྤོབས་པ་སོ་སོ་ཡང་དག་པར་རིག་པ་ལ་ཡང་ཐུག་པ་མ་མཆིས་ཏེ། དེ་ལྟར་
D284.068.0057b02.01སངས་རྒྱས་བཅོམ་ལྡན་འདས་ཚུལ་ཁྲིམས་དཔག་ཏུ་མ་མཆིས་པ་དེ་དག་ལ་མོས་པའི་མཆོག་གིས་མོས་སོ། །གཙོ་བོ་དང་། དམ་པ་དང་། ཁྱད་པར་དུ་འཕགས་པ་དང་། རབ་དང་། ཕུལ་དང་། གྱ་ནོམ་པ་དང་། བླ་མ་དང་། བླ་ན་མ་མཆིས་པ་དང་། མཉམ་
D284.068.0057b03.01པ་མ་མཆིས་པ་དང་། མི་མཉམ་པ་དང་མཉམ་པ་དང་། མཚུངས་པ་མ་མཆིས་པ་དང་། སྣང་བ་མ་མཆིས་པ་དང་། བདག་ཉིད་ཆེན་པོ་དང་། ཟིལ་གྱིས་མི་ནོན་པ་དང་། ཡོན་ཏན་གྱི་ཆོས་ཐམས་ཅད་སྡུད་པ་དང་། ཡང་དག་པར་རྫོགས་པའི་སངས་རྒྱས་ཀྱིས་
D284.068.0057b04.01བཀའ་སྩལ་པའི་མོས་པས་ལྷག་པར་མོས་སོ། །ཚུལ་ཁྲིམས་ལ་ཇི་ལྟ་བ་དེ་བཞིན་དུ་ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་དང་། དེ་བཞིན་དུ་བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་།
D284.068.0057b05.01བཏང་སྙོམས་ཆེན་པོ་དང་། དེ་བཞིན་དུ་སྟོབས་དང་། མི་འཇིགས་པ་དང་། དེ་བཞིན་དུ་སངས་རྒྱས་ཀྱི་ཆོས་ཐམས་ཅད་ཡང་དག་པར་འབྱུང་བའི་བར་དག་ལ་ལྷག་པར་མོས་སོ། །མོས་ནས་ཀྱང་སངས་རྒྱས་བཅོམ་ལྡན་འདས་དེ་དག་ལ་ཕྱག་འཚལ་ལོ། །བསྟོད་དོ། །བཀུར་རོ། །
D284.068.0057b06.01བསྔགས་སོ། །རབ་ཏུ་བསྔགས་སོ། །འདུད་དོ། །རབ་ཏུ་འདུད་དོ། །ཕྱག་བགྱིའོ། །གཞོལ་ལོ། །བལྟའོ། །བརྟག་གོ། །བྱམས་པའི་ལུས་ཀྱི་ལས་དང་། བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཡེ་ཤེས་སྔོན་དུ་འགྲོ་བ་དང་།
D284.068.0057b07.01