完整藏文原文 · 德格版页 当前仅加载第 68 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འཕགས་པར་གྱུར་ཅིག་ཅེས་བརྗོད་པར་བྱའོ། །དེས་ཡན་ལག་ལྔ་ཡོངས་སུ་དག་པ་དང་། སྒྲིབ་པ་ལྔ་དང་བྲལ་བ་དང་། སྟོབས་ལྔ་ལ་གནས་པ་དང་། དེ་བཞིན་གཤེགས་པ་ཡིད་ལ་བྱེད་པ་དང་མ་བྲལ་བས་ཚིག་འདི་སྐད་ཅེས་སངས་རྒྱས་བཅོམ་ལྡན་
D284.068.0072a01.01འདས་ཆོས་ཀྱི་སྐུ་དང་ལྡན་པ། སྐུ་མ་ལགས་པ། གསུང་དག་པ། གསུང་མི་མངའ་བ། སེམས་དང་བ། སེམས་མི་མངའ་བ། ཡེ་ཤེས་ཆགས་པ་མི་མངའ་བ་དང་ལྡན་པ། མ་བྱོན་མ་བཞུད་པ་ཐམས་ཅད་མཁྱེན་པ་དང་ལྡན་པ། ཐམས་ཅད་གཟིགས་པ་
D284.068.0072a02.01དང་ལྡན་པ་རྣམས་བདག་ལ་དགོངས་སུ་གསོལ། བདག་གིས་འཁོར་བ་ཐོག་མའི་མཐའི་མུ་ནས་བཟུང་སྟེ། ཡང་དག་པའི་མཐའ་དང་། བདག་གི་མཐའ་མ་འཚལ་བས། ཆོས་མ་ལགས་པ་ལ་ཆོས་སུ་འདུ་ཤེས་བསྐྱེད་པ་དང་། འདུལ་བ་མ་ལགས་པ་ལ་
D284.068.0072a03.01འདུལ་བར་འདུ་ཤེས་བསྐྱེད་པ་དང་། སྦྱིན་གནས་མ་ལགས་པ་ལ་སྦྱིན་གནས་སུ་འདུ་ཤེས་བསྐྱེད་པ་དང་། མི་དགེ་བ་ལ་དགེ་བར་འདུ་ཤེས་བསྐྱེད་པ་དང་། ཕྱིན་ཅི་ལོག་གི་སེམས་ཀྱིས་བདག་གི་ལུས་སུ་ལྟ་བས་ཡོངས་སུ་དཀྲིས་པ་དང་། དགེ་བའི་ཆོས་གང་སངས་
D284.068.0072a04.01རྒྱས་ཀྱིས་བཀའ་མ་སྩལ་པ་མངོན་པར་འདུས་བགྱིས་པ་དང་། བགྱིད་པ་དང་། བགྱིད་དུ་སྩལ་བ་དང་། བགྱིད་པ་ལ་རྗེས་སུ་ཡི་རང་བར་གྱུར་པ་གང་ཅི་མཆིས་པ་དེ་བདག་འཆགས་སོ། །དམིགས་པ་ལ་གནས་ཏེ། བདག་གིས་སེམས་ཅན་མ་མཆིས་པ་
D284.068.0072a05.01ལ་སེམས་ཅན་དུ་འདུ་ཤེས་པ་དང་། སེམས་སྒྱུ་མ་ལྟ་བུར་མ་འཚལ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་གང་ལགས་པ་དེ་ཐམས་ཅད་འཆགས་སོ། །བདག་གིས་མངོན་པར་འདུ་བགྱིད་པ་མ་མཆིས་པར་མ་འཚལ་ནས། ལུས་
D284.068.0072a06.01དང་། ངག་དང་། ཡིད་ཀྱིས་ཆོས་དགེ་བ་དང་། མི་དགེ་བ་མངོན་པར་འདུ་བགྱིད་པ་དང་། མངོན་པར་འདུས་བགྱིས་པ་གང་ལགས་པ་དེ་འཆགས་སོ། །བདག་གིས་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་།
D284.068.0072a07.01