完整藏文原文 · 德格版页 当前仅加载第 68 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲགས་པའི་རྒྱལ་པོ་ལ་མཆོད་པ་དང་། རིམ་གྲོ་རྣམ་པ་དུ་མ་བགྱིས་ནས་བྱང་ཆུབ་ཏུ་སེམས་བསྐྱེད་པ་དེ་བཞིན་དུ་བདག་ཀྱང་སེམས་བསྐྱེད་པར་བགྱིའོ། །ཇི་ལྟར་བྱང་ཆུབ་སེམས་དཔའ་ཀུན་དུ་བཟང་པོས་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་
D284.068.0069a01.01རྡོ་རྗེ་རྒྱ་མཚོའི་རྒྱལ་པོ་ལ་བསྟི་སྟང་བགྱིས་ནས་བྱང་ཆུབ་ཏུ་སེམས་བསྐྱེད་པ་དེ་བཞིན་དུ་བདག་ཀྱང་སེམས་བསྐྱེད་པར་བགྱིའོ། །མཆོག་དམ་པ་ང་རྒྱལ་ཞི་བ་སེམས་མ་ལགས་པའི་སེམས་དང་། འགྲོ་བ་ཐམས་ཅད་ཡོངས་སུ་བསྐྱབ་པའི་སེམས་དང་། བྱང་ཆུབ་ཀྱི་
D284.068.0069a02.01སེམས་དེས་ཁྱབ་པར་མ་གྱུར་པའི་ཆོས་ཀྱི་དབྱིངས་དེ་གང་ཡང་མ་མཆིས་སོ། །བྱང་ཆུབ་ཏུ་སེམས་བསྐྱེད་པའི་དགེ་བའི་རྩ་བའི་ཚོགས་དེས་དུས་གསུམ་དུ་མ་ཁྱབ་པ་ཅུང་ཟད་ཀྱང་མ་མཆིས་སོ། །སངས་རྒྱས་ཐམས་ཅད་མཉེས་པར་བགྱིད་པའི་སེམས་དང་བྱང་ཆུབ་
D284.068.0069a03.01སེམས་དཔའི་དཀྱིལ་འཁོར་ཐམས་ཅད་རབ་ཏུ་དགའ་བར་བགྱིད་པའི་སེམས་དང་། ཉན་ཐོས་དང་། རང་སངས་རྒྱས་ཐམས་ཅད་རྗེས་སུ་ཡི་རང་བའི་སེམས་དང་། སེམས་བསྐྱེད་པ་དེས་ཡོངས་སུ་ཟིན་པར་མ་གྱུར་པའི་སེམས་ཅན་དེ་གང་ཡང་མ་མཆིས་སོ། །མཆོད་
D284.068.0069a04.01པར་མ་གྱུར་པའི་དེ་བཞིན་གཤེགས་པ་དེ་གང་ཡང་མི་བཞུགས་སོ། །གོང་དུ་སེམས་བསྐྱེད་དེ་བསྐྱེད་མ་ཐག་པའི་བསོད་ནམས་ཀྱི་ཕུང་པོ་ནི་རབ་ཏུ་མང་གི་སེམས་ཅན་ཐམས་ཅད་འཁོར་ལོས་སྒྱུར་བ་དང་། འཇིག་རྟེན་སྐྱོང་བ་དང་། བརྒྱ་བྱིན་དང་། ཚངས་པ་དང་།
D284.068.0069a05.01ཉན་ཐོས་དང་། རང་སངས་རྒྱས་སུ་གྱུར་པ་རྣམས་ཀྱི་བསོད་ནམས་ཀྱི་ཕུང་པོ་ནི་དེ་ཙམ་མ་ལགས་སོ། །བདག་གི་བསོད་ནམས་ཀྱི་ཕུང་པོ་བྱང་ཆུབ་ཏུ་སེམས་བསྐྱེད་པ་དང་ལྡན་པ་གང་ལགས་པ་དང་། སེམས་ཅན་ཐམས་ཅད་ལ་སྩལ་བ་གང་ལགས་པ་དང་། ཉན་ཐོས་
D284.068.0069a06.01དང་། རང་སངས་རྒྱས་ཐམས་ཅད་ལ་ཕུལ་བ་གང་ལགས་པ་དང་། བྱང་ཆུབ་སེམས་དཔའ་ཐམས་ཅད་ལ་ཕུལ་བ་གང་ལགས་པ་དང་། སངས་རྒྱས་ཐམས་ཅད་ལ་དགེ་བའི་རྩ་བ་ཐམས་ཅད་ཕུལ་བའི་བསོད་ནམས་ཀྱི་ཕུང་པོ་ཡོངས་སུ་བཟུང་བ་གང་ལགས་པ་དང་། གང་ཡེ་
D284.068.0069a07.01