完整藏文原文 · 德格版页 当前仅加载第 68 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་དགའ་བར་བགྱིད་པར་གྱུར་ཅིག །དེ་བཞིན་གཤེགས་པ་ཐམས་ཅད་ཀྱི་བསྟན་པ་ཡང་དག་པར་འཛིན་ཅིང་བསྲུང་བ་དང་། ཡོངས་སུ་སྐྱོང་བར་གྱུར་ཅིག །སྒྲིབ་པའི་ལིང་ཏོག་ཐམས་ཅད་རྣམ་པར་སྦྱོང་བར་གྱུར་ཅིག །བདུད་ཀྱི་རྩོད་པའི་
D284.068.0070a01.01དམག་ཚོགས་ཐམས་ཅད་རབ་ཏུ་འདུལ་བར་གྱུར་ཅིག །སངས་རྒྱས་ཀྱི་ཆོས་ཐམས་ཅད་མངོན་པར་རྫོགས་པར་བྱང་ཆུབ་པར་གྱུར་ཅིག །ཏིང་ངེ་འཛིན་ཐམས་ཅད་དང་། དབང་ཐམས་ཅད་ཐོབ་པ་དང་། མངོན་པར་ཤེས་པ་ཐམས་ཅད་ཀྱིས་རྣམ་པར་རྩེན་པ་དང་།
D284.068.0070a02.01རྣམ་པར་ཐར་པ་ཐམས་ཅད་ཀྱིས་རྣམ་པར་འཕྲུལ་པར་གྱུར་ཅིག །ཅི་ནས་ཀྱང་འཁོར་བ་ན་མི་འབྲལ་ཞིང་ཚེ་རབས་གཞན་དུ་རྗེས་པ་ན་ཆབ་འཚལ་བར་མི་འགྱུར་བ་དང་། བྱང་ཆུབ་སེམས་དཔའི་སྤྱོད་པ་ཕ་རོལ་ཏུ་ཕྱིན་པ་བསྐྱུད་པར་མི་འགྱུར་བ་དང་། བྱིས་པ་སོ་སོའི་སྐྱེ་
D284.068.0070a03.01བོ་དང་འདྲེ་བས་སྒྲིབ་པའི་ཆ་དང་འཐུན་པར་མི་འགྱུར་བ་དེ་ལྟ་བུར་བདག་གི་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་བྱང་ཆུབ་སེམས་དཔའ་དེ་དག་སངས་རྒྱས་ཀྱི་ཞིང་འདི་ནས་སངས་རྒྱས་མངོན་སུམ་དུ་བཞུགས་པའི་འཇིག་རྟེན་གྱི་ཁམས་གཞན་དུ་སངས་རྒྱས་
D284.068.0070a04.01དེ་དག་ལ་མཆོད་པ་བཀོད་པའི་རྒྱན་གྱིས་བརྒྱན་པར་བགྱིད་དུ་མཆི་བ་དང་། སངས་རྒྱས་ལ་མཆོད་པ་བཀོད་པའི་རྒྱན་དེའི་ཐ་མའི་སེམས་བསྐྱེད་པ་ཐོབ་པ་ཡོངས་སུ་རྫོགས་པར་དགེ་བའི་རྩ་བ་དེ་དག་ཡོངས་སུ་བསྔོའོ། །འཆི་བའི་དུས་ཀྱི་ཚེ་ན་ཡང་སངས་རྒྱས་བཅོམ་
D284.068.0070a05.01ལྡན་འདས་དེ་དག་གིས་ཕྱག་གཡས་པ་གསེར་གྱི་ཁ་དོག་ཅན་བརྐྱང་སྟེ། བདག་གི་སྤྱི་བོར་འཇོག་པར་གྱུར་ཅིག །ཅི་ནས་བདག་དངོས་པོ་ཐམས་ཅད་ལ་མི་ལྟ་བ་བཀོད་པ་རྒྱུན་ཐོགས་པ་མ་མཆིས་པ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་བསྒོས་པའི་སེམས་
D284.068.0070a06.01དང་། ཚོར་བ་ཐམས་ཅད་རྒྱུན་ཆད་པའི་སེམས་ཀྱིས་འཆི་བའི་དུས་བགྱིད་པར་གྱུར་ཅིག །དད་པ་གྲངས་མ་མཆིས་པ་དང་། རི་མོ་གུས་པར་བགྱི་བ་གྲངས་མ་མཆིས་པ་དང་། དགའ་བ་དང་དད་པ་གྲངས་མ་མཆིས་པས་སངས་རྒྱས་བཅོམ་ལྡན་འདས་དེ་དག་ལ་ལྟ་
D284.068.0070a07.01