完整藏文原文 · 德格版页 当前仅加载第 61 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པ་དལ་སྤྱོད་དང་། །མི་སྐྱེ་བཟོད་ཅིང་མཉམ་མེད་ཆགས་པ་མེད། །དེ་ན་བུད་མེད་དམིགས་ཅན་ཡོད་མིན་ཞིང་། །བསླབ་པ་འདྲལ་མེད་ཕྱོགས་འཛིན་ཡོད་མ་ཡིན། །འཇིག་རྟེན་ཁམས་དེ་དག་ཅིང་དགའ་ལྡན་གྱི། །ཉེ་བར་སྤྱོད་པའི་རྣམ་པ་འདྲ་བར་
D191.061.0242a01.01འགྱུར། །གསེར་དངུལ་མུ་ཏིག་དམ་པའི་དྲི་མཆོག་གིས། །སྤྲས་ཤིང་གཙང་ལ་དྲི་མེད་ཡངས་པ་ཡིན། །རྒྱལ་བ་དེ་ཡི་སྐུ་ཚེ་ལོ་གྲངས་ནི། །སྟོང་ཕྲག་བྱེ་བ་བདུན་ཅུ་གསུམ་དུ་འགྱུར། །སྟོན་པ་དེ་ནི་ཞི་བར་གཤེགས་གྱུར་ནས། །དེ་ཚེ་དམ་ཆོས་བསྐལ་པ་གཅིག་
D191.061.0242a02.01གནས་ཤིང་། །བཞུགས་བཞིན་མྱ་ངན་འདས་ནའང་དེ་ཡི་ནི། །དམ་ཆོས་མཛོད་ལ་ཉམས་པར་འགྱུར་བ་མེད། །གལ་ཏེ་རྒྱལ་བ་དང་ནི་ཞིང་དེ་ཡི། །ཕུན་སུམ་ཚོགས་པར་བསྐལ་པར་བརྗོད་བྱས་ཀྱང་། །རྒྱ་མཚོ་དག་ལས་ཆུ་ཐིགས་གཅིག་བཞིན་དུ། །དཔེ་
D191.061.0242a03.01ཡང་བརྗོད་པར་འགྱུར་བ་མ་ཡིན་ནོ། །དེ་ནས་བུ་མོ་ཟླ་མཆོག་གིས་བཅོམ་ལྡན་འདས་ཀྱི་སྤྱན་སྔར་བདག་ཉིད་མངོན་སུམ་དུ་ལུང་བསྟན་པ་ཐོས་ནས་དགའ་བ་དང་མཆོག་ཏུ་དགའ་བ་དེ་ཉིད་ཀྱིས་ཤིང་ཏ་ལ་བདུན་སྲིད་ཙམ་དུ་ནམ་མཁའ་ལ་མངོན་པར་འཕགས་སོ། །མངོན་
D191.061.0242a04.01པར་འཕགས་མ་ཐག་ཏུ་བུ་མོ་དེས་བུད་མེད་ཀྱི་ལུས་སྒྱུར་ཅིང་སྐྱེས་པའི་ལུས་མངོན་པར་གྲུབ་པར་འགྱུར་བ་དང་། འཇིག་རྟེན་དུ་ས་ཆེན་པོ་ཡང་རབ་ཏུ་གཡོས་པར་གྱུར། མེ་ཏོག་གི་ཆར་དག་ཀྱང་རབ་ཏུ་བབ། ལྷ་དང་མིའི་སིལ་སྙན་འབུམ་ཕྲག་དུ་མ་དག་ཀྱང་སྒྲ་འཁྲོལ་བར་
D191.061.0242a05.01གྱུར་ཏོ། །འཇིག་རྟེན་ཀུན་ཏུ་སྣང་བ་ཆེན་པོས་ཁྱབ་པར་ཡང་གྱུར་ཏོ། །དེ་ནས་བྱང་ཆུབ་སེམས་དཔའ་ཟླ་མཆོག་གིས་བར་སྣང་དེ་ཉིད་ལ་འདུག་བཞིན་དུ་བཅོམ་ལྡན་འདས་ལ་ཚིགས་སུ་བཅད་པ་དག་གིས་མངོན་པར་བསྟོད་པ། རི་རབ་གཡོ་ཞིང་ནམ་མཁའ་སར་ལྟུང་ལ། །
D191.061.0242a06.01ལྷ་གནས་སྐད་ཅིག་ཙམ་ལ་འཇིག་འགྱུར་ཞིང་། །རྒྱ་མཚོ་མི་གཡོ་དགུང་ཟླ་ལྷུང་ཡང་གདའ། །དེ་བཞིན་གཤེགས་པ་ཤོ་བེའི་ཚིག་མི་གསུང་། །ཕྱོགས་བཅུའི་སེམས་ཅན་ལུས་རྣམས་གཅིག་འགྱུར་ཞིང་། །ཞུགས་ནི་ཆབ་གྱུར་ཆབ་ནི་ཞུགས་འགྱུར་གདའ། །མཉམ་
D191.061.0242a07.01