完整藏文原文 · 德格版页 当前仅加载第 61 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
སྡིག་མེད་མི་གཙང་སྤངས་པ་ཡིན། །དེ་དག་རེ་རེའང་ལག་པ་ཡ་གཅིག་གིས། །བསྐལ་པ་མང་པོར་སྟོང་གསུམ་ཞིང་འདེག་ཅིང་། །ཏིང་འཛིན་མངོན་ཤེས་སྤོབས་པ་རབ་ཐོབ་ལ། །ཐོས་པ་མི་འཁྲུག་རྒྱ་མཚོ་འདྲ་བ་ཡིན། །དེ་དག་རྒྱལ་བ་མཆོད་ཕྱིར་རྫུ་འཕྲུལ་
D191.061.0230b01.01གྱིས། །བྱེ་བ་དཔག་མེད་ཞིང་དུ་སྐད་འགས་འདོང་། །དོང་ནས་སངས་རྒྱས་བྱེ་སྙེད་མངོན་མཆོད་ཅིང་། །བརྟན་རྣམས་ཕྱིར་ཡང་སྐད་འགས་ལྡོག་པར་བྱེད། །བདག་ཏུ་འདུ་ཤེས་སངས་རྒྱས་འདུ་ཤེས་མེད། །ཞིང་དུ་འདུ་ཤེས་སེམས་ཅན་འདུ་ཤེས་མེད། །སྤྲོས་པ་
D191.061.0230b02.01སྣ་ཚོགས་ཀུན་གྱིས་མ་གོས་ཤིང་། །སེམས་ཅན་ཚོགས་ཆེན་རྣམས་ཀྱི་དོན་ཡང་བྱེད། །དགྲ་ཐུལ་དེ་དང་བྱང་ཆུབ་སེམས་དཔའ་དང་། །དེ་བཞིན་དགེ་སློང་དགེ་འདུན་ལྟ་འདོད་ཅིང་། །ཐུབ་དབང་དྲུང་ནས་ཆོས་མཆོག་ཉན་འདོད་ན། །ཚལ་ཆེན་གང་ན་སྟོན་དེ་
D191.061.0230b03.01བཞུགས་པར་སོང་། །དེ་ནས་བུ་མོ་ཟླ་མཆོག་པད་མ་དེ་ཉིད་དང་། དེ་བཞིན་གཤེགས་པའི་སྐུ་ཇི་ལྟར་བཞུགས་པ་དེ་ཉིད་ཐོགས་བཞིན་དུ་ཁང་{བཟངས་ཀྱི་,བཟང་གི་}སྟེང་དེ་ནས་བབས་ནས་རང་གི་ཕ་མ་ག་ལ་བ་དེར་སོང་སྟེ་ཕྱིན་པ་དང་། རང་གི་ཕ་མ་ལ་ཚིགས་སུ་བཅད་དེ་སྨྲས་པ། ཡབ་
D191.061.0230b04.01གཟིགས་ངན་བུའི་སུག་པ་གཡས་པ་ན། །པད་མ་གསེར་སྡོང་མཛེས་པ་ཡིད་དུ་མཆི། །སྐྱེས་བུ་དམ་པའི་སྐུ་ལ་གཟིགས་ཤིག་ཡུམ། །མཐོང་ན་སུ་ཞིག་དེ་ལ་སྐྱབས་མི་མཆི། །རང་གི་གནས་ཀུན་གསེར་མདོག་འདྲ་བ་ཡི། །འོད་ཀྱིས་གསལ་བ་བདག་གིས་མཐོང་ལགས་
D191.061.0230b05.01ཡུམ། །སྐད་ཅིག་ལ་ཡང་དུ་མར་མདོག་འགྱུར་བས། །སྐུ་ཡི་ཚད་ནི་གཟུང་བར་རྔོ་མི་ཐོགས། །དེ་སླད་རྒྱལ་བའི་སྤྱན་སྔར་ཚལ་ཆེན་དུ། །རྒྱལ་བ་གཽ་ཏམ་གཟིགས་སུ་གཤེགས་སོ་ཡུམ། །མེ་ཏོག་རྣམས་དང་སྤོས་མཆོག་བསྣམས་ནས་སུ། །དེ་བཞིན་གཤེགས་
D191.061.0230b06.01པ་ལ་ནི་མཆོད་པར་བགྱི། །ཟླ་བ་མཆོག་གི་ཕ་དང་མ་དག་གིས། །ཡིད་དུ་འོང་བའི་ཚིག་ཐོས་ལེགས་སོ་ཞེས། །གོས་རྣམས་དང་ནི་བདུག་སྤོས་སྤོས་དག་དང་། །མེ་ཏོག་རྣམས་དང་ཕྲེང་བ་བྱུག་པའང་བླངས། །རྔ་ཆེན་རྫ་རྔ་ཧབ་ཤང་གདུགས་རྣམས་དང་། །དུང་དང་རྒྱལ་
D191.061.0230b07.01