完整藏文原文 · 德格版页 当前仅加载第 61 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དང་སྲིད་པའི་སྲེད་པ་ཇི་སྙེད་པའོ། །ཤ་ར་དྭ་ཏིའི་བུས་སྨྲས་པ། བུ་མོ་མ་རིག་པ་དང་སྲིད་པའི་སྲེད་པ་ཡང་ཇི་སྙེད་ཅིག་ཡིན། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ། སེམས་ཅན་གྱི་ཁམས་ཇི་སྙེད་པའོ། །ཤ་ར་དྭ་ཏིའི་བུས་སྨྲས་པ།
D191.061.0234a01.01བུ་མོ་སེམས་ཅན་གྱི་ཁམས་ཀྱང་ཇི་སྙེད་ཅིག་ཡིན། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡུལ་ཇི་སྙེད་པའོ། །ཤ་ར་དྭ་ཏིའི་བུས་སྨྲས་པ། བུ་མོ་ཁྱོད་ཀྱིས་ཅི་ཞིག་
D191.061.0234a02.01ལན་བཏབ་པ་ཡིན། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་གནས་བརྟན་གྱིས་གང་ཡོངས་སུ་དྲིས་པ་དེ་ཉིད་ཀྱི་ལན་བདག་གིས་བཏབ་ལགས་སོ། །ཤ་ར་དྭ་ཏིའི་བུས་སྨྲས་པ། བུ་མོ་ཁོ་བོས་ཅི་ཞིག་ཡོངས་སུ་དྲིས། བུ་མོས་སྨྲས་པ། བཙུན་པ་ཤ་ར་དྭ་
D191.061.0234a03.01ཏིའི་བུ་ཡི་གེ་གང་དག་ཡོངས་སུ་དྲིས་པ་དེ་དག་ཉིད་ངེས་པར་བསྟན་ལགས་སོ། །ཤ་ར་དྭ་ཏིའི་བུས་སྨྲས་པ། བུ་མོ་ཡི་གེ་རྣམས་ནི་རང་བཞིན་གྱིས་འགགས་པ་སྟེ། གདགས་སུ་མེད་པ་ཡིན་པས་དེ་དག་ནི་ངེས་པར་བསྟན་པར་མི་ནུས་སོ། །བུ་མོས་སྨྲས་པ། བཙུན་
D191.061.0234a04.01པ་ཤ་ར་དྭ་ཏིའི་བུ་དེ་བཞིན་དུ་སྐྱེ་བ་མ་མཆིས་པ་དང་། འགག་པ་མ་མཆིས་པ་དང་། མཚན་ཉིད་མ་མཆིས་པའི་ཆོས་ཐམས་ཅད་ལ་ཡང་གང་གིས་ཡོངས་སུ་དྲིས་པ་དང་། གང་གིས་ལན་བཏབ་པ་དེ་གཉི་ག་ཡང་དམིགས་སུ་མ་མཆིས་ལགས་སོ། །ཤ་ར་དྭ་ཏིའི་
D191.061.0234a05.01བུས་སྨྲས་པ། བུ་མོ་འདི་ལྟར་ཁྱོད་ནི་བཟོད་པ་ཐོབ་ཅིང་བྱང་ཆུབ་སེམས་དཔའི་རྣམ་པ་དག་ཡོད་པ་ཁོ་ན་ཡིན་པས་ཁྱོད་ནི་རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བུ་མོས་སྨྲས་པ། བཙུན་
D191.061.0234a06.01པ་ཤ་ར་དྭ་ཏིའི་བུ་བྱང་ཆུབ་ཅེས་བགྱི་བ་དེ་ཡང་སྤྲོས་པ་ལགས་སོ། །མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་བགྱི་བ་དེ་ཡང་སྤྲོས་པ་ལགས་སོ། །ཉེ་བ་ཞེས་བགྱི་བའམ་རིང་བ་ཞེས་བགྱི་བ་དེ་ཡང་སྤྲོས་པ་ལགས་སོ། །བཙུན་པ་ཤ་ར་དྭ་ཏིའི་བུ་གང་འདི་སྐད་
D191.061.0234a07.01