完整藏文原文 · 德格版页 当前仅加载第 61 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །བྱེད་ལྡན་སེམས་ཅན་རྣམས་ཀྱི་ནི། །སྤྱོད་པ་མཆོག་དང་དམན་པ་དག །ཐུགས་གཅིག་གིས་ནི་རྟོགས་མཛད་དེ། །དེ་ཕྱིར་སངས་རྒྱས་ཞེས་བརྗོད་དོ། །ཆོས་ཀུན་རྣམ་པ་ཐམས་ཅད་དུ། །དེས་ནི་མི་མཁྱེན་ཅུང་ཟད་མེད། །ཡེ་ཤེས་ཀུན་གྱི་ཕ་རོལ་བྱོན། །དེ་ཕྱིར་
D191.061.0229b01.01སངས་རྒྱས་ཞེས་བརྗོད་དོ། །དེས་ནི་སེམས་ཅན་ཀུན་གྱི་སེམས། །ཐུགས་གཅིག་གིས་ནི་རྟོགས་གྱུར་ཀྱང་། །ཀུན་གྱི་སེམས་ལ་ནམ་དུ་ཡང་། །རློམ་པ་མི་མངའ་གཞན་དུ་ན། །སངས་རྒྱས་སྤྱོད་པ་སྦྱིན་པས་འཕགས། །ཚུལ་ཁྲིམས་སྤྱོད་པས་མཐོར་འཕགས་
D191.061.0229b02.01ཤིང་། །བཟོད་དང་བརྩོན་པས་མངོན་འཕགས་ལ། །བསམ་གཏན་ཤེས་རབ་ཡང་དག་འཕགས། །བཟོ་རྣམས་ཐམས་ཅད་ལེགས་བསླབས་པས། །དེས་ནི་མི་མཁྱེན་ཅུང་ཟད་མེད། །བྱམས་དང་ཐུགས་རྗེ་ཕུན་སུམ་ཚོགས། །དེ་ཕྱིར་སངས་རྒྱས་ཞེས་བརྗོད་དོ། །
D191.061.0229b03.01གང་གིས་བླ་མེད་འཁོར་ལོ་ཡི། །ཆོས་ཀྱི་འཁོར་ལོ་རབ་བསྐོར་ཅིང་། །ཞིང་རྣམས་བྱེ་བ་རྣམས་རིག་ལ། །བདག་མེད་རབ་ཏུ་བསྟན་མཛད་ཅིང་། །གང་གིས་སངས་རྒྱས་ཞིང་སྟོང་དང་། །བརྒྱ་དང་ཁྲག་ཁྲིག་སྙེད་རྣམས་དག །ལྗགས་ཀྱིས་རབ་ཏུ་ཁྱབ་མཛད་པ། །དེ་ཕྱིར་
D191.061.0229b04.01སངས་རྒྱས་ཞེས་བརྗོད་དོ། །ཞིང་རྣམས་བྱེ་བ་སྟོང་ཕྲག་ནི། །གང་གཱའི་བྱེ་མ་སྙེད་དག་ཏུ། །དབྱངས་ཀྱིས་གོ་བར་མཛད་པས་ན། །དེ་ཕྱིར་སངས་རྒྱས་ཞེས་བརྗོད་དོ། །འདྲེན་པས་ཕྱག་ནི་ཡ་གཅིག་གིས། །ཞིང་རྣམས་བྱེ་སྙེད་བླངས་མཛད་ཅིང་། །བསྐལ་པ་བྱེ་བར་
D191.061.0229b05.01དེ་བཞུགས་པས། །དེ་ཕྱིར་སངས་རྒྱས་ཞེས་བརྗོད་དོ། །ཞིང་རྣམས་སྟོང་ཕྲག་བྱེ་སྙེད་ན། །རི་བོ་ལྷུན་པོ་ཇི་སྙེད་པ། །སྐྲ་ཉག་གཅིག་གིས་དེ་སྦམས་ཤིང་། །ཞིང་རྣམས་བྱེ་བར་འཕེན་མཛད་ལ། །ཆོས་རྣམས་ཀུན་ལ་རང་བྱུང་ཞིང་། །གསན་ནས་གོ་འཕང་མཆོག་
D191.061.0229b06.01བརྙེས་ལ། །སེམས་ཅན་བཅིང་བ་རྣམ་འགྲེལ་བས། །དེ་ཕྱིར་སངས་རྒྱས་ཞེས་བརྗོད་དོ། །དབང་ལྡན་གྱུར་ཅིང་སྟོབས་བཅུ་མངའ། །མི་བསྙེངས་རྟོགས་པར་ཐུགས་སུ་ཆུད། །སངས་རྒྱས་ཆོས་ལ་ནེམ་ནུར་མེད། །དེ་ཕྱིར་སངས་རྒྱས་ཞེས་བརྗོད་དོ། །དབུ་ཡི་གཙུག་
D191.061.0229b07.01