完整藏文原文 · 德格版页 当前仅加载第 61 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་ཞེས་གསུང་བ་ནི་གནས་བརྟན་གང་དུ་བཞུད་པ་དེ་ཉིད་དུ་བདག་ཀྱང་མཆི་ལགས་སོ། །ཤ་ར་དྭ་ཏིའི་བུས་སྨྲས་པ། བུ་མོ་ཁོ་བོ་ནི་ཡངས་པ་ཅན་དུ་འཇུག་ལ་ཁྱོད་ནི་ཡངས་པ་ཅན་ནས་བྱུང་ན། འོ་ན་ཁྱོད་འདི་སྐད་དུ་གནས་བརྟན་གང་དུ་བཞུད་པ་དེ་ཉིད་
D191.061.0233a01.01དུ་བདག་ཀྱང་མཆི་ལགས་སོ་ཞེས་ཟེར་བ་དེ་ཇི་ལྟར་རིགས་པར་འགྱུར། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་ཁྱོད་ཞབས་གང་ནས་འདེག་ཅིང་གང་དུ་འཇོག་པར་མཛད་ལགས། ཤ་ར་དྭ་ཏིའི་བུས་སྨྲས་པ། བུ་མོ་ཁོ་བོ་ནི་རྐང་པ་ནམ་མཁའ་ལས་
D191.061.0233a02.01འདེག་ཅིང་ནམ་མཁའ་ཉིད་ལ་འཇོག་པར་བྱེད་དོ། །བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་བདག་ཀྱང་སུག་པ་ནམ་མཁའ་ལས་འདེག་ཅིང་ནམ་མཁའ་ཉིད་ལ་འཇོག་པར་བགྱིད་དེ། ནམ་མཁའི་ཁམས་ལ་ནི་ཐ་དད་པ་ཅུང་ཟད་ཀྱང་མ་མཆིས་པས། བཙུན་པ་
D191.061.0233a03.01ཤ་ར་དྭ་ཏིའི་བུ་དེའི་སླད་དུ་བདག་གིས་འདི་སྐད་ཅེས་ཁྱོད་གང་དུ་བཞུད་པ་དེ་ཉིད་དུ་བདག་ཀྱང་མཆི་ལགས་སོ་ཞེས་སྨྲས་སོ། །བཙུན་པ་ཤ་ར་དྭ་ཏིའི་བུ་ཁྱོད་གར་གཤེགས། ཤ་ར་དྭ་ཏིའི་བུས་སྨྲས་པ། བུ་མོ་ཁོ་བོ་ནི་མྱ་ངན་ལས་འདས་པར་འགྲོའོ། །བུ་མོས་
D191.061.0233a04.01སྨྲས་པ། བཙུན་པ་ཤ་ར་དྭ་ཏིའི་བུ་ཆོས་ཐམས་ཅད་མྱ་ངན་ལས་འདས་པར་མཆི་བ་ལགས་པས་བདག་ཀྱང་དེར་མཆི་བ་ལགས་སོ། །ཤ་ར་དྭ་ཏིའི་བུས་སྨྲས་པ། བུ་མོ་གལ་ཏེ་ཆོས་ཐམས་ཅད་ཡོངས་སུ་མྱ་ངན་ལས་འདས་པར་འགྲོ་བ་ཡིན་ན། འོ་ན་ཁྱོད་ཅིའི་ཕྱིར་
D191.061.0233a05.01ཡོངས་སུ་མྱ་ངན་ལས་འདས་པར་མི་འགྲོ། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་ཡོངས་སུ་མྱ་ངན་ལས་འདས་པར་མཆི་བ་ནི་ཡོངས་སུ་མྱ་ངན་ལས་མི་འདའ་ཞིང་ཡོངས་སུ་མྱ་ངན་ལས་འདས་པར་མཆི་བ་ལ་ནི་སྐྱེ་བ་དང་འཇིག་པ་ཡང་མ་མཆིས་ལ། ཡོངས་སུ་མྱ་
D191.061.0233a06.01ངན་ལས་འདས་པར་མཆི་བ་ལ་མ་གཏོགས་པར་ཡང་གང་ཡོངས་སུ་མྱ་ངན་ལས་འདའ་བར་འགྱུར་བ་འགའ་ཡང་མ་མཆིས་ལགས་སོ། །དེ་ཅིའི་སླད་དུ་ཞེ་ན། ཡོངས་སུ་མྱ་ངན་ལས་འདའ་བར་མཆི་བ་ཉིད་ཡོངས་སུ་མྱ་ངན་ལས་འདས་པ་ལགས་པའི་སླད་དུའོ། །དེ་སྐད་ཅེས་
D191.061.0233a07.01