完整藏文原文 · 德格版页 当前仅加载第 61 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་དེ་རིང་བདུད་བཞི་ཕམ་བགྱིས་ཤིང་། །ཉོན་མོངས་བདུད་དང་འཆི་བདག་བདུད་ཆེན་དང་། །གང་གིས་ཕུང་པོ་ལྷ་བུ་མང་པོའི་བདུད། །ཕམ་པར་བགྱིས་སམ་ཅི་སླད་ཁྱོད་འཛུམ་མཛད། །དེ་རིང་སུ་ཞིག་དོན་ཆེན་ཡངས་འགྱུར་ཞིང་། །སུ་ཞིག་ཆོས་ལོ་
D191.061.0240b01.01ལེགས་བགྱིད་མིའི་སེང་གེ། །དེ་རིང་སུ་ཡི་སྒྲ་ནི་ཕྱོགས་རྣམས་མཆི། །ཐུབ་དབང་ཅི་སླད་འཛུམ་པ་རབ་ཏུ་མཛད། །ཀུན་མཁྱེན་མི་དགེ་ཐམས་ཅད་རབ་སྤངས་པ། །སེམས་ཅན་ཀུན་ལ་མཚུངས་པར་བྱམས་པ་པོ། །གཡོ་བ་ཀུན་དང་རྟོག་པ་རྣམ་སྤངས་པ། །དྲང་
D191.061.0240b02.01སྲོང་ཆེན་པོ་ཅི་སླད་འཛུམ་པ་མཛད། །དེ་རིང་སུ་ཞིག་ཡངས་པ་ཆེན་པོ་ཐོབ། །དེང་སུའི་སེམས་ཀྱི་སྨོན་པ་ལེགས་འགྲུབ་ཅིང་། །དེང་སུའི་སྟོབས་བཅུ་རྣམས་དང་ལྡན་པར་འགྱུར། །དགྲ་ཐུལ་ཅི་སླད་འཛུམ་པ་རབ་ཏུ་མཛད། །མཁའ་ལ་གནས་པ་ལྷ་ཀླུ་བྱེ་བ་
D191.061.0240b03.01དང་། །གནོད་སྦྱིན་མཁའ་ལྡིང་ལྟོ་འཕྱེ་ཆེར་བཅས་དང་། །ས་ལ་ཐལ་སྦྱར་སྐྱེས་པ་བུད་མེད་རྣམས། །དགའ་ཞིང་ལྷ་མི་དབང་པོ་ཟླ་བ་ལྟ། །རྫོགས་པའི་བྱང་ཆུབ་སེམས་དཔའ་མང་པོ་ནི། །དམ་ཆོས་འཚལ་བ་རྒྱ་མཚོ་ལྟ་བུ་དག །ཕྱོགས་བཅུ་དག་ནས་ལྷགས་
D191.061.0240b04.01ནས་དགྲ་ཐུལ་བ། །ཡོངས་དག་ཐུགས་མངའ་འཛུམ་དོན་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་ཕྱིར་ཚིགས་སུ་བཅད་དེ་བཀའ་སྩལ་པ། གང་གི་རྒྱལ་བའི་ཆོ་འཕྲུལ་མཆོག་མཐོང་ནས། །བྱང་ཆུབ་ཕྱིར་ནི་རྒྱ་ཆེན་སེམས་སྐྱེད་ཅིང་། །ང་ཡི་མདུན་
D191.061.0240b05.01ན་ཐལ་སྦྱར་གང་འདུག་པ། །མདུན་གྱི་བུ་མོ་མཐོང་ངམ་ཀུན་དགའ་བོ། །འདིས་ནི་སྔོན་གྱི་སྲིད་པར་རྟག་ཏུ་ཡང་། །རྒྱལ་བ་སུམ་བརྒྱ་ལེགས་པར་མཆོད་བྱས་ཤིང་། །ཇི་ལྟར་བདག་ནི་བྱང་ཆུབ་མཆོག་རེག་ཅེས། །རྒྱལ་བ་དེ་དག་ཀུན་ལ་མངོན་སུམ་ཞུས། །
D191.061.0240b06.01ནམ་ཡང་ལན་འགའ་ངན་འགྲོར་མ་སོང་ཞིང་། །འདི་ནི་རྟག་ཏུ་ལྷ་མིའི་འཇིག་རྟེན་སྐྱེས། །ནམ་ཡང་བྱང་ཆུབ་སེམས་ནི་མ་བརྗེད་ཅིང་། །འཆི་དུས་བྱས་ཀྱང་རྟག་ཏུ་ཚེ་རབས་དྲན། །རྒྱལ་བ་འོད་སྲུང་ཞེས་བྱ་མཐོང་ནས་ནི། །ཁང་{བཟངས་,བཟང་}སྟེང་ནས་མཛེས་པའི་ལུས་
D191.061.0240b07.01