完整藏文原文 · 德格版页 当前仅加载第 61 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོར་བལྟར་མི་མཐོང་། །སྤྱན་ལྔ་དག་དང་ལྡན་པ་དང་། །སྟོབས་དང་དབང་པོ་ལྔ་མངའ་ཞིང་། །བྱང་ཆུབ་ཡན་ལག་ལམ་ལ་གནས། །ངང་ཚུལ་བཟང་ཞིང་འགྲོགས་ན་བདེ། །ཞི་ཞིང་དུལ་ལ་བླ་ན་མེད། །གཡོ་མེད་དྲང་པོ་གསལ་བ་སྟེ། །དེ་ཕྱིར་
D191.061.0230a01.01སངས་རྒྱས་ཞེས་བརྗོད་དོ། །དེ་ནི་རྟག་ཏུ་མཉམ་གཞག་ཅིང་། །དེ་ལ་གཡེང་བ་མི་མངའ་ལ། །སེམས་ཅན་དོན་གྱི་དུས་སུ་གསུང་། །དེ་ཕྱིར་སངས་རྒྱས་ཞེས་བརྗོད་དོ། །ཡོན་ཏན་ཀུན་དང་ལེགས་ལྡན་ཞིང་། །དེ་ནི་འགྲོ་བའི་མཆོད་རྟེན་ཏེ། །ཐམས་ཅད་
D191.061.0230a02.01མཁྱེན་ཅིང་ཐམས་ཅད་གཟིགས། །དེ་ཕྱིར་སངས་རྒྱས་ཞེས་བརྗོད་དོ། །ང་ཡིས་བསྐལ་པའམ་ཡང་ན་ནི། །བསྐལ་པ་བྱེ་བ་ཕྲག་བརྒྱར་ཡང་། །གང་ཕྱིར་སངས་རྒྱས་དེ་དོན་བརྗོད། །དེ་ཕྱིར་སངས་རྒྱས་ཞེས་བརྗོད་དོ། །དེ་ནས་བུ་མོ་ཟླ་མཆོག་དགའ་ཞིང་མགུ་ལ་
D191.061.0230a03.01ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་དེ་བཞིན་གཤེགས་པ་བལྟ་བས་ཡོངས་སུ་སྐོམ་པར་གྱུར་ཏེ། དེ་བཞིན་གཤེགས་པའི་སྐུ་དེ་ལ་ཕྱིར་ཚིགས་སུ་བཅད་དེ་གསོལ་པ། གང་གི་ཡོན་ཏན་དེ་འདྲ་བའི། །རྫོགས་སངས་དེ་(བལྟར་,ལྟར་)རྔོ་
D191.061.0230a04.01ཐོགས་སམ། །ཆོས་འདི་ཐོས་ན་མཁས་པ་ནི། །སུ་ཞིག་སྐད་འགའང་ཁྱིམ་ལ་དགའ། །ཇི་སྲིད་བདེ་གཤེགས་མ་མཐོང་བར། །བདག་ནི་རྨུགས་དང་གཉིད་སྤོང་ཞིང་། །ཟས་དང་སྐོམ་ཡང་མི་འཚལ་ལ། །སྟན་ལའང་མཆིས་པར་མི་བགྱིད་དོ། །བདག་གིས་ཁྱོད་
D191.061.0230a05.01མཐོང་ཤིན་ཏུ་རངས་གྱུར་ཅིང་། །ཡོན་ཏན་བདག་ཉིད་ཐོས་ནས་བདག་རབ་དང་། །མངོན་སུམ་སངས་རྒྱས་དེ་ནི་མཐོང་འགྱུར་ལ། །སླར་ཞིང་མཚུངས་མེད་དགའ་བར་འགྱུར་ལགས་གྲང་། །བསྐལ་པ་སྟོང་ཕྲག་བྱེ་བར་འཇིག་རྟེན་ན། །སྐྱེས་བུ་མཆོག་རྣམས་
D191.061.0230a06.01མཐོང་བ་ཤིན་ཏུ་དཀོན། །དགྲ་བཅོམ་དེའི་མཚན་དེང་ཐོས་བདག་གིས་ནི། །རྙེད་པ་ལེགས་རྙེད་བདག་གིས་རྒྱལ་བ་བལྟ། །སྤྲུལ་པ་དེ་ཡིས་དེ་ལ་འདི་སྐད་སྨྲས། །སེམས་ཅན་མཆོག་དེ་ཚལ་ཆེན་ནང་ན་བཞུགས། །དེ་ཡི་དགེ་འདུན་སྟོང་ཕྲག་བརྒྱད་པོ་དག །དཔའ་བོ་
D191.061.0230a07.01