完整藏文原文 · 德格版页 当前仅加载第 61 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་ཟླ་མཆོག་གི་ལག་པ་གཡས་པར་དེ་བཞིན་གཤེགས་པའི་སྐུ་པད་མ་ལ་བཞུགས་པ་བྱུང་བར་གྱུར་པ་གང་ཡིན་པ་དེ་པད་མའི་གདན་དེ་ལས་མངོན་པར་འཕགས་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཉིད་ཀྱི་སྐུ་ལྟེ་
D191.061.0238a01.01བའི་ཁུང་དུ་ཞུགས་སོ། །དེ་ནས་དེའི་མོད་ལ་སངས་རྒྱས་ཀྱི་མཐུས་ས་ཆེན་པོ་རབ་ཏུ་གཡོས་པར་གྱུར་ཅིང་། བཅོམ་ལྡན་འདས་ཀྱི་སྤུའི་ཁུང་བུ་ཐམས་ཅད་ནས་པད་མ་གསེར་གྱི་མདོག་ཏུ་སྣང་བ། སྡོང་བུ་རྣམས་ནི་གསེར། འདབ་མ་རྣམས་ནི་དངུལ། སྙིང་པོ་རྣམས་ནི་
D191.061.0238a02.01རིན་པོ་ཆེ་དཔལ་གྱི་སྙིང་པོ་ལས་གྲུབ་པ་དག་བྱུང་བར་གྱུར་ཏོ། །པད་མ་དེ་དག་ལ་ཡང་དེ་བཞིན་གཤེགས་པའི་སྐུ་མཚན་གྱིས་ལེགས་པར་བརྒྱན་པ་པད་མ་ལ་བཞུགས་པ་དག་ཀུན་ཏུ་སྣང་བར་གྱུར་ཅིང་། དེ་བཞིན་གཤེགས་པའི་སྐུ་དེ་དག་ཀྱང་ཕྱོགས་བཅུའི་འཇིག་རྟེན་གྱི་
D191.061.0238a03.01ཁམས་མཐའ་ཡས་མུ་མེད་པ་དག་ཏུ་གཤེགས་ཏེ་སངས་རྒྱས་མེད་པའི་འཇིག་རྟེན་གྱི་ཁམས་དག་ན་ཆོས་སྟོན་པར་ཀུན་ཏུ་སྣང་ཞིང་། འདི་ལྟ་སྟེ། སངས་རྒྱས་ཀྱི་མཐུས་ཆོས་སྟོན་པ་དེ་དག་ཀྱང་འདིར་ཀུན་ཏུ་གྲག་གོ། །དེ་ནས་བུ་མོ་ཟླ་མཆོག་གིས་དེ་ལྟ་བུའི་ཆོ་འཕྲུལ་
D191.061.0238a04.01ཆེན་པོ་མཐོང་ནས་དགའ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་དེས་ལག་པ་གཡས་པ་ན་ཐོགས་པར་གྱུར་པའི་པད་མ་གང་ཡིན་པ་དེ་བཅོམ་ལྡན་འདས་ག་ལ་བ་དེ་ལོགས་སུ་འཕངས་སོ། །འཕངས་མ་ཐག་ཏུ་པད་མ་དེ་མེ་ཏོག་གི་ཁང་
D191.061.0238a05.01པ་བརྩེགས་པ་གྲུ་བཞི་ལྷམ་པ་ཀ་བ་བཞི་ཟུག་པ། ཆ་མཉམ་པ་ཤིན་ཏུ་རྣམ་པར་བྱེ་བ་ཞིག་ཏུ་གྱུར་ཏེ། བཅོམ་ལྡན་འདས་ཀྱི་དབུའི་གཙུག་གི་དྲང་ཐད་ཀྱི་སྟེང་གི་ནམ་མཁའ་ལ་འདུག་པར་གྱུར་ཏོ། །ཁང་པ་བརྩེགས་པ་དེར་ཡང་ཁྲི་གདན་རྐང་པ་རིན་པོ་ཆེས་སྤྲས་པ། ལྷའི་རས་བཅོས་བུ་འབུམ་ཕྲག་
D191.061.0238a06.01དུ་མ་བཏིང་བ་ཞིག་བྱུང་བར་གྱུར་ཏོ། །ཁྲི་གདན་དེ་ལ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཅི་འདྲ་བ་དེ་འདྲ་བའི་དེ་བཞིན་གཤེགས་པའི་སྐུ་ཞིག་བཞུགས་པར་ཡང་ཀུན་ཏུ་སྣང་ངོ་། །དེས་པད་མ་དེ་འཕངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་
D191.061.0238a07.01