完整藏文原文 · 德格版页 当前仅加载第 47 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ངོ་། །གང་གིས་སེམས་ཅན་ཀུན་འབྱུང་བའི་རིགས་པ་གཞན་གང་དག་ཡོད་དམ་ཞེས་མཐའ་གཉིས་པོ་འདི་ལ་བརྟེན་ནས་བློ་རྣམ་པར་དཔྱོད་དོ། །དེ་དེ་ལྟར་ཚུལ་བཞིན་ཡིད་ལ་བྱས་པས་ཤེས་རབ་ཀྱི་མིག་སྐྱེས་ནས། འདི་ལ་སེམས་ཅན་མེད་ཅིང་ཉོན་མོངས་པ་དག་ལས་
D99.047.0270b01.01ལས། ལས་དག་ལས་རྣམ་པར་སྨིན་པ་ཡང་དག་པར་འགྲུབ་པར་འགྱུར་ཏེ། དེ་ལས་ཀྱང་རྣམ་པར་ཤེས་པའོ། །མ་རིག་པ་དང་སྲེད་པ་ནི་ཉོན་མོངས་པ། འདུ་བྱེད་དང་སྲིད་པ་ནི་ཞིང་། ཉེ་བར་ལེན་པ་ནི་སེར། མྱུ་གུ་ནི་སྐྱེ་བ་སྟེ། དེ་ལ་སྡུག་བསྔལ་དང་། རྒ་ཤི་དང་མྱ་ངན་དང་། སྨྲེ་སྔགས་འདོན་
D99.047.0270b02.01པ་དང་། འཁྲུག་པ་རྣམས་འབྱུང་ཞིང་དེ་བཞིན་དུ་སྡུག་བསྔལ་གྱི་ཤིང་འདི་འབྱུང་བར་འགྱུར་རོ། །དེ་བཞིན་དུ་སྔོན་མ་ཐོས་པའི་ཆོས་འདི་རྣམས་ལ་རྐྱེན་ལས་མ་གཏོགས་པ་འདིར་ཆོས་གང་ཡང་སྐྱེ་བའམ། འགག་པ་མེད་དོ། །འདི་ལྟ་སྟེ་འདི་ཡོད་པས་འདི་འབྱུང་། འདི་སྐྱེས་པའི་ཕྱིར་འདི་
D99.047.0270b03.01སྐྱེ་སྟེ། འདི་ལྟ་སྟེ་མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་ནས་རྒ་ཤིའི་བར་དུ་སྟེ། དེ་བཞིན་དུ་སྡུག་བསྔལ་གྱི་ཕུང་པོ་འདི་འབའ་ཞིག་པོ་འབྱུང་བར་འགྱུར་ཞིང་། བདག་སེམས་པར་མི་བྱེད། གཞན་སེམས་པར་མི་བྱེད་དོ། །
D99.047.0270b04.01དེ་འདིའི་རྐྱེན་གཞན་ལས་ཇི་ལྟར་འགྱུར། དེ་བཞིན་དུ་རྒ་ཤིའི་བར་ཡོངས་སུ་ཤེས་པར་བྱེད་དོ། །དེ་འདི་སྙམ་དུ་སེམས་སོ། །ཀྱེ་མ་འཇིག་རྟེན་གནས་པ་འདི་ནི་འཁྲུལ་པའོ་སྙམ་ནས། དེ་ཏིང་ངེ་འཛིན་དེ་ལས་ལངས་ཏེ། འཁོར་བརྒྱ་སྟོང་ཕྲག་དུ་མའི་དབུས་སུ་འདུག་ནས་ཆོས་འདི་སྟོན་པར་བྱེད་དོ། །
D99.047.0270b05.01གྲོགས་པོ་དག་འདི་ལ་སེམས་ཅན་གང་སྐྱེ་བའམ། འགག་པ་གང་ཡང་མེད་དེ། ཁྱེད་ཅག་ཆོས་རྣམས་ཀྱི་ངོ་བོ་ཉིད་ཡང་དག་པ་ཇི་ལྟ་བ་བཞིན་སོ་སོར་རྟོགས་ཤིང་། ངོ་བོ་ཉིད་མེད་པ་དེ་ནི་ཆོས་རྣམས་ཀྱི་ངོ་བོ་ཉིད་དོ། །དེ་ཆོས་རྣམས་ཀྱི་ངོ་བོ་ཉིད་རབ་ཏུ་སྟོན་པ་ན་སྲོག་ཆགས་ཁྲག་ཁྲིག་གྲངས་མེད་པ་
D99.047.0270b06.01དག་གིས་འདི་ལ་ཆོས་གང་ཡང་སྐྱེ་བའམ། འགག་པ་མེད་པར་ཆོས་རྣམས་ཀྱི་ངོ་བོ་ཉིད་རྣམ་པར་ཤེས་ཤིང་དེ་དག་མི་སྐྱེ་བའི་ཆོས་ལ་བཟོད་པ་ཐོབ་བོ། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་དྲང་སྲོང་ཤེས་རབ་རྙོག་པ་མེད་པ་ཞེས་བྱ་བར་གྱུར་པ་དེ་གཞན་ཡིན་པར་སེམས་ན། ཁྱོད་
D99.047.0270b07.01