完整藏文原文 · 德格版页 当前仅加载第 47 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་འདི་དག་བདུད་ཀྱིས་བཅིངས་མཐོང་ནས། །སྙིང་རྗེ་བསྐྱེད་དེ་དཀའ་ཐུབ་མཆོག་ལ་སྤྱོད། །སྟོན་པའི་གསུང་གིས་ཀླུ་དེ་དགའ་གྱུར་ནས། །གཞལ་དུ་མེད་པའི་དགའ་བས་སེམས་རངས་ཏེ། །རྒྱལ་བ་ཐུབ་ལ་མཁྱེན་པས་བསྟོད་ནས་སུ། །བྱང་ཆུབ་
D99.047.0130a01.01གཞོལ་བ་ལ་ནི་ཡིད་བསྐྱོད་དོ། །ཀླུ་ཡི་བདག་པོའི་བསམ་པ་ཐུགས་ཆུད་ནས། །འདྲེན་པས་བྱང་ཆུབ་མཆོག་ལ་ལུང་བསྟན་ཏོ། །ཀླུ་ནི་བྱེ་བ་བྱང་ཆུབ་མཆོག་ལ་གནས། །འཇིག་རྟེན་མཁས་པས་བྱང་ཆུབ་དེ་ལུང་བསྟན། །དེ་ནས་ཀླུའི་རྒྱལ་པོ་ཉི་མའི་སྙིང་པོས་བཅོམ་ལྡན་
D99.047.0130a02.01འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། འདྲེན་པ་ཐབས་ལ་མཁས་པ་བདག་ལ་གསུངས། །ཐབས་གང་གིས་ནི་སྤྱོད་པ་སྤྱད་བགྱིས་ན། །བྱང་ཆུབ་སེམས་དཔའ་བྱང་ཆུབ་ལས་མི་ལྡོག །མི་མཆོག་འདི་དག་བདག་ལ་བཀའ་སྩོལ་ཅིག །ཇི་ལྟར་
D99.047.0130a03.01ཡིད་ནི་རབ་ཏུ་མི་ལྡོག་པ། །བདེ་གཤེགས་གང་ཟག་མཆོག་ནི་ཁྱོད་ལས་སུ། །གང་དག་ཐོས་ནས་ཐབས་མཁས་མཉམ་པར་རྩོམ། །སྤྱད་པ་སྤྱོད་པ་རྣམས་ནི་སྐྱོ་མི་འགྱུར། །འགྲོ་བ་མི་མཁས་ལམ་ངན་ཞུགས་པ་ཡི། །འགྲོ་བ་རྣམ་པར་ཉམས་ལ་སྙིང་རྗེ་བསྐྱེད། །འགྲོ་ལ་
D99.047.0130a04.01ཕན་ཕྱིར་རྫོགས་པའི་སངས་རྒྱས་ཆོས། །བདག་ཉིད་ཡོངས་སུ་བཏང་སྟེ་ཚོལ་བར་བྱེད། །ཆོས་རྣམས་ཀྱི་ནི་ངོ་བོ་ཤེས་པ་ན། །བདག་ཉིད་གཏོང་ལ་ཞུམ་པར་མི་འགྱུར་རོ། །ཆོས་ནི་གཡོ་བ་མེད་པར་ཤེས་པ་ན། །དེ་བཞིན་སེམས་ཅན་རྣམས་ལ་རབ་ཏུ་སྟོན། །ཆུང་མ་བུ་དང་
D99.047.0130a05.01བུ་མོ་བདག་ཉིད་ཀྱི། །མགོ་ཡང་ཡོངས་སུ་གཏོང་ལ་མི་ཞུམ་མོ། །དེ་ནི་གང་དུའང་གནས་པར་མི་འཇུག་སྟེ། །བདག་མེད་འདུ་ཤེས་ཀྱིས་ནི་ཡིད་ལ་གནས། །དེ་ནི་ཕུང་པོ་བདག་མེད་རབ་ཏུ་སྟོན། །ཟང་ཟིང་མེད་པའི་བདེ་བའི་མཆོག་འཐོབ་བོ། །དེ་ཚེ་སེམས་ཅན་བྱེ་བ་དཔག་མེད་
D99.047.0130a06.01དག །སྨིན་པར་བྱེད་ལ་དགའ་ཞིང་ཞུམ་པ་མེད། །སྟོན་པའི་གསུང་གིས་ཀླུ་དེ་མགུ་གྱུར་ནས། །སངས་རྒྱས་ལ་ནི་སྙིང་ནས་སྐྱབས་སོང་ཞིང་། །བྱང་ཆུབ་གཞོལ་ལ་ཡིད་ནི་བསྐྱེད་པ་དང་། །འཇིག་རྟེན་མཁས་པས་བྱང་ཆུབ་དེ་ལུང་བསྟན། །དེ་ནས་ཀླུའི་རྒྱལ་པོ་གཟུང་བར་དཀའ་བས་བཅོམ་
D99.047.0130a07.01