完整藏文原文 · 德格版页 当前仅加载第 47 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་ནས་དགེ་བའི་རྩ་བ་དཔག་ཏུ་མེད་པ་དག་མངོན་པར་འདུས་བྱས་སོ། །མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་པ་ནས། དེའི་ཕ་རོལ་གྱི་ཡང་ཆེས་ཕ་རོལ་ན་དྲང་སྲོང་གདོལ་པ་ཡིད་འོང་ཞེས་བྱ་བ། རྫུ་འཕྲུལ་ཆེ་ཞིང་གཟི་བརྗིད་ཆེ་ལ། མཐུ་
D99.047.0245a01.01ཆེ་བ་ལྔ་མངོན་པར་ཤེས་པ་ཞིག་བྱུང་ངོ་། །དེ་ནས་གཅིག་པུ་དབེན་པར་སོང་ནས་ནང་དུ་ཡང་དག་འཇོག་ལ་ཞུགས་ཏེ། དེ་འདི་སྙམ་དུ་སེམས་སོ། །ཆོས་འདི་དག་ལ་རིགས་དང་རུས་སུ་བརྟག་པ་མེད་དེ། ཆོས་ཉིད་ལ་ཆོས་སུ་བརྟག་པ་མེད་ཅིང་ཆོས་མ་ཡིན་པ་ཡང་མེད། ཆོས་འདི་དག་ལ་
D99.047.0245a02.01ཡོན་ཏན་ཉིད་ཀྱིས་བརྟག་པ་མེད་ཅིང་ཡོན་ཏན་མ་ཡིན་པ་ཡང་མེད། གང་དང་གང་དུ་ཆོས་དམིགས་པ་ཉིད་དེ་ཆོས་གནས་པ་ཞེས་བྱ་སྟེ། ཡོན་ཏན་ནི་གང་ཡིན་ཡོན་ཏན་མ་ཡིན་པ་ནི་གང་ཡིན། གང་འཆི་བའི་ཚེ་སེམས་འགྱོད་པ་དེ་ནི་ཡོན་ཏན་མ་ཡིན་ནོ། །གང་འཆི་བའི་ཚེ་སེམས་བདེ་བ་
D99.047.0245a03.01དེ་ནི་ཡོན་ཏན་ནོ། །དེ་ལྟ་བས་ན་མཁས་པས་ལས་མངོན་པར་འདུ་བྱེད་ན་ལས་དེ་མངོན་པར་འདུ་བྱའོ། །གང་སེམས་བདེ་བ་མངོན་པར་འདུ་བྱེད་པ་དེ་ནི་སྐྲག་པ་མེད་ཅིང་དངངས་པར་མི་འགྱུར་རོ། །སྙམ་ནས་དེའི་ཚེ་ཏིང་ངེ་འཛིན་དེ་ལས་ལངས་ནས་ཕྱོགས་བཅུའི་འཇིག་རྟེན་དུ་སོང་སྟེ།
D99.047.0245a04.01སེམས་ཅན་དེ་དག་ལ་སྒྲ་དབྱངས་འདི་སྐད་བསྒྲགས་སོ། །མཁས་པ་དག་ནི་མི་སྐྱེ་བའི་ཆོས་ལ་མི་སྐྲག་མི་དངང་། དངང་བར་མི་འགྱུར་ཏེ། གང་འདི་ལྟར་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་དེ་དག་ནི་སྐྲག་པར་རིག་པར་བྱའོ། །དེ་ཅིའི་ཕྱིར་ཞེ་ན། ཆོས་ཀྱི་ངོ་བོ་གང་ཡང་མི་དམིགས་ཏེ།
D99.047.0245a05.01གང་ངོ་བོ་ཉིད་ཅན་དང་། གང་ངོ་བོ་ཉིད་མེད་པ་དེ་ལ་སྐྱེ་བ་མེད་ཅིང་འགག་པ་མེད་དོ། །དེ་ལ་གང་བཟོད་པར་འདོད་པ་ཕྱོགས་གཅིག་ངེས་པར་ཁས་ལེན་པ་འདི་ནི་མི་སྐྱེ་བའི་ཆོས་ལ་བཟོད་པ་ཞེས་བྱའོ། །དེ་ལ་ཁྱེད་ཅག་མ་སྐྲག་མ་དངང་དངས་པར་མ་བྱེད་ཅིག །བདུད་ཀྱི་སྤྱོད་ཡུལ་ལ་མ་སྤྱོད་མ་འཇུག་
D99.047.0245a06.01ཤིག །གང་ཡང་དག་པ་མ་ཡིན་པའི་ཆོས་ལ་ཡང་དག་པར་ཁས་ལེན་པ་དེ་ནི་བདུད་ཀྱི་སྤྱོད་ཡུལ་ཡིན་ནོ། །ངས་ཆོས་དེ་བཤད་པ་ན་སྲོག་ཆགས་ཁྲི་ཕྲག་དཔག་ཏུ་མེད་པ་དག་མི་སྐྱེ་བའི་ཆོས་ལ་བཟོད་པ་ཐོབ་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །མཽད་གལ་གྱི་བུ་དེ་ཇི་
D99.047.0245a07.01