完整藏文原文 · 德格版页 当前仅加载第 47 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་དུ་སེམས་ཅན་དེ་དག་གི་ཚེའི་ཚད་དེ་བཞིན་ངེས་ཏེ། ལོ་སྟོང་དུ་ཚེའི་ཚད་ངེས་པ་ནི་མ་ཡིན་ལ་ཚེ་དཔག་ཏུ་མེད་པར་གྱུར་ཏོ། །དེ་ཚེའི་ཚད་དུ་མ་ཕྱིན་པར་བར་དུ་འཆི་བའི་དུས་མི་བྱེད་དོ། །དེ་རྒྱལ་པོ་འོད་བྱེད་བློན་པོ་བདུན་སྟོང་ཙམ་དང་ལྷན་ཅིག །རྒྱལ་ཕྲན་ལྔ་སྟོང་ཙམ་དང་ལྷན་
D99.047.0176b01.01ཅིག་ཏུ་བཅོམ་ལྡན་འདས་དེ་བཞིན་གཤེགས་པ་སྤྱོད་པ་ཞི་བ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །བློན་པོ་བདུན་སྟོང་པོ་དེ་དག་གིས་ཀྱང་བཅོམ་ལྡན་འདས་དེ་བཞིན་གཤེགས་པ་སྤྱོད་པ་ཞི་བའི་
D99.047.0176b02.01ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས་བཅོམ་ལྡན་འདས་དེ་བཞིན་གཤེགས་པ་སྤྱོད་པ་ཞི་བ་དེ་ལ་ཚིགས་སུ་བཅད་པས་ཞུ་བ་ཞུས་པ། གཟུགས་ལ་ཇི་ལྟར་བརྟགས་ན་འདུན་པ་འདོད་ཆགས་མེད། །ཇི་ལྟར་གཟུགས་ལས་བྱུང་ན་ཕུང་གྲོལ་མྱ་ངན་མེད། །
D99.047.0176b03.01གཟུགས་ལས་བྱུང་ན་ཇི་ལྟར་ཕུང་པོ་སོ་སོར་རྟོག །ཇི་ལྟར་གཟུགས་དང་བྲལ་ཞིང་ཞི་བ་ཇི་ལྟར་ཚོལ། ཇི་ལྟར་བྱ་རྒྱལ་ཇི་ལྟར་སྒོང་སྦུབས་བྱ་བཞིན་དུ། །ཡུལ་ལ་མཐོང་བ་བཅོམ་ནས་དཔའ་བོ་ཇི་ལྟར་མཆི། །འཇིག་རྟེན་མི་དག་མེ་གསུམ་གྱིས་ནི་གདུངས་པ་ན། །མུན་ཀུན་བཅོམ་
D99.047.0176b04.01ནས་ཇི་ལྟར་མྱ་ངན་འདས་པར་མཆི། །ཕུང་པོ་ཁམས་དང་སྐྱེ་མཆེད་ཇི་ལྟར་ཡོངས་སུ་གཏོང་། །མེ་འབར་ཞི་བ་ལྟ་བུ་དབང་པོ་ཇི་ལྟར་དོར། །ལྷར་བཅས་འཇིག་རྟེན་ཇི་ལྟར་བླ་མེད་ཡོན་གནས་དང་། །དཔའ་བོ་ཡོན་སྤྱོད་ཇི་ལྟར་སེམས་ཅན་རབ་ཏུ་འགྲེལ། །མེ་ཞི་ལྟ་བུར་ཇི་ལྟར་འགྲོ་
D99.047.0176b05.01བར་འཇིགས་མ་མཆིས། །ལས་དང་ཉོན་མོངས་ཐམས་ཅད་ཀུན་ཏུ་ཇི་ལྟར་ཞི། །མྱ་ངན་འདས་པར་འགྲོ་བའི་སྐྱེ་བ་ཇི་ལྟར་འཐོབ། །གདུགས་དང་རྒྱལ་མཚན་བ་དན་མཆོག་གིས་མཆོད་པར་འགྱུར། །དེ་བཞིན་གཤེགས་པ་སྤྱོད་ཞི་བསྟན་པ་བདེ་བར་གཤེགས། །རྐང་གཉིས་
D99.047.0176b06.01མཆོག་གིས་ཆོས་ཀུན་གཟིགས་པས་དེ་ལུང་བསྟན། །ཤེས་རབ་ཀྱིས་བསལ་འདོད་ཆགས་ཞེ་སྡང་གཏི་མུག་སྤང་། །ཤེས་པས་ཕུང་པོ་ཤེས་བྱ་སེམས་ཅན་མེད་ཤེས་ཀྱིས། །ཆགས་པ་མར་མེ་ཟད་འདྲ་ཆགས་མེད་ཉེ་བར་ཞི། །ལྷ་མི་དྲི་ཟ་དེ་དག་འགྲོ་བ་མི་ཤེས་ཏེ། །ལས་དང་ཉོན་མོངས་
D99.047.0176b07.01