完整藏文原文 · 德格版页 当前仅加载第 47 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
དོན་དུ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་དགེ་བའི་རྩ་བ་རྣམ་པ་དུ་མ་མངོན་པར་འདུས་བྱས་ཏེ། སྦྱིན་པའི་ཕ་རོལ་ཏུ་ཕྱིན་པ་དང་ཡང་དག་པར་ལྡན་པར་བྱས། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་
D99.047.0213b01.01ཡང་དག་པར་ལྡན་པར་བྱས་སོ། །མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་ཅིང་གྲངས་མེད། བསམ་གྱིས་མི་ཁྱབ་གཞལ་དུ་མེད། གཞལ་གྱིས་མི་ལང་བའི་འཁོར་བ་དེའི་ཕ་རོལ་གྱི་ཡང་ཆེས་ཕ་རོལ་ན། དེད་དཔོན་སྙིང་རྗེ་ཅན་ཞེས་བྱ་བ་མཛངས་
D99.047.0213b02.01ཤིང་གསལ་ལ་ཡིད་གཞུངས། ཕྱོགས་དང་ཕྱོགས་མཚམས་ལ་མཁས། དོན་དང་དོན་མ་ཡིན་པ་ལ་མཁས། རྒྱུ་སྐར་དང་ཉིན་མོ་ལ་མཁས། སྐད་ཅིག་དང་ཐང་ཅིག་ཡུད་ཙམ་ལ་མཁས། ཐབས་དང་ཐབས་མ་ཡིན་པ་ལ་མཁས་པ་ཞིག་བྱུང་ངོ་། །དེ་སྡོམ་པ་མནོས་
D99.047.0213b03.01ཤིང་དགེ་མཚན་དང་བཀྲ་ཤིས་དང་ལྡན་པར་བྱས་ནས་ཚོང་པ་ལྔ་བརྒྱ་དང་ལྷན་ཅིག་ཏུ་རྒྱ་མཚོ་ཆེན་པོར་ཞུགས་སོ། །དེ་ཚོང་པ་དེད་དཔོན་གྱི་ཡོངས་སུ་འདྲེན་པ་ཡིན་ཏེ། དེ་ཚོང་པ་དེ་དག་དང་འཇིག་རྟེན་གྱི་གཏམ་སྨྲའོ། །འཇིག་རྟེན་གྱི་ཁམས་འདི་ནས་ཤར་ཕྱོགས་ལོགས་
D99.047.0213b04.01ཀྱི་འཇིག་རྟེན་གྱི་ཁམས་དཔག་ཏུ་མེད་པ་ན་ལ་ལ་ནི་སྐྱེ། ལ་ལ་ནི་འགག །ལ་ལ་ནི་འཇིག །ལ་ལ་ནི་འབྱུང་། ལ་ལ་ནི་ཞིག་ནས་འདུག །ལ་ལ་ནི་བྱུང་ནས་འདུག་སྟེ། གྲོགས་པོ་དག་འཇིག་རྟེན་གྱི་ཁམས་དེ་དག་གི་མཐའ་མེད་དོ། །དེ་བཞིན་དུ་ཕྱོགས་བཅུའི་འཇིག་
D99.047.0213b05.01རྟེན་གྱི་ཁམས་དེ་དག་ན་སེམས་ཅན་རིགས་ཕུན་སུམ་ཚོགས་པ་དག་ཡོད། སེམས་ཅན་རིགས་དམའ་བ་དག་ཡོད། སེམས་ཅན་ཁ་ཅིག་ནི་ཕྱུག །ཁ་ཅིག་ནི་དབུལ། སེམས་ཅན་ཁ་ཅིག་ནི་བྲན་བྱེད། ཁ་ཅིག་ནི་ཇོ་བོ་བྱེད་དེ། དེ་ལྟར་སྤྱི་ཤེས་པ་དང་། ཁྱད་པར་
D99.047.0213b06.01ཤེས་པ་རྣམ་པ་དུ་མ་འདི་ནི་འཇིག་རྟེན་ཤེས་པ་ཞེས་བྱའོ། །གྲོགས་པོ་དག་དེ་ལྟ་བས་ན་འཇིག་རྟེན་དང་འཇིག་རྟེན་ལས་འདས་པ་ཤེས་པ་ལ་འབད་པར་བྱའོ། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་དེད་དཔོན་སྙིང་རྗེ་ཅན་ཞེས་བྱ་བར་གྱུར་པ་དེ་གཞན་ཡིན་པར་
D99.047.0213b07.01