完整藏文原文 · 德格版页 当前仅加载第 47 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
དང་གང་དུ་གཤེགས་ནས་སླར་བཞུད་པའི་ཚེ་དེ་དག་ངུ་ཞིང་མཆི་མ་འབྱིན་ཏོ། །གང་དང་གང་དུ་གཤེགས་པ་དེ་དང་དེར་དགའ་བར་འགྱུར་ཏེ་ཡིད་དུ་འོང་ཞིང་བླ་མར་སེམས་སོ། །དེ་གང་དང་གང་དུ་ཆོས་སྟོན་པ་དེ་དང་དེར་སེམས་ཅན་བྱེ་བ་ཁྲག་ཁྲིག་མཐའ་ཡས་པ་དག་འདུལ་བར་འགྱུར་ཏེ།
D99.047.0190b01.01ལ་ལ་ནི་ཉན་ཐོས་ཀྱི་ཐེག་པས། ལ་ལ་ནི་རང་སངས་རྒྱས་ཀྱི་ཐེག་པས། ལ་ལ་ནི་བླ་ན་མེད་པ་སངས་རྒྱས་ཀྱི་ཐེག་པས་འདུལ་བར་མཛད་དོ། །དེ་བཞིན་གཤེགས་པ་དྲི་མེད་ཏོག་དེ་ཆོས་སྟོན་པ་ན་ཡན་ལག་བརྒྱད་དང་ལྡན་པའི་གསུང་ཞལ་ནས་འབྱུང་ཞིང་སྒྲ་དབྱངས་ཀྱི་ཡན་ལག་ལྔ་
D99.047.0190b02.01བརྒྱས་ཡང་དག་པར་བསྡུས་པ་དེ་མངོན་པར་བྱུང་བས་ཐམས་ཅད་དང་ལྡན་པའི་སངས་རྒྱས་ཀྱི་ཞིང་འདིར་མངོན་པར་གོ་བར་མཛད་དོ། །གང་གི་ཚེ་བཅོམ་ལྡན་འདས་དེ་བཞིན་གཤེགས་པ་དྲི་མེད་ཏོག་ཆོས་སྟོན་པ་དེའི་ཚེ་ཐམས་ཅད་དང་ལྡན་པའི་སངས་རྒྱས་ཀྱི་ཞིང་དེར་སྤོས་ཆུས་ཆག་ཆག་བཏབ་
D99.047.0190b03.01པར་འགྱུར་རོ། །དེ་བཞིན་གཤེགས་པ་དེའི་ཕྲིན་ལས་མངོན་པར་འདུ་མཛད་པས། གང་གི་ཚེ་བཅོམ་ལྡན་འདས་དེ་བཞིན་གཤེགས་པ་དྲི་མེད་ཏོག་དེ་ཆོས་སྟོན་པ་དེའི་ཚེ་བར་སྣང་ལས་ལྷའི་སིལ་སྙན་གྱི་སྒྲ་དག་རབ་ཏུ་འབྱུང་ངོ་། །དེ་ལ་སེམས་ཅན་གང་འདོད་པ་ལ་དགའ་བ་དེ་དག་ནི་
D99.047.0190b04.01ཡིད་དུ་འོང་བའི་སྒྲ་དབྱངས་སྙན་ཅིང་བདེ་བ་ལ་མངོན་པར་དགའ་བ་དག་ཐོས་སོ། །སྒྲ་དབྱངས་གང་ལྟ་བུ་ལ་དགའ་ཞིང་འདོད་པ་དེ་འདྲ་བའི་སྒྲ་ཐོས་སོ། །གལ་ཏེ་མྱ་ངན་ལས་འདས་པའི་དགའ་བ་འདོད་ན་དགའ་བ་དེ་ཁ་ན་མ་ཐོ་བ་མེད་ཅིང་བདེ་བར་སོ་སོ་ཡང་དག་པར་མྱོང་བར་འགྱུར་རོ། །
D99.047.0190b05.01སེམས་ཅན་གང་དག་ཆོས་འདོད་པར་གྱུར་ན་དེ་དག་མི་རྟག་པའི་སྒྲ་ཐོས་ཤིང་སྡུག་བསྔལ་གྱི་སྒྲ་དང་། བདག་མེད་པའི་སྒྲ་དང་། ཞི་བའི་སྒྲ་ཐོས་སོ། །མྱ་ངན་ལས་འདས་པའི་སྒྲ་ཐོས། སངས་རྒྱས་ཀྱི་སྒྲ་དང་། ཆོས་ཀྱི་སྒྲ་དང་། དགེ་འདུན་གྱི་སྒྲ་ཐོས་སོ། །སངས་རྒྱས་རྗེས་
D99.047.0190b06.01སུ་དྲན་པའི་སྒྲ་ཐོས་སོ། །དེ་བཞིན་དུ་སྦྱར་ཏེ། ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། གཏོང་བ་རྗེས་སུ་དྲན་པ་དང་། ལྷ་རྗེས་སུ་དྲན་པའི་སྒྲ་ཐོས་སོ། །དེ་བཞིན་གཤེགས་པ་དེའི་ཕྲིན་ལས་རྣམ་པར་སྨིན་པ་མངོན་པར་
D99.047.0190b07.01