完整藏文原文 · 德格版页 当前仅加载第 47 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། སེམས་ཅན་རྣམས་ཀྱི་སྟོབས་ཤེས་པ་ཇི་ལྟར་ཤེས་པར་བྱ་སྙམ་ནས། དགེ་བའི་རྩ་བ་རྣམ་པ་སྣ་ཚོགས་ཡིད་བཞིན་དཔག་ཏུ་མེད་པ་དག་མངོན་པར་འདུས་བྱས་སོ། །མཽད་གལ་གྱི་བུ་སྔོན་
D99.047.0228a01.01བྱུང་བ་འདས་པའི་དུས་འཁོར་བ་དཔག་ཏུ་མེད་པ་ནས་དེའི་ཕ་རོལ་གྱི་ཡང་ཆེས་ཕ་རོལ་ན་བྲམ་ཟེ་དབང་པོའི་ལྷ་ཞེས་བྱ་བ་ཤིང་སཱ་ལ་ཆེན་པོ་ལྟ་བུ། ཕྱུག་ཅིང་ནོར་མང་ལ་ལོངས་སྤྱོད་ཆེ་བ། མང་དུ་ཐོས་པ་རྣམས་ཡོངས་སུ་སྡུད་པ་ཤེས་པ་ལ་གུས་པ་ཞིག་བྱུང་སྟེ། དེ་དགེ་སྦྱོང་དང་
D99.047.0228a02.01བྲམ་ཟེ་འདོན་པ་ལ་ལྷག་པར་མོས་པ་རྣམས་ཡོངས་སུ་སྡུད་པ། བྱེ་བྲག་ཤེས་ཤིང་བློའི་སྟོབས་ཀྱི་བྱེ་བྲག་ཤེས་པ། བརྩོན་འགྲུས་ཀྱི་རིམ་པའི་བྱེ་བྲག་ཤེས་པ། ཤེས་པ་ལ་ལྷག་པར་མོས་པ་དེ་དག་ཐམས་ཅད་ཀྱི་བར་དུ་སྤྲོ་བར་བྱེད་པ། ཇི་ལྟར་ཤེས་པ་དག་ཆུད་ཟ་བར་མི་
D99.047.0228a03.01འགྱུར་སྙམ་ནས་མངོན་པར་བརྩོན་པ་རྣམས་ལ་རབ་ཏུ་སྤྲོ་བར་བྱེད་དོ། །དེས་སྲོག་ཆགས་སྟོང་ཕྲག་མང་པོ་དག་ཤེས་པ་སྣ་ཚོགས་མང་པོ་དག་ལ་རབ་ཏུ་བཙུད་དོ། །མཽད་གལ་གྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན་བྲམ་ཟེ་དབང་པོའི་ལྷ་ཞེས་བྱ་བ་ཤིང་སཱ་ལ་ཆེན་པོ་ལྟ་བུར་གྱུར་
D99.047.0228a04.01པ་དེ་གཞན་ཡིན་པར་སེམས་ན། ཁྱོད་ཀྱིས་དེ་ལྟར་མི་བལྟ་སྟེ། ང་དེའི་ཚེ་དེའི་དུས་ན། བྲམ་ཟེ་དབང་པོའི་ལྷ་ཞེས་བྱ་བ་ཤིང་སཱ་ལ་ཆེན་པོ་ལྟ་བུར་གྱུར་ཏོ། །ངས་སྲོག་ཆགས་སྟོང་ཕྲག་དཔག་ཏུ་མེད་པ་དེ་དག་ཤེས་པ་སྣ་ཚོགས་ལ་རབ་ཏུ་བཙུད་དོ། །དེའི་ཚེ་ང་ཤེས་པ་དང་ལྡན་ཞིང་
D99.047.0228a05.01སྟོབས་དང་སྟོབས་མ་ཡིན་པ་ཤེས་པ་རྣམ་པར་ཤེས་ལ། ད་ལྟར་ཡང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། སེམས་ཅན་ཐམས་ཅད་ཀྱི་སྟོབས་དང་སྟོབས་མ་ཡིན་པ་ཤེས་པ་མངོན་པར་རྫོགས་པར་ཐུགས་སུ་ཆུད་དོ། །དེར་ཡང་ང་ལྟ་བུ་
D99.047.0228a06.01མེད་པས་གང་གིས་ང་འཁོར་གྱི་ནང་དུ་སེང་གེའི་སྒྲ་བསྒྲག་གོ། །མཽད་གལ་གྱི་བུ་དེ་ལྟ་བས་ན་བྱང་ཆུབ་སེམས་དཔས་ཕ་རོལ་གྱི་སྟོབས་དང་སྟོབས་མ་ཡིན་པ་ཤེས་པ་ལ་མངོན་པར་བརྩོན་པར་བྱའོ། །བདག་ཉིད་ཀྱང་བསྟན་བཅོས་འདོན་པ་ཐམས་ཅད་ལ་ལྷག་པར་མོས་པར་བྱའོ། །མཽད་གལ་
D99.047.0228a07.01