完整藏文原文 · 德格版页 当前仅加载第 44 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ལྔ་བརྒྱ་ཐ་མ་ན་སྤྱོད་པར་གྱུར་ཅིག །བཅོམ་ལྡན་འདས་བདེན་པ་དང་བདེན་པའི་ཚིག་གང་གིས་ཆོས་བསྟན་པ་འདི་ལ་ཅུང་ཟད་ཀྱང་མ་སྨྲས། མ་བརྗོད། མ་བཤད། མ་བསྟན། མ་བརྟགས། མ་བསྒྲགས། མ་བསྙད། མ་
D80.044.0026a01.01སྨོས། མ་བཟླས་ཤིང་། ཆོས་བསྟན་པ་འདི་ལ་ཡི་གེ་གཅིག་ཀྱང་མ་བརྗོད་ལ། ཆོས་བསྟན་པ་འདི་གང་གིས་ཀྱང་མ་མཉན། འགའ་ཡང་ཉན་པར་མི་འགྱུར། འགའ་ཡང་རྣམ་པར་གྲོལ་བར་མི་འགྱུར་བའི་བདེན་པ་དང་བདེན་པའི་ཚིག་དེས་ཆོས་ཀྱི་རྣམ་གྲངས་
D80.044.0026a02.01འདི་མ་འོངས་པའི་དུས་ལྔ་བརྒྱ་ཐ་མ་ན་འཛམ་བུའི་གླིང་ན་སྤྱོད་པར་གྱུར་ཅིག །བཅོམ་ལྡན་འདས་བདེན་པ་དང་བདེན་པའི་ཚིག་གང་གིས་འདི་ལ་ཚུལ་ཁྲིམས་མ་མཆིས་པ་དང་། ཚུལ་ཁྲིམས་ཀྱི་འབྲས་བུ་མ་མཆིས་པ་དང་། ཏིང་ངེ་འཛིན་མ་མཆིས་པ་དང་།
D80.044.0026a03.01ཏིང་ངེ་འཛིན་གྱི་གནས་མ་མཆིས་པ་དང་། ཤེས་རབ་མ་མཆིས་པ་དང་། ཤེས་རབ་ཀྱི་དབང་པོ་མ་མཆིས་པ་དང་། རྣམ་པར་གྲོལ་བ་མ་མཆིས་པ་དང་། རྣམ་པར་གྲོལ་བའི་ཡེ་ཤེས་མ་མཆིས་པའི་བདེན་པ་དང་བདེན་པའི་ཚིག་དེས་ཆོས་ཀྱི་རྣམ་གྲངས་འདི་མ་འོངས་
D80.044.0026a04.01པའི་དུས་ལྔ་བརྒྱ་ཐ་མ་ན་འཛམ་བུའི་གླིང་ན་སྤྱོད་པར་གྱུར་ཅིག །བཅོམ་ལྡན་འདས་བདེན་པ་དང་བདེན་པའི་ཚིག་གང་གིས་བྱང་ཆུབ་སེམས་དཔའ་སྦྱིན་པ་སྩོལ་བར་མི་བགྱིད། ཚུལ་ཁྲིམས་སྲུང་བར་མི་བགྱིད། བཟོད་པ་སྒྲུབ་པར་མི་བགྱིད། བརྩོན་འགྲུས་རྩོམ་པར་
D80.044.0026a05.01མི་བགྱིད། བསམ་གཏན་རྣམས་སྒོམ་པར་མི་བགྱིད། ཤེས་རབ་སྤྱོད་པར་མི་བགྱིད། བྱང་ཆུབ་དོན་དུ་གཉེར་བར་མི་བགྱིད། ཡང་དག་པ་ལ་འཇུག་པར་མི་བགྱིད། བྱང་ཆུབ་ཐོབ་པར་མི་བགྱིད། སྟོབས་རྣམས་ཐོབ་པར་མི་བགྱིད། མི་འཇིགས་པ་
D80.044.0026a06.01རྣམས་ཐོབ་པར་མི་བགྱིད། དབང་པོ་རྣམས་ཐོབ་པར་མི་བགྱིད། སོ་སོ་ཡང་དག་པར་རིག་པ་རྣམས་ཐོབ་པར་མི་བགྱིད། ཆོས་ཀྱི་འཁོར་ལོ་སྐོར་བར་མི་བགྱིད། སེམས་ཅན་གྲོལ་བར་མི་བགྱིད། སྨྲ་བར་མི་བགྱིད་པའི་བདེན་པ་དང་བདེན་པའི་ཚིག་དེས་
D80.044.0026a07.01