完整藏文原文 · 德格版页 当前仅加载第 44 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
དགོངས་ཏེ་དེ་སྐད་སྟོན། འཇམ་དཔལ་གྱིས་སྨྲས་པ། ལྷའི་བུ་གང་བྱང་ཆུབ་སེམས་དཔའ་ནི་ཡི་གེ་གཅིག་དང་ཚིག་གཅིག་ལས་ཀྱང་མི་གཡོ་ལ། ཡི་གེ་དེ་ཉིད་དང་། ཚིག་དེ་ཉིད་ཀྱི་དོན་དང་། ཚུལ་དང་། སྒོ་དང་། ལམ་ཡང་ཡང་དག་པ་ཇི་ལྟ་བ་
D80.044.0015a01.01བཞིན་རབ་ཏུ་ཤེས་པར་བྱེད་དེ། འདི་ནི་སྟོང་པའོ་ཞེས་བྱ་བར་ཤེས་པར་བྱེད་དོ། །འདི་ནི་དབེན་པའོ་ཞེས་བྱ་བར་ཤེས་པར་བྱེད་དོ། །འདི་ནི་དངོས་པོ་མེད་པའོ་ཞེས་བྱ་བར་ཤེས་པར་བྱེད་དོ། །འདི་ནི་སྐྱེ་བ་མེད་པའོ་ཞེས་བྱ་བར་ཤེས་པར་བྱེད་ཅིང་། ཅི་ནས་ཀྱང་རྣམ་
D80.044.0015a02.01པར་ཤེས་པར་མི་བྱེད། རིག་པར་མི་བྱེད། ཚོར་བར་མི་བྱེད་པ་དེ་ལྟར་ཤེས་པར་བྱེད་པས་དེའི་ཕྱིར་ཚིག་ལྷུར་ལེན་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་དེ་ནི་འདི་ལྟ་སྟེ། གཟུངས་
D80.044.0015a03.01ཐོབ་པས་བསྟན་པ་ཡིན་ཏེ། ལེགས་སོ་ལེགས་སོ། །འཇམ་དཔལ་གྱིས་གསོལ་པ། བཅོམ་ལྡན་འདས་བདག་ནི་གཟུངས་ཐོབ་པ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བྱིས་པ་རྣམས་ནི་གཟུངས་ཐོབ་པ་ལགས་ཀྱི། སངས་རྒྱས་རྣམས་དང་།
D80.044.0015a04.01བྱང་ཆུབ་སེམས་དཔའ་རྣམས་ནི་གཟུངས་ཐོབ་པ་མ་ལགས་པའི་སླད་དུའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བྱིས་པ་རྣམས་ནི་འཛིན་པར་བགྱིད་པའི་སླད་དུ་སྟེ། ཅི་ཞིག་འཛིན་པར་བགྱིད་ཅེ་ན། བདག་ཏུ་འཛིན་པ་འཛིན་པར་བགྱིད་དོ། །སེམས་ཅན་དུ་འཛིན་
D80.044.0015a05.01པ་དང་། སྲོག་ཏུ་འཛིན་པ་དང་། གང་ཟག་ཏུ་འཛིན་པ་འཛིན་པར་བགྱིད་དོ། །ཆད་པར་འཛིན་པ་དང་། རྟག་པར་འཛིན་པ་དང་། འདོད་ཆགས་དང་། ཞེ་སྡང་དང་། གཏི་མུག་འཛིན་པར་བགྱིད་དོ། །མ་རིག་པ་དང་། སྲིད་པའི་སྲེད་པ་དང་། ཕུང་པོ་ལྔ་དང་།
D80.044.0015a06.01འཇིག་ཚོགས་དང་། ཁམས་བཅོ་བརྒྱད་དང་། ནང་གི་སྐྱེ་མཆེད་དྲུག་དང་། ཕྱིའི་སྐྱེ་མཆེད་དྲུག་འཛིན་པར་བགྱིད་དོ། །རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་དང་། ལྟ་བའི་རྣམ་པ་དག་འཛིན་པར་བགྱིད་དེ། བཅོམ་ལྡན་འདས་དེ་ལྟ་ལགས་པས་
D80.044.0015a07.01