完整藏文原文 · 德格版页 当前仅加载第 44 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན་དགེ་སློང་སུམ་སྟོང་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། །།བམ་པོ་བཞི་པ་སྟེ་ཐ་མ། དེ་ནས་ལྷའི་བུ་བློ་གྲོས་རབ་གནས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་དེ་
D80.044.0014b01.01ནི་འདི་ལྟ་སྟེ། ཕྱེ་བས་གོ་བ་ཟབ་མོ་ལ་བཟོད་པ་སྟོང་པ་ཉིད་ལ་གནས་པས་བསྟན་པ་ལགས་ཏེ། ལེགས་སོ་ལེགས་སོ། །འཇམ་དཔལ་གྱིས་སྨྲས་པ། ལྷའི་བུ་ཁོ་བོ་ནི་ཕྱེ་བས་གོ་བ་མ་ཡིན་གྱི་བྱིས་པ་སོ་སོའི་སྐྱེ་བོ་ཐམས་ཅད་ནི་ཕྱེ་བས་གོ་བ་ཡིན་ནོ། །དེ་ཅིའི་ཕྱིར་ཞེ་ན།
D80.044.0014b02.01འདི་ལྟར་དེ་དག་ནི་འབྱེད་པར་བྱེད་པ་ཡིན་པའི་ཕྱིར་རོ། །ཅི་ཞིག་འབྱེད་པར་བྱེད་ཅེ་ན། སེམས་ཅན་དམྱལ་བ་འབྱེད་པར་བྱེད་དོ། །དུད་འགྲོའི་སྐྱེ་གནས་འབྱེད་པར་བྱེད་དོ། །གཤིན་རྗེའི་འཇིག་རྟེན་འབྱེད་པར་བྱེད་དོ། །ཁམས་གསུམ་པ་འབྱེད་པར་བྱེད་དེ། དེ་ལྟར་ན་
D80.044.0014b03.01འབྱེད་པ་རྣམས་དང་། ཀུན་ཏུ་འབྱེད་པ་རྣམས་ཀྱི་འཁོར་བའི་སྔོན་གྱི་མཐའ་མི་མངོན་ནོ། །ལྷའི་བུ་བྱིས་པ་རྣམས་ནི་འདོད་ཆགས་ཀུན་ཏུ་འབྱེད་པར་བྱེད་དོ། །ཞེ་སྡང་ཀུན་ཏུ་འབྱེད་པར་བྱེད་དོ། །གཏི་མུག་ཀུན་ཏུ་འབྱེད་པར་བྱེད་དོ། །ལྟ་བ་ཀུན་ཏུ་འབྱེད་པར་བྱེད་དོ། །
D80.044.0014b04.01མིང་དང་གཟུགས་ཀུན་ཏུ་འབྱེད་པར་བྱེད་དོ། །ལྷའི་བུ་སངས་རྒྱས་རྣམས་ནི་ཕྱེ་བས་གོ་བ་མ་ཡིན་ནོ། །ཉན་ཐོས་རྣམས་ཀྱང་མ་ཡིན། རང་སངས་རྒྱས་རྣམས་ཀྱང་མ་ཡིན། བྱང་ཆུབ་སེམས་དཔའ་བཟོད་པ་ཐོབ་པ་རྣམས་ཀྱང་མ་ཡིན་གྱི་ལྷའི་བུ་བྱིས་པ་རྣམས་ནི་ཕྱེ་
D80.044.0014b05.01བས་གོ་བ་ཡིན་ནོ། །ལྷའི་བུས་སྨྲས་པ། འཇམ་དཔལ་འོ་ན་ཅི་ཁྱོད་རྣམ་པར་སྤྲོས་ན་གོ་བ་ལགས་སམ། འཇམ་དཔལ་གྱིས་སྨྲས་པ། ལྷའི་བུ་དེ་ནི་མ་ཡིན་ནོ། །ལྷའི་བུས་སྨྲས་པ། འཇམ་དཔལ་འོ་ན་བཀྲི་དགོས་པ་ལགས་སམ། འཇམ་དཔལ་གྱིས་
D80.044.0014b06.01སྨྲས་པ། ལྷའི་བུ་དེ་ནི་མ་ཡིན་ནོ། །ལྷའི་བུས་སྨྲས་པ། འཇམ་དཔལ་འོ་ན་ཚིག་ལྷུར་ལེན་པ་ལགས་སམ། འཇམ་དཔལ་གྱིས་སྨྲས་པ། ལྷའི་བུ་དེ་དེ་བཞིན་ཏེ། ཁོ་བོ་ནི་ཚིག་ལྷུར་ལེན་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཁྱོད་ཅི་ལས་
D80.044.0014b07.01