完整藏文原文 · 德格版页 当前仅加载第 44 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་ལ་ཆགས་པ་དེ་དག་གིས་སངས་རྒྱས་མཉེས་པར་བྱས། ཆོས་མཉེས་པར་བྱས། དགེ་འདུན་མཉེས་པར་བྱས་པ་ཡིན་ནོ། །གང་དག་གིས་སངས་རྒྱས་མི་དམིགས་པ་དེ་དག་ནི་སངས་རྒྱས་ལ་ཆགས་པ་མེད་པས་དེ་དག་གིས་སངས་རྒྱས་མཉེས་པར་མ་བྱས་
D80.044.0019b01.01པ་ཡིན་ནོ། །གང་དག་གིས་ཆོས་མ་དམིགས་པ་དེ་དག་ནི་ཆོས་ལ་ཆགས་པ་མེད་པས་དེ་དག་གིས་ཆོས་མཉེས་པར་མ་བྱས་པ་ཡིན་ནོ། །གང་དག་གིས་དགེ་འདུན་མ་དམིགས་པ་དེ་དག་ནི་དགེ་འདུན་ལ་ཆགས་པ་མེད་པས་དེ་དག་གིས་དགེ་འདུན་མཉེས་པར་མ་བྱས་པ་ཡིན་
D80.044.0019b02.01ནོ། །ལྷའི་བུ་མཉེས་པར་མ་བྱས་པ་མཉེས་པར་མ་བྱས་པ་ཞེས་བྱ་བ་དེ་ནི་འདོད་ཆགས་དང་བྲལ་བའི་གནས་ཡིན་ནོ། །དེ་ནི་ཀུན་དུ་སྦྱོར་བ་དང་བྲལ་བའི་གནས་ཡིན་ནོ། །དེ་ནི་རྣམ་པར་བཤིག་པའི་གནས་ཡིན་ནོ། །དེ་ནི་སེམས་དང་བྲལ་བའི་གནས་ཡིན་ནོ། །དེ་ནི་
D80.044.0019b03.01མ་བྱུང་བའི་གནས་ཡིན་ནོ། །དེ་ནི་རྣམ་པར་ངེས་པའི་གནས་ཡིན་ནོ། །དེ་ནི་ཡིད་བྱུང་བར་མ་བྱས་པའི་གནས་ཡིན་པས་དེའི་ཕྱིར་མཉེས་པར་མ་བྱས་པ་ཞེས་བྱ་སྟེ། ལྷའི་བུ་དེའི་ཕྱིར་ཁོ་བོ་ནི་དེ་ལས་བསམས་ནས་འདི་སྐད་ཅེས་གལ་ཏེ་ཁྱོད་སངས་རྒྱས་དང་། ཆོས་
D80.044.0019b04.01དང་། དགེ་འདུན་མཉེས་པར་མི་བྱེད་པ་དེ་ལྟ་ན་ཁོ་བོ་ཁྱོད་དང་ཚངས་པ་མཚུངས་པར་སྤྱོད་འདོད་དོ་ཞེས་སྟོན་ཏོ། །དེ་ནས་ལྷའི་བུ་བློ་གྲོས་རབ་གནས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཇི་ཙམ་དུ་ཁྱོད་ཟབ་མོའི་གནས་དག་སྟོན་
D80.044.0019b05.01པར་མཛད་པ་ནི་ངོ་མཚར་སྟེ། བདག་ཅག་གིས་ཁྱོད་ལ་བགྱིས་པ་གཟོ་བར་བགྱིའོ། །འཇམ་དཔལ་གྱིས་སྨྲས་པ། ལྷའི་བུ་ཁྱོད་བྱས་པ་གཟོ་བར་མ་བྱེད་ཅིག །ལྷའི་བུས་སྨྲས་པ། འཇམ་དཔལ་འོ་ན་ཅི་བགྱིས་པ་མི་གཟོ་བར་བགྱི་འམ། འཇམ་དཔལ་གྱིས་སྨྲས་པ།
D80.044.0019b06.01ལྷའི་བུ་དེ་དེ་བཞིན་ཏེ། ལྷའི་བུ་ཁྱོད་བྱས་པ་མི་གཟོ་བར་བྱོས་ལ་བྱས་པ་གཟོ་བར་མ་བྱེད་ཅིག །ལྷའི་བུས་སྨྲས་པ། འཇམ་དཔལ་ཅི་ཁྱོད་བགྱིས་པ་མི་གཟོ་བ་ལགས་སམ། འཇམ་དཔལ་གྱིས་སྨྲས་པ། ལྷའི་བུ་དེ་དེ་བཞིན་ཏེ། ཁོ་བོ་ནི་བྱས་པ་མི་གཟོ་བ་ཡིན་གྱི་
D80.044.0019b07.01