完整藏文原文 · 德格版页 当前仅加载第 44 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཕྱིར་མི་ལྡོག་པ་ཞིག་འདུག་པ་དེས་འདི་ལྟ་སྟེ། བྱང་ཆུབ་སེམས་དཔའ་གཞན་དག་གདུལ་བའི་དབང་གི་ཕྱིར་ཤེས་རབ་ཀྱི་རལ་གྲིའི་མཚོན་རྣོན་པོ་ཐོགས་ཏེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ག་ལ་བ་དེ་ལོགས་སུ་བརྒྱུགས་སོ། །དེ་ནས་
D80.044.0022b01.01སངས་རྒྱས་བཅོམ་ལྡན་འདས་དེ་དག་གིས་ཤེས་རབ་ཀྱི་མཚོན་ལས་བརྩམས་ཏེ། ཅི་ནས་ཀྱང་སེམས་ཅན་དཔག་ཏུ་མེད་པ་དག་མིག་རྣམ་པར་དག་པ་དང་། སེམས་རྣམ་པར་གྲོལ་བ་དང་། བཟོད་པ་སྐྱེས་པ་དང་། བྱང་ཆུབ་ལ་ཞུགས་པར་གྱུར་པ་དེ་ལྟར་དེ་ལྟར་ཆོས་བསྟན་ཏོ། །
D80.044.0022b02.01དེ་ནས་བཅོམ་ལྡན་འདས་ཀྱིས་ཅི་ནས་ཀྱང་འཁོར་དེ་ན་སེམས་ཅན་ལས་དང་པོ་པ་དགེ་བའི་རྩ་བ་ཆུང་བ་རྣམ་པར་རྟོག་པ་མང་བ་གང་དག་འཁོད་པ་དེ་དག་གིས་མཚོན་དེ་མི་མཐོང་ཞིང་ཆོས་བསྟན་པ་དེ་ཡང་མི་ཐོས་པ་དེ་ལྟར་བྱིན་གྱི་རླབས་ཀྱིས་བྱིན་གྱིས་བརླབས་སོ། །དེ་ནས་གནས་
D80.044.0022b03.01བརྟན་ཤཱ་རིའི་བུས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱིས་སྟོན་པ་བགྲོངས་པའི་ཕྱིར་བརྟུལ་བའི་ལས་མི་བཟད་པ་མངོན་པར་འདུས་བྱས་པ་དེ་ཁྱོད་ལ་གང་དུ་རྣམ་པར་སྨིན་པར་འགྱུར། འཇམ་དཔལ་གྱིས་སྨྲས་པ། བཙུན་
D80.044.0022b04.01པ་ཤཱ་རིའི་བུ་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཁོ་བོས་ལས་མི་བཟད་པ་དེ་ལྟ་བུ་ནི་བྱས་ན་དེ་གང་དུ་རྣམ་པར་སྨིན་པར་འགྱུར་བའི་གནས་ནི་མི་ཤེས་སོ། །བཙུན་པ་ཤཱ་རིའི་བུ་དེ་ལྟ་མོད་ཀྱི་སྒྱུ་མའི་སྐྱེས་བུའི་ལས་གང་དུ་རྣམ་པར་སྨིན་པར་འགྱུར་བ་དེར་ཁོ་བོའི་
D80.044.0022b05.01ཡང་རྣམ་པར་སྨིན་པར་འགྱུར་རོ། །དེ་ཅིའི་ཕྱིར་ཞེ་ན། བཙུན་པ་ཤཱ་རིའི་བུ་སྒྱུ་མའི་སྐྱེས་བུ་ཡང་མི་རྟོག་རྣམ་པར་མི་རྟོག་ལ། ཆོས་ཐམས་ཅད་ཀྱང་མི་རྟོག་རྣམ་པར་མི་རྟོག་པའི་ཕྱིར་རོ། །བཙུན་པ་ཤཱ་རིའི་བུ་འདི་ལྟར་དེ་བཙུན་པ་ཉིད་ལ་དྲིས། ཁྱོད་ཀྱིས་ཇི་ལྟར་བཟོད་
D80.044.0022b06.01པ་དེ་ལྟར་སྟོན་ཅིག །བཙུན་པ་མཚོན་དམིགས་སུ་ཡོད་དམ། ཤཱ་རིའི་བུས་སྨྲས་པ། འཇམ་དཔལ་དེ་ནི་མ་ཡིན་ནོ། །འཇམ་དཔལ་གྱིས་སྨྲས་པ། བཙུན་པ་ལས་དམིགས་སུ་ཡོད་དམ། ཤཱ་རིའི་བུས་སྨྲས་པ། འཇམ་དཔལ་དེ་ནི་མ་ཡིན་ནོ། །འཇམ་དཔལ་
D80.044.0022b07.01