完整藏文原文 · 德格版页 当前仅加载第 44 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
འཕར་བར་བྱེད་པ་གང་ཡིན་པ་དེ་ལ་དྲིས་ཤིག །ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའ་ས་ནས་སར་འཕར་ཞིང་ས་བཅུ་པའི་བར་དུ་གནོན་པར་མི་བགྱིད་དམ། འཇམ་དཔལ་གྱིས་སྨྲས་པ། ལྷའི་བུ་ཁྱོད་བཅོམ་ལྡན་འདས་ཀྱིས་ཆོས་ཐམས་ཅད་སྒྱུ་མ་ལྟ་བུའོ་
D80.044.0006b01.01ཞེས་གསུངས་པ་ལ་མ་མོས་སམ། ལྷའི་བུས་སྨྲས་པ། འཇམ་དཔལ་མོས་སོ། །འཇམ་དཔལ་གྱིས་སྨྲས་པ། ལྷའི་བུ་ཅི་སྒྱུ་མ་དང་སྤྲུལ་པ་ས་ནས་སར་འཕར་ཞིང་ས་བཅུ་པའི་བར་དུ་གནོན་ཏམ། ལྷའི་བུས་སྨྲས་པ། འཇམ་དཔལ་དེ་ནི་མ་ལགས་སོ། །
D80.044.0006b02.01འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་སྒྱུ་མ་དང་སྤྲུལ་པ་ས་ནས་སར་འཕར་བར་གྱུར་པ་དེའི་ཚེ་ཁོ་བོ་ཡང་ས་ནས་སར་འཕར་བར་འགྱུར་རོ། །དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་ཆོས་ཐམས་ཅད་སྒྱུ་མ་ལྟ་བུའོ་ཞེས་གསུངས་པའི་ཕྱིར་རོ། །ལྷའི་བུ་དེ་ལྟ་དེ་
D80.044.0006b03.01ལྟ་མོད་ཀྱི་ས་ནས་སར་འཕར་བ་བསྟན་པ་དེ་ནི་འཕར་བ་མེད་པར་བསྟན་པར་བྱའི་འཕར་བ་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཆོས་ཐམས་ཅད་འཕོ་བ་མེད་པར་ཆོས་རྣམས་ནི་ཆོས་རྣམས་སུ་མི་འཕོ་བའི་ཕྱིར་ཏེ། གཟུགས་ནི་ཚོར་བར་མི་འཕོ། ཚོར་བ་ཡང་གཟུགས་སུ་
D80.044.0006b04.01མི་འཕོ། གཟུགས་ནི་འདུ་ཤེས་སུ་མི་འཕོ། འདུ་ཤེས་ཀྱང་གཟུགས་སུ་མི་འཕོ། གཟུགས་ནི་འདུ་བྱེད་རྣམས་སུ་མི་འཕོ། འདུ་བྱེད་རྣམས་ཀྱང་གཟུགས་སུ་མི་འཕོ། གཟུགས་ནི་རྣམ་པར་ཤེས་པར་མི་འཕོ། རྣམ་པར་ཤེས་པ་ཡང་གཟུགས་སུ་མི་འཕོ།
D80.044.0006b05.01ཚོར་བ་ནི་འདུ་ཤེས་སུ་མི་འཕོ། འདུ་ཤེས་ཀྱང་ཚོར་བར་མི་འཕོ། ཚོར་བ་ནི་འདུ་བྱེད་རྣམས་སུ་མི་འཕོ། འདུ་བྱེད་རྣམས་ཀྱང་ཚོར་བར་མི་འཕོ། ཚོར་བ་ནི་རྣམ་པར་ཤེས་པར་མི་འཕོ། རྣམ་པར་ཤེས་པ་ཡང་ཚོར་བར་མི་འཕོ། འདུ་ཤེས་ནི་འདུ་བྱེད་རྣམས་སུ་མི་འཕོ།
D80.044.0006b06.01འདུ་བྱེད་རྣམས་ཀྱང་འདུ་ཤེས་སུ་མི་འཕོ། འདུ་ཤེས་ནི་རྣམ་པར་ཤེས་པར་མི་འཕོ། རྣམ་པར་ཤེས་པ་ཡང་འདུ་ཤེས་སུ་མི་འཕོ། འདུ་བྱེད་རྣམས་ནི་རྣམ་པར་ཤེས་པར་མི་འཕོ། རྣམ་པར་ཤེས་པ་ཡང་འདུ་བྱེད་རྣམས་སུ་མི་འཕོ། མིག་ནི་རྣ་བར་མི་འཕོ།
D80.044.0006b07.01