完整藏文原文 · 德格版页 当前仅加载第 44 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བ་དང་འཇིག་པ་ལ་སོ་སོར་རྟོག་པར་བྱེད་དེ། དེ་དེ་ལྟར་སོ་སོར་རྟོག་པར་བྱེད་པ་ན་འདོད་ཆགས་ཀྱང་མི་དམིགས། གང་ལ་ཆགས་པར་འགྱུར་བ་དང་། གང་གིས་ཆགས་པར་འགྱུར་བ་དེ་ཡང་མི་དམིགས་སོ། །གང་གི་ཚེ་མི་དམིགས་པ་དེའི་ཚེ་མི་ལེན་ཏོ། །གང་
D80.044.0018b01.01གི་ཚེ་མི་ལེན་པ་དེའི་ཚེ་མི་འདོར་རོ། །གང་གི་ཚེ་མི་འདོར་བ་དེའི་ཚེ་མི་འཛིན་མི་སྤོང་སྟེ། དེ་ནི་མྱ་ངན་ལས་འདས་པ་ཞེས་བྱའོ། །ཞེ་སྡང་དང་། གཏི་མུག་དང་། ང་རྒྱལ་དང་། ཁྲོ་བ་དང་། འཆབ་པ་དང་། ཕྲག་དོག་དང་། སྒྱུ་དང་། གཡོ་དང་། སེར་སྣ་དང་།
D80.044.0018b02.01ལྷག་པར་འཛིན་པ་དང་། མཚན་མ་དང་། ཉེ་བར་ལེན་པ་དང་། འདུ་ཤེས་དང་། ཚོར་བའི་སེམས་ལ་ཡང་དེ་བཞིན་དུ་སྦྱར་ཏེ། ལྷའི་བུ་གང་གསད་པ་དེ་ལྟ་བུ་སྐྱེས་མ་ཐག་ཏུ་གསོད་པར་བྱེད་པ་དེ་ནི་གསད་པ་དང་པོའི་ཕྱིར་ཕྱུང་བ་དེའི་མགོ་ལ་མཚོན་གྱིས་འདེབས་པ་
D80.044.0018b03.01ཞེས་བྱ་སྟེ། དེའི་ཕྱིར་ཁོ་བོ་ནི་དེ་ལས་བསམས་ནས་དེ་སྐད་ཅེས་སྟོན་ཏོ། །གཞན་ཡང་འཇམ་དཔལ་གཞོན་ནུར་གྱུར་པས་ལྷའི་བུ་བློ་གྲོས་རབ་གནས་ལ་འདི་སྐད་ཅེས་སྨྲས་སོ། །ལྷའི་བུ་གལ་ཏེ་ཁྱོད་སངས་རྒྱས་མཉེས་པར་མི་བྱེད། ཆོས་མཉེས་པར་མི་
D80.044.0018b04.01བྱེད། དགེ་འདུན་མཉེས་པར་མི་བྱེད་པ་དེ་ལྟ་ན་ཁོ་བོ་ཁྱོད་དང་ཚངས་པ་མཚུངས་པར་སྤྱོད་འདོད་དོ། །ལྷའི་བུས་སྨྲས་པ། འཇམ་དཔལ་ཁྱོད་ཅི་ལས་དགོངས་ཏེ་དེ་སྐད་སྟོན། འཇམ་དཔལ་གྱིས་སྨྲས་པ། ལྷའི་བུ་སངས་རྒྱས་སངས་རྒྱས་ཞེས་བྱ་བ་ཅི་ཞིག་
D80.044.0018b05.01ཡིན་པར་ཤེས། ལྷའི་བུས་སྨྲས་པ། འཇམ་དཔལ་དེ་བཞིན་ཉིད་དང་། ཆོས་ཀྱི་དབྱིངས་ལགས་སོ། །འཇམ་དཔལ་གྱིས་སྨྲས་པ། ལྷའི་བུ་འདི་ཇི་སྙམ་དུ་སེམས། དེ་བཞིན་ཉིད་དང་། ཆོས་ཀྱི་དབྱིངས་མཉེས་པར་བྱར་ནུས་སྙམ་འམ། ལྷའི་བུས་སྨྲས་པ།
D80.044.0018b06.01འཇམ་དཔལ་དེ་ནི་མ་ལགས་སོ། །འཇམ་དཔལ་གྱིས་སྨྲས་པ། ལྷའི་བུ་ཁོ་བོ་ནི་དེ་ལས་བསམས་ནས་དེ་སྐད་ཅེས་གལ་ཏེ་ཁྱོད་སངས་རྒྱས་མཉེས་པར་མི་བྱེད་པ་དེ་ལྟ་ན་ཁོ་བོ་ཁྱོད་དང་ཚངས་པ་མཚུངས་པར་སྤྱོད་འདོད་དོ་ཞེས་སྟོན་ཏོ། །ལྷའི་བུ་ཆོས་ཆོས་ཞེས་བྱ་བ་ཅི་
D80.044.0018b07.01